:( الله يعينك على هذا الرجل المتسلط ، :( :(

هذول ماهم رجاجيل هم أشباه الرجال ، و الله أكرهم من كل قلبى يعنى يدرون أن المرأة كائن رقيق و مثل الوردة كلمة تعليها فوق و كلمة تقطها سابع ارض
بس صدقينى اذا رجعت الى ورا و بحتى فى طفولته و نشأته راح تلاقين أنه فى بيتهم اساسا ما تربى هو على الصلاح و الهدوء و معاملة الغير بالهدوء و الطيبة و الأخذ و العطا يأما تلاقين أن أمه كانت متسلطة و تربيه بعنف أو أبوه فعل معه ذلك أو أن أبوه يصرخ على أمه و يضربها قدامه و بالتالى غصب عنه تربى فيه هذا الجو و كبر بنفسيته و من وجهة نظره التى يعتبرها هو صحيحة ان المرأة لا تعامل الا بهذه الطريقة حتى تمشى عدل و بالتالى طبق معك هذا الشيء أو أن فى حياته امرأة ثانية مغيرة حاله لازم تراقبينه و تكتشفى بحدسك يمكن هو يحبك من داخله و ما يحب يبين لك هذا الشيء و ما يرتاح الا لما يهينك و يضربك لأنه يعانى معاناة نفسية كبرت معه أفضل حل تطنشينه و لا تردى عليه و لا تعطيه المجال ان يضربك و الله حرام يسوى كذا فيك و بعدين عندما يضربك ضرب مبرح قومى صورى نفسك بالاماكن اللى ضربك فيها طبعا بكاميرا ديجتال و اطبعى الصور عندك بالبيت ثم لصقى الصورة قدامه على الثلاجة أو بمكتبه صدقنى فى واحدة سوت كذا و قام يراجع نفسه أثناء الصفاء و يتذكر اش اللى سوى فيها بعدين صارت عنده ردة نفسية عالجت مخه و تفكيره و اذا اشتد الخصام بينهما و حاول يضربها يتذكر الصور اللى صورتها و علقتها قدامه و الله بدأت تحس انه يتراجع و ماقام يضربها بس يصرخ عليها و بالتالى عالجته هى بنفسها و بعدين اصبرى علشان البنات و ربيهن على حبك واحترامك و علميهن انهن يحترمنك و علميهن ان اللى يسويه اباهما أمامك غلط و الله راح يحاسبه و كونى معهما جادة فى هذا الموضوع لأنه راح يستسهلنه و يعاملناك بنفس الطريقة اذا كبرتا و الله كسرتى خاطرى الله يهديه مع أن هذا النوع لن يتغير الا اذا هو غير نفسه كونى قوية معه اعطيه كلمة بكلمة و لا تسوين روحك ضعيفة و الله اللى يستاهل الحب لازم ما يضر حبيبه و بعدين حاولى تبينين له انه هو اللى مايقدر يستغنى عنك مو انتى و لا تجيبى فكرة الطلاق فى بالك لأنه راح تكررين غلطة والديك و اصبرى عشان البنات و كان الله فى عونك اذكرى الله كثيرا ثم اذا عصبتى و انجرحتى حاولى أن تقومى بعملية التنفس يعنى شهيق و حبس النفس داخل ثم زفير و خذى حمام دافئ و ابكى داخل الحمام حتى يروح عنك الغضب و الزعل و الله يوفقك

