صدق النوايا :

السلام عليكم ورحمة الله وبركاته .. بنات اشحالكم ؟ عساكم بخير وصحة وعافية .. شخبار الرجيم والرياضة ؟ ما بقى شي ع النتايج ترا.. << والله خايفة عنبوو جنه يالسين في امتحان يومي كان تمام الحمدلله.. كنت صايمة وفطرت على نسكافيه.. شربت وايد ماي.. مشيت 45 دقيقة... وبعدين تعشيت ع الساعة 10 ونص او 11.. وكان عشاي سلطة (خيار وطماط) + صدر دياي.. والحمدلله..وقبل شوي بعد مشيت 45 دقيقة.. هذا كان آخر يوم أصومه والحمدلله كملت الستة من شوال.. ومن يوم السبت يعني اليوم بكمل رجيم يوسف خضر .. يعني بتبع جدول الاسبوع الثاني.. اللي عاجبني انه فيه وجبة فري يااااااااااااااااي وناسة.. والله محتارة مادري شو آكل.. اخاف اخوورها وآكل زيادة عن اللزوم ويأنبني ضميري.. :16: شكلي بخلي الوجبة المفتوحة حق آخر الاسبوع.. والله يعين.. مس رزان.. عاش من شافج يالغالية.. والله يوفقج في امتحانج وشدي حيلج وبشرينا عن نتايج الامتحان والمسابقة بعد .. :icon28: ومشكورة ع النصيحة المفيدة وكلامج صح 100%.. والحمدلله على سلامتج.. :) الدبا الرشيقة حبيبتي شو بلاج مضايجة ونفسيتج تعبانة؟ ما من شر ان شاء الله.. ياختي اذكري الله واقري دعاء الكرب والهم والحزن (( لا إله إلا الله العظيم الحليم، لا إله إلا الله رب العرش العظيم، لا ‘له إلا الله رب السماوات ورب الارض ورب العرش الكريم )) اقريه من خاطرج وانتي على يقين تام بإن رب العالمين راح يخفف عنج همج ويفرج كربتج.. :) طمنينا عليج يالغالية.. ترا اليوميات مب شي بدونج وبدون ام طلال ومس رزان وباقي البنات.. الكل بارد صاير :( ماشي حماس.. فن الحفلة.. شدي حيلج ولا تخربين رجيمج ورياضتج بوجبة دسمة آخر الليل.. هالشي يحسس الواحد بتأنيب الضمير.. وهالشي ما ينطاق الصراحة.. وان شاء الله تكونين نازلة ونفرح فيج :icon28: العاش.. تعجبيني..!! وان شاء الله دوم تكونين جي صامدة وقوية إرادة.. شدي حيلج ونتريا النتايج يوم الاحد.. :) اختي (يوم ورا يوم).. يا هلا والله منورة بهالاطلالة الحلوة :).. ويا رب تخفين وانتي بصحة وعافية.. أم خالد.. أفاااااااااااااااااا ليش؟؟ وانا اقول هاذي اللي بتشجعني وبتمحسني لكن خربتي الرجيم :(.. آخر مرة واذا عدتيها يا ويلج.. << تهديد :16: امس اختي مشترية غرشة ككاو نيوتيللا من الكبار وتسوي لي اغراء تاكل جدامي وتتلذذ فيه.. آآآآآآآآآآآخ اقول لها يا حظج ضعيفة وتاكلين كل اللي في خاطرج ولا تهتمين.. ليش انا دبة..؟! اهئ اهئ .. الحمدلله على كل حال.. المهم علشان ما اهجم عليها وآكل كل الككاو قمت وخذت لي دبة ماي ويلست اطالعها .. هي تاكل وانا اشرب قلاص ورا قلاص.. لين ما انترس بطني وانسدت نفسي.. ههههههههههه طريقة حلوة وتنفع يالله حبوبات بشرونا بنتايج حلوة ويااااااااااااااااا رب الكل نازل مب اقل عن 3 كيلو.. قولوا آمين.. تصبحون على طاعة الرحمن ورضا المنان اشوفكم على خير اختكم واحبكم صدق النوايا

السلام عليكم ورحمة الله وبركاته .. بنات اشحالكم ؟ عساكم بخير وصحة وعافية .. شخبار الرجيم...

نوره الرايقه :

اهلين بنات وين محد كتب النتيجه شفيكم؟ اختي المهاجره انا ما اوزن الا كل اسبوع مره واحيانا نادره اوزن وسط الاسبوع اذا حسيت اني خبصت وخايفه من الزياده بس كل ما طولتي المده بين الوزن يكون احسن علشان ما تتحطمين اذا ما نزلتي رقم النتيجة (2 ) رقم المتسابقة:32 الإسم:نوره الرايقه الطول:163 الوزن بعد الاسبوع الأول: 83 الوزن بعد الإسبوع الثاني: 82,5 نوع الرجيم الذي تم اتباعة خلال هذه الفترة؟ التخفيف هل مارستي الرياضة؟ المشي ساعه يوميا هل استخدمتي أي نوع من الأعشاب؟ لا هل استخدمتي أي نوع من الأدوية؟ لا أي ملاحظات على الإسبوع الثاني؟ الحمد لله على كل حال

اهلين بنات وين محد كتب النتيجه شفيكم؟ اختي المهاجره انا ما اوزن الا كل اسبوع مره واحيانا نادره...