صدق النوايا

ويييييي ليش جذي والله حرام كنتي ماشيه صح و خربتي عالاخر ..
يالله ماعليه بس مو تعيديينها بعد عشان تضعفين انشالله ..

وانشالله مايأثر اللخبطه هذي ..

وشكرا حبيبتي ليما خصيتيني بالتحيه من ضمن البنات استانااااااااااااااست

وشكر ثاني انج قاعده تسوين دعايا حق رجيمي لووول بس جد عجيييب



omahmed

اكيد طبيعي حبيبتي اذا كنتي ماكله وزنج يزيد .. واذا كنتي متحركه وايد ولاعبه رياضه وزنج يزيد تدرين ليش؟ لانه عضلاتج تنشد و تثقل .. لكن نامي و اصحي الصبح و بعد دخول الحمام عزج الله قيسي وزنج بتلاقين انه نازل انشالله بسبب الرياضه و الرجيم ..
لكن لا تفكرين تقيسينه اي وقت خلال اليوم منعا للاحباط لانه مايكون الوزن صحيح :)
و في ملاحظه .. اذا شرفتج الدوره الشهريه اهني راح يصعد وزنج حتى لو ماكلتي شي تقريبا 1-2 كيلو .. و بمجرد ما تنتهي راح ينزل الوزن طبيعي .. فلاتخافين و لا تتحبطيين و احنا معاج و شدي حيلج ..


الدبا الرشيقه

ليش خربتي حرام لا تعيدينها يالله نبي نتشجع مع بعض شوفوني ماشيا تمام وابي احد ويايي .. نبي ننتقل كلنا للمجموعه الثانيه مابي اروح بروحي .. ترا لو ما انتقلتو معاي باكل و ازيد الكيلوات اللي خسرتهم و اقعد معاكم <--- ياااااااااااا الله عالذكاء بدال لا تشجعهم

و انا الحين بشوف ردج على موضوعي و ارد عليج .. مشكوره حبيبتي على اعطائج من وقتج الثمين لموضوعي <-- مو لايقه عليج الرسميات لووول


وفاء زايد


افااااا والله ماهقيتها منج يا وفاء و انتي الللي تشجعينا عالرياضه ؟؟
يالله سماح هالمره بس ماتعيدينها و سوي عقاب لنفسج زيدي رياضه عشان تفقدين الكالوريز مالت الحلو ..


jolie_q8

يا الله و انتي بعد يا جولي خربتي .. شفيكم بنات مو راضين تلتزمون <-- شاده حيلها وتزف لانها اول مره تلتزم لووول
اتبعي رجيمي تلقينه بالرابطه وايد ممتاز و عن تجربه ..

بذكركم بشي ترا عنوان المسابقه التخلص من السمنه و ليس المحافظه عليها وتخزين الشحوم و اللحوم ..

يالله مابي اسمع انه وحده مخربطه بعد خلاص من باجر راح يكون فيه عقاب و اللي ماتسويه ترا بتشوف الويل ..

بما انه زوجي في الشرطه يعني عارفه انواع العقابات للمجندين و اللي يخالفون القوانين ..
و راح اصير شرطيه <-- مثل ريلي فديته

واي وحده تخل في شروط المسابقه و تاكل راح يكون لها عقوبه رياضيه على حسب شنو تخبيصها ..

و اللي ما تلتزم بضاعف العقوبه واضح؟؟؟؟

للخلف در للأماااااااااااااااااااااااااااااااااااام سررررررررررررر <--- اندمجت شوي لوووووول

هلا رزان خلاص يوم قريت موضوعك بتوب وبتحمس

بس فيه سؤال مدري وش يبي

ذالحين الريجيمات اللي انتي حاطه 9 <===يعني جدول لتسع اسابيع؟ او اختار واحد من هالتسعه؟؟؟

سؤال ثاني مأثر على جهة الدماغ اليسرى من المخيخ الايمن في الجزء السفلي من وريد شريان الحبل الشوكي الا وهو

الهمبرجر وش اسوي فيه؟؟؟ اقليه او اسلقه <== غبيه
او اشويه <== طيب الشوي وشلون؟؟؟
احطه بقدر والا قلايه؟؟؟؟ او اشتري لي شوايه؟؟؟؟ والا بالكاتم اسرع؟؟؟؟؟
طيب اطبخه وهو مثلج او ذايب؟؟؟؟؟

دباااااااا الله يهنيج عالمطر اللي عندكم ..

