http://home.no.net/anyas/anyaflower282.gif


السلام عليكم ورحمة الله وبركاته ...


اليوم آخر يوم في المسابقة ...

وبكرة آخر فرصه للنتائج .... عشان جذي راح أأجل نتيجتي إلى بكره ان شاء الله ... وتنتهي المسابقة الخامسه وأيامنا الحلوه معاكم :icon33:


http://home.no.net/anyas/anyaflower282.gif

(( تحية ود ))

إلى كل المتسابقات معانا في المسابقة الخامسه في كل المجموعات وخصوصاً المجموعة الرابعه ...
وأجمل تحية للبنات اللي يطلون علينا من فتره لفتره ويسلمون علينا ...
تحية إلى الغاليات الغائبات .... صديقتي العزيزه أصلية مو تقليد ... حبيبتنا الغاااليه جداً البطه السوده ... وغيرهم الكثيـــر ... نتمنى نسمع عنكم أخبار حلوه ونشوفكم المسابقة الجايه ....

http://home.no.net/anyas/anyaflower282.gif

(( تهنئة ))

لكل من استطاعت أن تخفف ولو عدد بسيط من الكيلوات خلال الشهر اللي راح .. والف مبروك وعقبال الباقي ...
وتهنئة لكم جميعاً لأنكم كنتوا مع بعض لمدة شهر كامل ... ولله الحمد ..

http://home.no.net/anyas/anyaflower282.gif

(( تهنئة & وداع ))

الغاليات على قلوبنا ..
GlVlR
Missuae3003
ام فارس البطل
ام شوشة منوشة
Princess of Colour
دلوعة حمني
وغيرهم من المغادرات للمجموعة الثالثه (( اعذروني ما اعرف اوزانكم للحين ولا اعرف من بيروح ومن بيبقى )) ... ونتمنى لهم التوووفيق ان شاء الله ... وان شاء الله كلنا بنجيكم ...
والله مايهووون علينا وداعكم .... بس هالشي ان شاااء الله فيه خيره لكم ...
بس تحملــوا تزيدوووووووووووووون ... ياويييييلكم ...
ان شاء الله لنا لقاء .. ولاتنسونا ... سيروا علينا في المسابقة السادسه ...
الف مبرووووك وربي يوفقكم ان شاء الله ...


(( اختنا الغاليه دودي ماراح تكون معانا المسابقة الجايه .... من الآن نحمل لها أجمل تحية ود ونقدمها لها ... ونتمنى نشوفك معانا ... ترى ننتظرك في المسابقة السابعه ان شاء الله ))


وختاماً ...
كانت ايام حلوه معاكم
اعذروني على عدم مشاركتي اليوميه ...

والله يوفقكم يااارب ...

http://home.no.net/anyas/anyaflower282.gif



مع السلامه http://www.mamarocks.com/newang2.gif دنوشه

دنوشه شكرا حبيبتي علي كلامك الرقيق و احساسك الراقي وان شاء الله هاكون معاك في المجموعه الرابعه برضه :angry:

رقم النتيجة: ( 4 )
رقم المتسابقة: ( 9 )
الإسم: AL-reem
الطول: 158
الوزن قبل المسابقة: 93
الوزن بعد الإسبوع الاول: 93
الوزن بعد الإسبوع الثاني:92
الوزن بعد الإسبوع الثالث:91
الوزن بعد الإسبوع الرابع:89
نوع الرجيم الذي تم اتباعة خلال هذه الفترة؟ السعرات الحراريه
هل مارستي الرياضة؟ اذكريها:لا
هل استخدمتي أي نوع من الأعشاب؟ اذكريها شاي اخضر
هل استخدمتي أي نوع من الأدوية؟ لا
أي ملاحظات على الإسبوع الرابع؟ لا

مرحبااااااااااااااااااا

شحالكن خواتي .. احبكم موووووووووووت واحس بغصه كل ما قرب وقت المسابقة ينتهي .. الله لا يفرقنا ..


أم صهوبي ..
***********
فديت قلبج والله .. بالنسبة للأسئلة .. هههههههه امتحان .. ههههههه

1- ماذا تعلمتي من هذه المسابقة؟
تعلمت منها الإلتزام .. والحرص ومحاولة الثبات .. تعلمت طولت البال اكثر .. والصبر .. وتعلمت احاسب نفسي لو غلطت في الرجيم .. <<<<<<<< ينت الحبيبه .. هههههههههه وصار عندي مشروع كبير .. هههههههههه صرت الوكيل الوحيد في العالم العربي للحصى هههههههههههه ..

2- ماذا استفدتي من هذه المسابقة؟
استفدت الربعه الطيبة .. تعرفت على خواتي الحبوبات حبيتهم واظني حبوني .. صاروا قراب على قلبي لدرجة اني ارمس عنهم عند ربيعاتي .. حسيت اني ما استغني عنهم وحسيت انهم مني وفيني .. وصار لهم جزء من وقتي ..

3- ماذا لاحظتي في هذه المسابقة؟
لاحظت ان بنات وايد ييأسون بسرعه .. وما عندهم طولت بال .. ولاحظت ان الأغلبية تبا تنزل بسرعه وما انكر انا كنت منهم .. بس مثل ما يقولون اللي يشوف مصيبة غيره تهون عليه مصيبته ..


دلوعة حمني ..
*************
فديتج العطلة كانت روعه شوي خبصت اليوم مع اني في الرحلة كنت ميوده عمري .. ههههههههههه مادري ليش حسيت باليوع اول ما رديت البيت يوم اليمعه .. بس يالله المهم الحمد الله اني حاسة بتغير كبير في جسمي والكل ملاحظ الحمد الله وانا مستانسة من النتايج حتى لو نقصت كيلو واحد بس .. مع ان رجيم البروتينات ينقص اكثر من كيلو .. بالنسبة لسؤالج غناتي .. مادري والله عن رجيم دشتي .. سألي البنات اللي سووا الرجيم هم بيفيدونج اكثر عني الغالية .. بالتوفيج ان شاء الله حبوبه ..


مصدعه ..
********
فديتج استانست وايد يوم قريت اللي كتبتيه عن اهلج وعن رايهم .. ان شاء الله حبوبه يكون لج دافع قوي انج تكملين الرجيم .. وشرات ما قلت لج قبل لا تحاتين ان شاء الله ما نفترق وتم مع بعض خوات وربع .. تجمعنا المحبه .. بالتوفيج الغاليه ..


ركن سيدات الأعمال..
******************
فديت قلبج حلو كلام الفصحى اللي كتبتيه .. هههههههههههه شطورة والله .. ان شاء الله مستعدين للمسابقة 6 و 7 و8 و9 و10 لين نوصل للوزن اللي نباه .. ونرتاح من هالمتن .. والله يوفق الجميع ..


دنوشه ..
*******
فديت قلبج يا لغالية .. ربعة الخير ما تنتهي حبيبتي والله يديم المحبه ونتم مع بعض .. ومشكورة على مشاعرج الطيبة واحساسج المرهف حبووووبه ..


ميمي ..
******
شحالج يا حلوة .. طمنينا عن اخبارج ..


الريم ..
******
مبروك الغالية على النزول وعقبال الباجين ان شاء الله ..

قمر انا كويسه الحمد لله
كل البنات اللي زي العسل ربنا يحقق لكم كل امانيكم ويخلي لكم ازواجكم واولادكم ويجعلهم مسلمين صالحين ويرزق كل اللي لسه ماعندهاش اولاد واللي ما اتجوزت يرزقها بالزوج الصالح وننحف كنا في صحه وعافيه وسعاده ونتجمع علي خير يا رب