شلونكم بنات رجعتلكم :)


الدبا الرشيقه سلامتج من التعب والضيقه من شنو صاير فيج جذي؟؟

.. انا والله الاكتئاب حايشني بسبب بعض المشاكل مع خطيبي اللي صادف وقت قريب يسافر يعني النفسيه مو اوكي بس والله معاكم مسليه نفسي و حاسه انه في احد يونسني:)

دخلي على موضوعي اللي في التوقيع و انتي تفهمين اكثر ..



** أم خالد **

الله يشافي ولدج يارب وديري بالج تعطينا هالادويه وايد ترا الدكاتره صايرين لا ذمه ولا ضمير و اكثر الامراض بسبب الادويه الغلط .. اسمالله عليه الله يحفظه لج يارب ..

وبالنسبه لرجيمج ماشالله ماشيا صح و مازودتي شي بالعكس ..
و في معلومه اكيد الكل يعرفها بس ابي ااكدها لكم من كلام دكتوري..

انه الرجيم مو معناته حرمان من الاكل و الشعور باليوع 24 ساعه و دوخه و مافيج حيل .. هالتفكير غلط .. لانه الرجيم هو تنظيم اكل وليس حرمااااااان و عوار بطن ..

و هالشي اقوله عن تجربه .. انا كل يوم اسوي رجيم يديد ماخليت شي ماسويته و كله حرمان في حرمان .. اذا كملت يومين التزام تلاقوني بالليل طحت غشيانه و وكلوني غصب .. الاحباط وصل فيني لهادرجه تخيلو ..

لكن لما فكرت بعقلي قلت الحين هالناس اللي اوزانها فوق ال100 قاعده توصل لل 60 شلون؟
معقوله حرمان اكل؟ جان ماتو من اول اسبوع ..

فقررت اروح للدكتور يوسف خضر و هو دكتور معروف بالكويت و سمعته وايد حلوه من حيث التعامل مع المراجعين و من حيث تمكنه بشغله ..

وكان في اعلان عن واحد كويتي خسر 59 كيلو في خلال 3 اشهر اتوقع جذي تقريبا مو ذاكره بالضبط .. لكن صج صج فرق وايد ..
وفي سكرتيره عنده من كثر ماهي ضعيفه اللي يشوفها يقول تشبه مرت باباي تعرفونها زيتونا الضعيفه وايد؟؟
السكرتيره جذي كانت .. و مره و انا قاعده شفت في صور معلقين في قاعة الانتظار صوره لوحده قبل و بعد الرجيم لما دققت بالشكل انصدمت .. تتوقعون منو اللي بالصوره المتيينه ؟؟


السكرتيره الضعييييييييييييييييييفه ماشالله صج صج اهني تشجعت و ارادتي قوة وايد و قلت خلاص مافي غير هالدكتور ..

و التزمت معاه و كنت اضعف كل اسبوع 3 كيلو او 3.5 تقريبا و اول اسبوع ضعفت 4 ..

و وصلت لي نص السبعينات لكن بعدها صكوني عين و صرت اكل و ما اهتم و النفسيه بدت تتعب شوي ومشاكل و هموم و فقدت كل امل اني اضعف ..

والحين رديت بعزيمه قويه اني راح اكمل مع رجيم دكتوري لانه شي عن تجربه و انا خسرت حول 10 كيلو بأقل من شهر يعني وايد حلوين ..

فأنصحكم انكم تبلشون في رجيمي لانه اولا عن تجربه شخصيه .. و ثانيا يناسب وزن مجموعتنا لانه كان وزني 87.7 لما رحتله اول مره ..

ادري طولت بالكلام بس والله ابي اشجعكم


سابرينا 2005

اتمنى تقرين كلامي و تتشجعين معانا :)

حبيبة من مصر

شوفي يا قلبي اطلبي من المشرفه تضيف اسمج و هي بنت الكويت و ماراح تقصر انشالله ..

و اذا مافي مجال انه تضيفج عادي خلج معانا و تابعي يومياتنا و كتبي يومياتج و تشجعي ..

وبالنسبه للرجيم اكو رجيم مناسب و مافي حرمان و انا حاطته في توقيعي التزمي فيه و هو ينقص 3 كيلو او اكثر في اسبوع ..

