هلأ بالأخت سنيورة الأفندي . والله كنت ناطرة ردك من ناحية جمال الخدامة ما أقدر أقول عليها بشعة لا بأس فيها وبصراحة هو دائما يعيب على كبر حجم راسها ويقول مثل التاير لأنه أكبر من جسمها ولما عرفت إنه ما يحب المتن صارت تضعف نفسها بس من أول يوم لما سمعت يقولها إنك شوي مليانه والله أشهر ما كانت تاكل شي وكله تشرب شاي علشان تضعف وبصراحة أنا أحلى منها والحمد لله ومن ناحية الدلع فهي دلوعة على الآخر فوق ما تتصوري وجدامه تسوي نفسها فهمانه وفيلسوفه ورقيقة على الآخر وكلامها كله دلع وصوتها يدوب تسمعيه من كثرة ما تدلع بكلامها لما يكون موجود وتسوي حركات وياه علشان تخليه يضحك هذا اللي أقدر أقوله عنها بعد شنو تبين أكثر . ترى اليوم الصبح ما كان عندي شغل وايد وكنت مع الخدامة نتكلم وتسألني أسألة وبصراحة جاوبتها إنك تحبينه وأنا عارفة هالشي وهي تنكر وقلتلها بس أنا مو مهتمة لسبب واحد فقط إني عارفة شعورة شنو وليش يسوي وياش شذي ولو أدري إنه يبادلك نفس الشعور شان تصرفت تصرف ثاني وخليته حقك تاخذينة كله وتغير ملامح وجهها .

وإلى الأخت دموع الشوق مشكورة حبيبتي على ردك . صحيح أنا صارخت بوجهه بس ما تصدقين اشكثر الحين متألمه وندمانه حاسة بالذنب لأن شوفي اشلون الحين حالتي ما يقعد وياي وأمس كان يحضر العشاء وياها بالمطبخ وأكلوا مع بعض وما ناداني وشني طوفه وظليت بروحي بالغرفة قلت يمكن يناديني أو شي بس ماكو والله مافي احساس عنده وانقهرت وراحت تتسبح ولما خلصت جت عندي الغرفة ما أدري هو قايلها أو لأ المهم عاملتله مساج المقرر كل يوم ......... وأخينا نام وبعدها عامبدلك والله ما قدرت أتحمل وقاحتها وقلتلها بس خلاص نام مافي داعي تظلي ادلكي خلص شغلك فردت شنو مدايقة قلتلها نعم لأن مافي داعي لما تشوفيه نايم خلص لأنه مو حاسس روحي ريحي إيديكي وفعلا خلصت وطلعت برة . هالشي اللي قاعد يصير مخليني مثل قنبلة وبتنفجر والله مو قادرة أتحمل أكثر أعصابي تعبت لأنه متجاهلني كثير . والله أمس قاعدة أدرس البنت الكبيرة وما قدرت أتحمل وجودها بالغرفة وياه لأني حاولت أكلمه وقالي أبي أرتاح عندي شغل وبعد شوي ما لقيته إلا يناديها وأنا جنيت وصرت أصارخ على البنات مثل المجانين وما عرف ينام من صوتي وصراخي مع البنات . ما أدري شنو أقول والله قاعدة أخجل من نفسي وأخجل منكم لما أسولف لكم بس شنو طالع بإيدي .

ملاحظة : منو يقدر يساعدني على منع ارسال رسالة في إيميلي الخاص إذا كان في رد لأني خايفة إذا يفتح الإيميل ويكون في رسالة من حواء . وشكرا لكم .

طيب مادام ماينفع معه شئ ليش ما تتركينه خليها تنفعه هالشغاله الله ياخذها
وروحي لاهلك
خوفيه بالدنيا بظلمات القبر لمن يد تلمسه وربي محرم هذا الشي لما يجلس مع وحده مو محرم له قوليله انت ماتدري يومك متى اتقى الله في نفسك وفي بيتك
سبحان الله نارالدنيا ماتحملنهااااااااااااااا شلون بنار الاخره
اهديه اشرطه دينه فيها عبر وعظه يمكن يتعض ويغير من حاله
حسبي الله عليها هالشغاله وربي رافعه ضغطي نفسي اجيك الكويت اعطيها كم بوكس وارجع يمكن تبرد حرتي
بالنسبه للرساله انتي روحي لملفك واختاري الايقونه اللي مايجيك ابلاغ بالرسايل

الله يهديه توني اقرا المووالثابت عنها نوضوع والله يفرج همك
بس ذكرتيني باختي وانتي ارحم منها تصدقين ان زوجها مطنشها ويسافر ما يقولهاويطلع البر وما تدري ولا يوديها للسوق دائما توصينا اوتجي عندامي وتروح تقضي معها
ومانع عنها الزيارات والتعرف على الجيران وفاصل تلفون عنها ومسكينه شالت المراره وتكشكي ون الم في الكبد وكله بسبب الضغوط النفسيه ومتحمله عشان اعيالها

انا قريت اخر صفحتين ومااقدرت اكمل الصفحه الاخيره ارتفع ضغطي
اعوذ بالله من الشيطان الرجيم
صراحه مومعقوله انك طبيعيه اخاف مسويتلكم سحر هالشغاله
انا اعرف وحد زوجها تقريبا مثل زوجك بس تركض وراه الشغاله وهو بس يدورها واقعد ضحك وسوالف حتى يقوم الفجر ويدورها الرجال صار مو طبيعي حتى عياله لاحظوا حتى اذا بغى شي ناداها هي وسبحان الله الزوجه مومنه وصابره الزوج مو ملقيها بال وسبحان الله اتى العقاب من رب العالمين واصيبت الشغاله بمس من الجان وصارت تنصرع وافق انه يسفرها والحين الرجال طبيعي ولله الحمد ويحب زوجته
يااختي الشغالات ماوراهن الا البلاوي والله اني اكرهن كره ماصار اغلبهن ماعندهن الاالغيره والحسد
يااختي وش الي حادك على الشغاله مافي احسن من شغل البيت والراحه النفسيه الي تبين تلقينها
وبعدين ليه ماتقولين لزوجك لايكلمها ولاتقربله ابد لا وبعد تدلكه ليش وش دورك انت لوزعل زوجك بكيفه يزعل ولايرضى ولايد مره اجنبيه مي من محارمه تلمسه
سفررررررررررررررررررررررررررررررررررررررررررري الشغاله فورا ولاعاد تجيبين شغالات وفتشيها تفتيش دقيق جدا خوفا من الاسحار مادام هذي تصرفاتها
اخ قهر لا وتعلمك اخبار زوجك وش قالها ليه تسولف معه ليه هي اقرب منك له وليه تسمحيلها تتكلم معك بهالطريقه
نصيحه اذا كلمتك اي شي عنك اوعن زوجك لاتردين عليها واتركي قال وقيل واعلني الرفض التام لقربها من زوجك لها وله واطبخي انت بنفسك ودلكي انت زوجك بايدينك
صراحه قهرتيني بالامبالاه الله يهديكم
الحمد لله الي عافانا مما ابتلاكم به وفضلنا على كثير من خلقه
ياعمري بكيف مال الدنيا يروح يتعوض الا زوجك وبناتك مايتعوض فلا تضيعينهم واتقي الله