serenity :

يعطيج العافيه على النقل مشرفتنا بنت الكويت ^_^ الصراحه ما نفعني اي رجيم غير دشتي (اتكنز)...و نزلت عليه 11 كيلو في شهر و نص.. و إن شاء الله بعد رمضان بكمل, باقي ما يقارب 25 كيلو و ارتاح ^_^ و بنصح اللي بيطبقونه بكم شي.. * - طريقة الإبتعاد عن النشويات هي تغيير كبير, فاللي تبي تسوي هالطريقه, تسويها و هي مقتنها انها ما تبي العيش و الخبز و المعكرونه.. * - اللي تحس انها بعدها عندها اسئله كثيره, انصحها تقرا الكتاب.. !! انا اتبع الطريقه هذي من البدايه مع منتدى اجنبي, فأول ما تسجلين, يقولولج اقري كتاب اتكنز نسخة 1992-2001 لأنه النسخ اللي طلعت بعدها فيها تعديلات سويتها الشركه بعد ما مات د.اتكنز عشان يبيعون منتجاتهم.. فداااايماً قبل اي شي, اقروا الكتب و افهموا السالفه عدل عشان تتبعون الشي بثقه اكبر و تكونون فاهمين اللي تسوونه في اجسامكم... * - الإبتعاد عن النشويات تعتبر طريقه في الحياة, مب مجرد رجيم تسويينه كم يوم و تغييرين رايج .. حاله حال اي نظام, اذا خربتي و ماستمريتي ممكن يزيد الوزن و يضيع المجهود كله... * - بديل السكر الأفضل تبتعدون عن الــ سويت اند لو, جربوا سبلندا, وايد احسن و اخف, و مسويينه من السكر الطبيعي بس خاص للرجيمات و عليه موافقة مجلس الصحة الأمريكيه لأمراض القلب.. السويت اند لو اكتشفوا انه كله كيماويات و في امريكا ينباع مع تحذير بأنه فيه كيماويات ممكن تخلي الواحد ينصاب بالسرطان لا سمح الله.. عندي نصائح وايد بس مارد اطول عليكم.. اقروا الكتاب ^_^ و مشكوره اختي بنت الكويت على المجهود الطيب ربي يجعله في ميزان حسناتج :)

يعطيج العافيه على النقل مشرفتنا بنت الكويت ^_^ الصراحه ما نفعني اي رجيم غير دشتي (اتكنز)...و...