موفقه يارب:)


ام محمد الخلطات

صاجه ياوخيتي اهم شي النفسيه بس من وين ايبها لو يبيعونها جان شريت لوول <--بضيقه وتنكت

الله كريم ادعولي بس:)


وفاء زايد

انا انشالله راح ابلش رياضه من الاسبوع الياي لانه هالاسبوع مالي نفس شي للأسف ..
الله يقدرني عالاسبوع الياي و انشالله راح احاول اطلع امشي + عندي جهاز اسمه كارديو كروزر اللي ينحط في الاعلان يشغل كل مناطق الجسم راح استخدمه نص ساعه كل يوم .وموافقه على الوقت الوقت اللي قلتوه .. بين المغرب و العشا لكن انا عندي استثناء و هوه اربعه و خميس اكون بيت يدتي و اطلع مافي مجال كلش اسوي .. و هاليومين اعتبرهم راحه لعضلات جسمي عشان لما ارجع اليمعه اسوي رياضه تتفاجأ العضلات بعد ما رخت شوي فترجع تشد اكثر من قبل و هذا كلام من خبراء مو يايبته من عندي :)

حتى ينصحون انه اللي يبي يسوي رياضه يسوي يوم و ترك يعني يقولج امشي 3 ايام بالاسبوع مثلا .. عشان الفايده تكون اكثر و الكلام اللي قلته فوق يوضح ..

و ااكدلكم المعلومه اكثر .. انه في النوتادي تلاقون كل يوم يركزون على جم منطقه مع بعض و اليوم الثاني يركزون على مناطق ثانيه و اليوم اللي بعده يرجعون للمناطق الاوليه صح؟؟ او مالاحظتو هالشي؟؟

المهم شدو حيلكم لانه غيرنا اللي ضعفو مو احسن منه بشي :)

ايسكريم

خلج جذي ملتزمه و بالتوفيق يارب:)

الدبا الرشيقه

اسمالله عليج شفيج يمكن ماخذه برد؟؟

لبسي عدل و تغطي الجو يمرض لانه في مرحله انتقاليه ..

وحاولي تشربين سوائل عشان تتخلصين من السخونه في جسمج ..
و يفضل تحطين كمادات في طيات الجسم و الرأس .. اقصد في طيات الجسم يعني شفتي الكسره مالت الايد لو سكرتيها من فوق صوب الزند و اليد؟ ترا ماعرف اشرح بس انشالله فهمتي و بعد على رقبتج و على ريلج المكان المعاكس للركبه يعني ركبتج من ورا عرفتي قصدي اكيد ..

وانشالله تروح سخونتج و يالا بلا دلع كل هذا عشان تبين اقولج خربي الرجيم ؟؟؟ لوول

ياويلج ان خربتيه بس اتبعي رجيم زين و مافيه حرمان ..


دبة سمينة بريالين

اي وايد تشجع هالحركه تحسين انج صرتي رشيقه بمجرد ماتسوينها لوول

يالله موفقه حبيبتي

والحين ارجع ليومياتي بعد مارديت على الحلوات :)

كليت الصبح فطيره صغيره (مسموح اكل 2 توست او صمونه مع اي حشوه)

وشربت نسكافيه ..

و الغدا كليت 3 قطعه تكا(دياي) لو حطيتوهم ورا بعض بيكون حجمهم نفس طول الاصبع يعني صغار وايد و بالغصب كليتهم..

و العشا كليت علبة روب و ماكملتها تمت نصها يمكن ..

و بس هذا اكل اليوم :)

السلام عليكم

الحمد الله ماشيه على الرجيم بالحرف الواحد فطوري اليوم (سلطة الربيان مع الخضار +شوربه الحارقه الدهون )


وفاء زايد
الرياضه ليوم ما سويت غير مشي نصف ساعه بعد الفطور راح ارجع اسوي رياضه من باكر ان شاء الله من الساعه السابعه لين الثامنه ونصف حسب الضروف ومن يوم الجمعه راح ارجع البرنامجي القديم بس اخلص من صيام النصف من شوال


ايسكريم
كل ما اقراء اسمك احس اني ابى اكل ايس كريم اهم شي انك تلتزمي بالرجيم لي بطبقيه علشان اي خربطه بتاثر على نتيجه بداء الجسم سياسة التخزين بدل حرق مخزون الدهون لي عنده

دبة سمينة بريالين
حاولي انك ما توكلي اكثر عن لي مكتوبلك بالرجيم والوجه الفرري مو الحين بعد ما تنزلي الوزن المطلوب ونتقل كلنا المجموعة السبعينات وقتها راح اعزمكم كلكم شوقلتي في وجبه فري والابعدين


ام خالد
ما يشوف شر ولدك سويله المثيبه (الشمر )واعطيه له ثلاث مرات في اليوم
وابعديه عن العطور والدخون المكيف ويوم تسبحيه لبسيه ملابس دافئه وجوارب