السلام عليكم
انا عضوووه يدديييده وحبييت اشترك معاكم في يومياتكم
انا بديت من اسبوعين تقريييييبا وخسرت 3 كيلوووو
وانشاللللله اوصل للوزن المطلوووب وهو 65 ^_^

بالنسبه للريداكتيل ..

هذا معروف انه يسد الشهيه و يخلي الوحده ماتستهي تاكل حتى لو بطنها يعورها من قلت الاكل ..
وهذا اللي صار معاي كان بطني يذبحني ابي اكل بس مو مشتهيه والسبب هالدوا ..

و طبعا هالدوا شلون يشتغل؟ يرسل رساله للمخ يخلي الجسم يمتنع عن الاكل .. وهالشي له اثار سلبيه و هي انه يلعب في المخ و يخلي الانسان مكتئب و متنرفز و اعصابه خربانه عالاخر و عصبي ..
بالاضافه انه يسبب جفاف بالحلج و تحسين دايما محتاجه ماي <-- الله يعين الكلى بسبب هالدوا اللي يقولون مافي مضار و هو كله عيوب و انا مجربته

و يسبب قبض يعني امساك عزكم الله و هالامساك يؤدي لاسمح الله الى بواسير و مشاكل معده و بلاوي احنا بغنى عنها صح؟
ويسوي دوخه مو طبيعيه و يتعبجمن ناحية التنفس يعني اقل حركه او جهد تلهثين و نفسج يقل و قلبج تزيد دقاته <-- بس مو من الحب من الدوا


و بالنسبه للايزيلاكس .. نفس طريقة الريداكتيل في وضيفته انه يقلل الشهيه و يدر البول عزكم الله و ينحف .. لكن له اضرار لو مو خطيره لكن تأثر على الكبد و انزيماته

و في انواع و اشكال من ادويه و كلها بغرض سد الشهيه و كلها لها مضار ..

فيابنات اللي تبي تسد شهيتها اكلو خضار و فواكه و سدوها بالشي الصحي و شربو ماي والله الماي يسد النفس و عن خبره اقولكم صج انه المعده في البدايه تعوركم من كثرة الماي لكن والله يفيدكم و يروح اليوع + ينظف جسمكم من الدهون و السموم المتراكمه و يطلعها مع البول عزكم الله ..

و اذا تبون اشياء تنحف اخذو اشياء طبيعيه
بابونجاكليل الجبل جاي اخضر ووامتنعو عن الجاي العادي لانه يروح حديد الجسم كله ..

و اخذو بذرة الكتان .. شي طبيعي و ماله مضار و يسد الشهيه و زيت اللي فيه طبيعيه تخليج تتخلصين من دهون جسمج وانتي مرتاحه لا له طعم ولا ريحه ..

بس في شغله وااااااااااااااااااااااااايد مهمه بالنسبه لبذرة الكتان ..

لا تطحنونه و تخزنونه يا بنات والله انه يتأكسد مع الجو ويصير سم بدال لا تضعفين اسم الله عليج تموتين ..

فنصيحتي اخذو بذرة كتان من مكان نظيف و موثوق فيه و تأكدو انه نظيف مافيه صخر صغير و عواده مالت الزرعه نفسها ..

و اكلو قفشه قبل نص ساعه من كل وجبه بدون لا تطحنونه او تغسلونه .. نفس ما اهوه اكلو مع ماي .. بدون حتى لا تغلونه لانه فايدته يوم تلهمينه و اهوه صحيح بدون غلي او شي ..

و اهوه ما يسبب اسهال كرمكم الله .. لكن يخلي عملية الاخراج طبيعيه و سلسه بدون امساك او العكس .. يعني شي خيال والله اللي تعاني من الامساك تاخذ بذرة الكتان و راح تشوف النتيجه ..

و في شغله مهمه فيه انه اول ما تاكلين شي و كان فيه شويه دسم بعدها راح تحسين انج بحاجه للحمام عزج الله .. بدون مايسبب اسهال و حالات طارئه .. لكن وايد زين و عن تجربه
و في شي اخير بقوله .. اللي يقولكم انه بذرة الكتان يمتن لا تصدقونه :)

و اي سؤال او توضيح انا حاظره ..
هالكلام عن خبره و درايه يعني مو كلام فاضي والله شاهد على اللي اقوله

و لا تنسوني بالدعاء انا بأمس الحاجه له

الدبا الرشيقه

يعد عمري ماتقصرين وكلامج عسل و يبرد القلب انا متأكده و راح اشوف ردج بعد شوي ..

Seya

حياج الله واحنا منتظرين يومياتج و انشالله تنزلين اكثر :)

انا مواصله صيامي والتخفيف واحس اني نازله بس خلوها ليوم السبت اوزن واقولكم

سابرينا 2005

يالله انشالله تنزلين اكثر بصحه :)