السلام عليكم عزيزتي دموع الشوق والله أنا مقدرة كل كلمة قلتيها وأدري من قهرك علي قاعدة تكتبي فما بالك اللي أنا عايشة بهذي الظروف 24 ساعة . ما أقول إلا الله كريم . والصبر مفتاح الفرج بإذن الله تعالي . بس إنت تقوليلي روحي عند أهلك مو أنا لو عندي أحد شان من زمان رحت وشكيتلهم بس منو عندي والدي متوفي وصدقيني لما كان والدي عايش ما كان يقدر يزعلني بهالطريقة أبدا وكان والدي يقولي إذا مو عاجبه إنت في بيت أهلك معززة مكرمة شنو مفكر نفسه أهو . بس الحين منو عندي وإذا بطلع من البيت بهالطريقة يعني خسرت كل حياتي وإذا كان في مجال بتتصلح بهالطريقة من سابع المستحيلات يتصلح كل شي كلامي صح ولا لأ . ولا تنسي عندي بنات راح يعذبني فيهم وإنت عارفة قلب الأم . فشنو الأفضل . لهالسبب كتبت بهالمنتدي عسى ألاقي منكم مساعدة معقولة أقدر عليها وفعلا فضل الجميع قدرت أتحمل واستفدت منكم واااايد وحاسة في تغيير حتى لو بسيط وإن شاء الله تكون أول الخطوة للأفضل . أنا وااايد ركزت على موضوع الخدامة فعلا صارت عله على قلبي وإن شاء الله بتخلص منها عن قريب .
إلى أختي سنيورة الأفندي مشكورة على ردك حياتي . من ناحية إنه طايح بدباديبها ما أعتقد لأن زوجي مو من النوع الرومانسي فهو جدي وااايد وما يحب حبني وأحبك بس أنا أقولك إنه يرتاح لما يقعد وياها ويسولف وياها لأنها تجاريه على هواه وهذا اللي يبيه وأنا عكسها تماما أجادله وأناقشة وبالآخر يعلى صوتنا ونتهاوش وكله بسبب ما نفهم بعض بسرعة شنو المقصد من اللي قاله أو اللي أنا قلته واهني مشكلتي وياه فعلا عدم فهمه على الطاير . وهو يبي واحدة تفهمه بدون ما يقول الكلمة واللعينة اللي عندي تعرف اشلون تكلمه وتهديه إذا كان زعلان منها هذا الفرق ومن ناحيتها أنا واثقة إنها تحبه حيييييييييل وهالشي واضح حتى هو يدري بس ما يهتم لهالشي أبدا أبدا وبصراحة عنده واحدة في حياته ما يقدر يمكن يحب غيرها وهي أول حب في حياته لما كان صغير يعني قبل الزواج وأنا أعرف قبل ما أتزوجه وقالي عنها والحين قال للخدامة عنها ودائما يقارن بيني وبين حبيبته الأولية بس أنا ما أهتم لهالموضوع شي من زمان صار وراح قبل ما أعرفه .وعلى فكرة خدامتي فلبينية . وأنا والدة بناتي طبيعي والله يعطيك العافية إذا فعلا بتقوليلي وبتفيديني بهالموضوع لأن فعلا زوجي من النوع اللي يحب الجنس ومهم عنده . بس اشلون بتراسليني ما عندي فكرة ياريت تقوليلي على الطريقة أو إذا في مجال بهالصفحة ولا ما يصير وإذا تفضلي على الخاص قوليلي شنو أسوي بالضبط .

وإلى الأخت ضاوالأمر مشكورة حبيبتي .
وإلى الأخت الزيتون الله يعطيك العافية والله يكون في عون أختك يارب العالمين والله إني حاسة فيها فعلا الواحد لما يسمع أو يشوف مشاكل غيرة تهون عليه مشكلته .
إلى الأخت أسيرة المحبة مشكورة حبيبتي على مشاعرك بصراحة تأثرت بكل وحدة كتبتلي وحسيت مشكلتي صارت أخف وإنتوا السبب الله يعطيكم العافية ويوفقكم يارب ويجعل حياتكم كلها سعادة ويبعد عنكم الحرام آمين . من ناحية تسفير الخدامة أنا مو طالع شي بإيدي صدقيني ما أقدر الشي بإيد زوجي حتى لو قلتله ما راح يسمع كلامي راح يسوي اللي هو يبيه بس اللي أقدر أسويه إني أخليه يكرها يعني الحين بنتي تقوله بابا أنا ما أحبها مو زينه وياي وأحسها ما تحبنا وتسوي نفسها ناعمة ودلوعة سفرها . وأخوي بعد لما تسوي شي لملابسه أو تنظف أغراضه بطريقة خطأ دائما يصبر لما زوجي يكون موجود ويبهدلها ويقولها ليش ما سألتي المدام إذا ما تعرفي شنو عبالك إنت صاحبة البيت حطي في بالك إنها صاحبة البيت وهي أدرى بكل شي . والله أحيانا يبرد قلبي وطبعا زوجي ما يقدر يقول شي لأنها مسويه خطأ . هذ

