ام حمدان ومحمد :

تجربه للتوقيع..:)

تجربه للتوقيع..:)

مظلومة وايد :

صباحكم فل ياحلوات وان شاء الله يكون هالاسبوع اسبوع خير الكل ينزل فيه النزول المطلوب :26: حبيباتي أنا قلت من بداية المسابقة اني ما بوزن لين الاسبوع الثاني ولسببين الدوره بعدها ما خلصت هالاسبوع واني أول اسبوع باديه ألعب رياضة من زمان ماسويت فعلشان جي العضلات بتعطي وزن يوم بوزن أترا بعد اسبوع يكون العضلات استوت مرنه وحرقت شويه الشحوم اللي حوليها وغير اني مايجيسني احباط رقم النتيجة ( 1 ) رقم المتسابقة:16 الإسم:مظلومة وايد الطول:162 الوزن قبل المسابقة:86 الوزن بعد الإسبوع الثاني:ما بوزن هالاسبوع لاستمرار الدوره نوع الرجيم الذي تم اتباعة خلال هذه الفترة؟عذاري مع تخبيص آخر الاسبوع هل مارستي الرياضة؟ ايروبيك في النادي هل استخدمتي أي نوع من الأعشاب؟ الشاي الأخضر هل استخدمتي أي نوع من الأدوية؟ لأ أي ملاحظات على الإسبوع الأول ؟ الدوره تسبب لي وضع سئ شهية للأكل وبالذات الحلو والجسم كسلان فهالاسبوع أعتبره سئ رغم احساسي بالنزول ولكن الرياضة تعطيني احساس بالراحه والنشاط وأهني البنات الي نزل وزنهم ( ندى طنجة ) ماشاء الله عليج 81 - 78 مبروك مبروك ان شاء الله اوصل لوزنج قريب ( ريحانة الجنة ) مبروك 85 -84 ان شاء الله المره اليايه يكون أكثر lolookasha معلش حبيبيتي لو مانزلتي لكن ما يكون زدتي الاسبوع الياي ان شاء الله تكونين نازله وتبشرينا أنا تقريبا يمكن نفس وزنج حاليا بس أتمنى أكون نزلت لين الاسبوع الثاني لوزن 83 أقل شي يالله شدي حيلج ونشوف أنا ولا انتي الي ينقص أكثر أنا باديه هالاسبوع ان شاء تحدي وبكثر من الرياضة شويه والأكل بخفف منه زياده لأني محتاره شو الريجيم الي أسويه فقررت انه هالاسبوع الياي ما أسوي ريجيم محدد لكن أعمل تخفيف على الآخر فنظامي هالاسبوع ان شاء بيكون كالتالي وحتى نهاية الاسبوع هذا ماشي تخبيص أبد وعزومة عشاء ماشي الا بالي موجود بالريجيم الي بتبعه ومن مخي الفطور + لا فطور لأني ما أحب اصلا أفطر واذا حبيت ممكن شاي بدون سكر أو سكر ريجيم أو شاي أخضر طبعا الشاي الأخضر في أي وقت وبأي كميه واذا يعت ممكن آكل فاكهة وحده بس الغداء + شوربة خضار مع حبة توست وحده فقط + روب( ممكن أسوي روب بالخيار ولا بالفليفله ) + سلطة بزيت زيتون خفيف العشاء + بعد شوربة خضار مع حبة توست فقط + روب + سلطة بزيت زيتون خفيف بين الأكل اذا حسيت بيوع علي بالفاكهة وتكون نوعين فقط باليوم ومرتين فقط باليوم يعني مثلا بين الفطور والغداء ممكن آكل تفاحه حبة وحده وبين الغداء والعشاء كمثرى حبة وحده وما في أي فاكهة بخليها ممنوعه يعني حتى الموز ممكن آكله لأني أحبه ( شنبانزي الأخت ) خخخخ:hahaha: أنا بجرب هالريجيم الي من تأليفي مدة أسبوع وبشوف النتايج علي وبقولكم يوم بيوم شو كلت وشو سويت وأنا أوعدكم ما أخبص وانتوا وربي شاهدين ولا تنسون تذكروني ما أخبص لأني مشهده ربي عاد الا زعل ربنا علينا وانتوا بعد ما أبغي ازعلكم (مشهد درامي ريجيمي) ودي أخلص هالريجيم وأسكر عيني:35: ويطوف الاسبوع هذا وأنا مسكره عيني أسوي الريجيم واسوي رياضة:7_5_122: وأسير الدوام وأي من الدوام وابوس عيالي:kiss2: وأبوس ري..... ( مقطع محذوف ) وكل ها وأنا مغمضه عيني وكل شي أسوي وأنا مغمضه عيني وبدون ما أتخرطف ولا حتى أغلط غلطة وحده ( فيلم هندي ) وبعدين اوصل لين نهاية الاسبوع وأركب فوق الميزان وأفتح عيني لأول مره من بعد أسبوعين كاملين وأشوف وزني صار *&^%_+ّّ>+ ترررام ترررراااام ( 79):ohmy: وأسير السوق وأشتري حلويات ومكسرات وزينه وشموع وأحتفل بالمناسبة بس ما آكل شي من اللي يبته ( ياويلج ) وبس تعبت :eek:

صباحكم فل ياحلوات وان شاء الله يكون هالاسبوع اسبوع خير الكل ينزل فيه النزول المطلوب :26:...