أمس جالسة محتارة أنا و أمي أيش نآكل :(
قلت خليني أطقطق شوية في المطبخ
و هذا اللي طلع معايا
و الحمد لله أكلنا و شبعنا و الأهم عجب أمي :)
المقادير :
صدور دجاج
فلفل أسود
ملح
ليمون
خل
ثوم مطحون
بطاطس
زبدة
طبعا مالي مقادير محددة
الطريقة :
قشرت البطاطس و قطعتها مكعبات صغيرة و سلقتها نص سلقة
في خلال السلق
جهزت التتبيلة
( الثوم - الملح - الفلفل الأسود - الخل ( حطيت نوعين أبيض و أسود قليل ) ) حاولي تكون كثيرة شوية
غسلت الدجاج و القطع الكبيرة قطعتها و دقيتها بمدق اللحمة
و حطيتها على التتبيلة
أخذت شوية زبدة سيحتها و بديت أحط فيها الدجاج و النار هادية
صفيت البطاطس و حطيتها مع الدجاج تكمل الاستواء
و حطيت عليهم الباقي من الخلطة
و غطيهم
لما يتغير لون الدجاج و يصير أبيض أقلبيها
ما بتأخذ وقت بتلقيها تستوي بسرعة
قبل لا تقفلي النار رشي عليها عصير الليمون و إذا حسيتي إن الملح قليل تقدري تزيديه مع الليمون
خليه دقيقتين بس الين ينشف
و قدميها زي ما تحبي
<< بصراحة كنت مستعجلة ما مداني أسوي شي ولا أزين
و ما مداني أصور الخطوات
و هذه صور النتيجة
زووم أقرب
سامحوني على القصور :gulf_S_ (77):