تعالو سمعو سالفتي شصار فيني بالمطر مره من المرات <-- تغير شوي بدال زف على الرجيم لول


كنت في بيت يدتي و الساعه تقريبا 2 بالليل و انا ناااااااااااااااااسيه الوقت ..
كنت رايحه بروحي و قعدت مع بنات خالي و عيال خالي سوالف و ضحك و راح عن بالي الوقت

ما وعيت ولا الساعه 2 جان اقول اكيييييييييد ماما نامت ولا جان شلخت الموبايل و اتصلت على بيت يدتي لانه مو عادتي اتأخر وانا طالعه بروحي بس سبحان الله سهيت والوقت مر بسرعه ..


المهم و اقوم و اطلع .. وانا بالخط السريع زاد المطر و انا تقريبا دايسه 110 مو اكثر لانه زاد المطر ..

شوي ولا واحد مادري ياربي شسالفته سريييييييييييييييع و يتركلي عشان ابعد عن الحاره اللي اهوه فيها ..

انا توني يايه بلف يميين جان يلف اهوه بعد عاد انا خفت جان بسرعه اقضب بريك و الف السكان يسار و تزلق السياره و تلف تلف تلف تسوي رقم 8 بالانجليزي جني استعرض لووووووووووووووول و انا مو قادره اسيطر عليها و قاعده اصرخ جني في قطار الموت مال الملاهي .. و هذاك مشا ولا كأنه مسوي مصيبه ..

ما اشوف الا مره وحده سيارتي طفت و وقفت عكس السير لووووول اشوف الشارع واقف و السيارات خايفه تتقدم و انا مجابلتهم جني استعرضلهم لووووووووول والله شكلي كان يضحك ..
والحمدالله ماقلبت فيني السياره لانه سيارتي جيب ..


شوي جان احس اني خلاص بغشي من الخوف والرهبه و التعب اعصابي راحت فيها ..

حطيت راسي عالسكان ولا ايلي واحد مسكين و يطق الباب علي انا قافلته كنت و مافيني حيل افتحه مع اني كنت صاحيه بس مو بكل وعيي و نزلو تقريبا كل اللي في الشارع لوووووووووووووووووووووووووووووول فضحتي بأت بقلاقل على قولت خوانا المصريين

ويحاولون يفتحون الباب .. انا من الفشله مارفعت راسي لووووووووووووول واهوه عبالهم اني غشيانه .. بس انا بعدي حاسه شوي بالوضع لكن الخوف سوالي دوخه ..

و ايي واحد ايب سيم مادري شنو ويقعد يفتح الباب وانا بقلبي اقول ياويلي شوفي شلون خليت الناس تنشغل و انا اقدر افتح الباب من عندي بس الفشله كانت مخليتني اتمنى اموت بهالوقت لووول

فتحو الباب و يبون يشيلوني و يشربوني ماي جان اخاف يت بتحرك الاقي نفسي متخدره من الخرعه لوول والله اني نكته كان عبالي اني اقدر اتحرك ليش اني بعدي بنص وعيي لكن اكتشفت انه الجذبه طلعت صج لووول
قلتلهم مافيني شي بروح بيتنا قربت جان اغشي <-- ميته من الضحك تتخيل شكلها و اهي تسوي روحها قويه عشان لاحد يلمسها و اخر شي تغشي لووووووووووووول والله شر البلية مايضحك

بعدها اتصلو علي بيتنا و كان قريب و شربوني ماي و طلعوني في المطر عشان يتبلل ويهي واصحى يعني صارت سوالف .. و لما صحيت لقيت ماما و خطيبي وبابا في غرفتي
جان ارد اسكر عيوني خفت يقولونلي ليش سقتي بسرعه في المطر لوووووووووول <-فاضيه