آسفة على الخطأ . أكمل ما يخالف . سامحوني . المهم هذا اللي أقدر أسويه . وبصراحة إذا سافرت ما راح أفكر أجيب واحدة ثانية والله يعيني . لما سافرت بالإجازة والله العظيم حسيت بنفسي أكثر وإنه هذا بيتي أقدر أرتبه وأسوي اللي أنا أبيه وحسيت بثقة والله كنت أتعب بالبيت بس شوي شوي تعودت شنه كان الله سبحانه وتعالى يعيني ويساعدني . وكنت مستانسة بهالأيام أقدر أقعد وياه على كيفي وأحضنه وألعب وياه بدون ما أشوف واحدة تراقب أفعالي بكل كبيرة وصغيرة . والحين لما تحاول تقولي شنو يقولها أوقفها عند حدها وأقولها ما أبي أسمع شي شنو يقولك ولا تصدقين كل شي يقوله لأنه ما يقول كل شي صحيح وأبين لها إني مو مهتمه شنو يقولها مو مثل أول كنت على طول أبكي وأعصب ويومي ينقلب فوق تحت ويتعبى قلبي كره .وأنا اللي أطبخ بس والله للضرورة خليتها تطبخ لأني ما كنت بالبيت كنت بمدرسة بنتي الصغيرة وجيت متأخرة بس أنا أسوي كل شي وما أحب طبخها وتفكر نفسها شي .
إلى الأخت طيبات الله يعطيك العافية كلامك أثر فيني وااااايد بصراحة كلامك كله صح أبوه كان يضرب أمه جدام عياله وفعلا الكل يقولولي من أهله قاعد يتصرف تصرفات أبوه وأمه قالتلي قاعدة أعيش الماضي وأتذكر أبوه اشلون كان يعاملني تصدقين أمه في منتهى الجمال والأنوثة والكل يضرب فيها المثل بس أبوه كان يقولها وجهك مثل القرد وسبحان الله بعد الطلاق تزوج واحدة استغفر الله وجهها مثل القرد وكان ظالم وللحين بس الله سبحانه وتعالى عاقبة على أفعالة وعنده سرطان بالرقبة بالحنجرة وشالوا الأحبال الصوتية وما يقدر يتكلم لفترة طويلة وكله يكح أعوذ بالله الله يبعدنا عن المرض وشر المرض . واااايد أسمع يقولولي إنه مصيرة بالآخر مثل أبوه ومثل مو الحين زوجته هي اللي مسيطرة راح تكوني مثلها لما يكبر ( الله وأعلم ) أنا ما أحب أذم فيه وايد لأنه إنسان طيب بس لولا هالعيب اللي فيه شان يصير أحسن رجال . وفعلا ترى هو من النوع ما يحب يبين للي يحبه إنه يحبه ويخلي هالشي بقلبه لأنه إنسان جدي وعباله إذا سمعني هالكلام الحلو وهالمحبة ما راح أسمع كلامه وراح أتمرد عليه لأن المرة ما تنعطى وجه . فكرتك بالنسبة إذا ضربني أعلق الصور عجبتني بس إن شاء الله ما يرجع ويضربني مثل أول بس إذا صار راح أعلق الصور .
أشكركم واااايد على ردكم بس أبي منكم مساعدة .
للحين المنتدى يبعث لي رسالة على الإيميل شنو أسوي مع إني فتحت تغيير الخيارات بس ما كو فايدة الله يخليكم ساعدوني .

سلام عليكم
شلونك اختي وشلون البنات انشاء الله بيخير
الحمد لله البنات ما قصروا بالاجابه والكل نفس الراي وبيقولن لك تخلصي من الخدامه باسرع وقت ممكن .. لانها رح ادمر بيتك وحياتك في سبيل مصلحتها وانانيتها والسحر الي تستخدمه والله العالم .
ولازم تتصرفين باسرع وقت .. كتبنا كثير ونصحناكي كثير وانتي انتي لا تغير ولا تحرك منك موقف او تصرف ما .. لذالك فقط خلص عندنا الكلام والنصائح وليس عندنل ما نكتبه لكي سوى الدعاء والصلاه لكي ولزوجك وعائلتك بالخير والبركه والهدايه والله يجمع شملكم على خير وسلامه انشاء الله .
اما بالنسبه لي فانا اتابع رسائلك وردود البنات الله ايخليهم ومطمئنه .. وانا لا انساكي بصلاتي ودعائي .. نسال الله القبول .. بس انتي حبيبتي شوفيلك صرفه وطبقي ونفذي الي نصحناكي بيه لان بعدين الندم ما يفيد.. وسلامتك....
اما بالنسبه للاخت سنيوره الافندي اختي حبيبتي افيديني وعلميني اسعدك الله دنيا واخره مو بس الاخت تعلميها .. نريد نحن ايضا نستفيد هههههه بارك الله بيج ... جاوبيني واذا وافقتي حتى اعطيج معلومات عني بان اذا كنت والده طبيعي ام اصطناعي .. جزاكم الله خيرا

صدقيني البلا مب فيك البلا بزوجك واسمحيلي زوجك مريض نفسيا ويحب يثبت وجوده ورجولته عندك لانك انسانه طيبه زياده عن الزوم .