و بس من بعدها حرمت ادوس في المطر

ها شرايكم في سالفتي مع انها تخرع بس الاحداث لما اذكرها تضحكني <-يوم عن يوم احس اني عبيطه اكثر لووووووول

بس تصدقون ضايق خلقي على شباصتي لانها عاجبتني وايد ومادري وين طاحت مني بره السياره وانا ماكنت بوعيي و اهما ماردوها حقي:( <-- بغت تموت تفكر بالشباصه لووول

يالله تعليقاتكم

ههههههههههههههههههههههههههههههههههههههههههههههههه

اقسم بالله تمنيت اني معاك
البنت تقول اشوى ماقلبت السياره ========>
<====== هذي على بالها ملاهي
ونااااااااااااااااااسسسسسسسسسسسسسسه
لو كنت معاك بتلفف بعبايتي واطلق ساقاي واذا قالوا اختك صديقتك بقول مااعرفها مااعرفها
<=== قمة النذاله

ههههههههههههاااااااي من جد الحمدلله على سلامتك

تخيلت شكلك ههههههههههههههههههههههه

الدبا الرشيقه

يحليييييييييلج يا دبا شنو هالاسئله اللي مادري من وين يايبتها لووول


انا بجاوبج عليها ..

ذالحين الريجيمات اللي انتي حاطه 9 <===يعني جدول لتسع اسابيع؟ او اختار واحد من هالتسعه؟؟؟

انا حاطتهم بالترتيب اللي الدكتور عطانياهم .. و اهما لوزن بدايته كان 87.7

بس انتي كيفج تبدين بالدور او تختارين مايضر لانه كلهم لوزن بالثمانينات يعني نفس مجموعتنا ..

اختاري اللي يعجبج و كل اسبوع غيري



سؤال ثاني مأثر على جهة الدماغ اليسرى من المخيخ الايمن في الجزء السفلي من وريد شريان الحبل الشوكي الا وهو

الهمبرجر وش اسوي فيه؟؟؟ اقليه او اسلقه <== غبيه
او اشويه <== طيب الشوي وشلون؟؟؟
احطه بقدر والا قلايه؟؟؟؟ او اشتري لي شوايه؟؟؟؟ والا بالكاتم اسرع؟؟؟؟؟
طيب اطبخه وهو مثلج او ذايب؟؟؟؟؟


اسئلتج تينن لووول .. شوفي في طريقتين ..
1- تحطين في القلايه ماي بدال الزيت و تحطين الهمبرجر ليما يطبخ

2- تحطين الهمبرجر في صينية فرن و تقصين فوقها طمام لو تحبين و بصل و حطي شوي ماي في الارضيه و دخلي الفرن راح يطلع طعمه لذيذ بهالطريقه و جربي

و في طريقه ثالثه هذي انا اسويها من عندي بعد ما اسوي الهمبرجر اقطعه قطع صغيره و اخلطه مع خس و اسوي خلطه احط فيها مايونيز و كتشب و جبنه سلايس اسيحها في المايكرويف شوي و اصب الصلصه فوق الخس و الهمبرجر ..
روووووووووعه تصير كأنها ساندويتس هامبرجر بس بدون الصمون .. و لا تخافون ما متنت و ضعفت على هالطريقه يعني ما اثر على الرجيم راح اشرح ليش ..


المايونيز ما يمتن لو كنتي ماكلته بدون نشويات لانه اهوه عباره عن دهون ..

و الدهون مع النشويات تسوي شحوووم ...

لكن دهون من غير نشويات تكسر الدهون اللي في جسمكم ..

هذي شغله .. و شغله ثانيه الجبن مايأثر لانه بالاساس الدكتور يعطينا سلطات فيها جبن مثل السلطه اليونانيه او سيزر .. فعادي الجبن مايأثر ..

و والله بنات ماقولكم شي الا عندي دليل عليه و الا اكون فاهمته و عارفه و متاكده منه :)

فأي معلومه اقولها خليكم واثقين منها ..

و بالعافيه :)