صكت راسي 😷🤕

السلام عليكم ورحمه الله وبركاته بدخل في الموضوع : كنت عند الميكب ارتست اصلح شعري واحط مكياج لزواج صديقتي المهم كنت جالسه على الكرسي سألتني وحد كانت جالسه جنبي قالت انتي من اي قبيله جاوبتها على سؤالها وسألتها عن قبيلتها وجاوبتني المهم قاعده تقول ليش ماتمسكون بنتكم اللي منحاشه الخارج فشلتكم ونزلت رؤوسكم في الأرض قلت لها هذي تمثل نفسها ولا تمثل القبيله كلها قامت شوي شوي تستنقص من قبيلتي وقلت لها تري فلانه الفلاني من قبيلتكم ونفس الشي هاجرت قالت وشو لا لا ياحبيبتي هذي ماتمثلنا طيب حتى ذيك ماتمثلنا قلبت على وحده ثانيه من قبيله ثانيه وتقوم تهين وتجرح وتقول انتم صلب ومادري ايش لو فيكم خير مسكتو بنتكم طيب البنات اللي هاجرو برا كثير من كل قبيله وش هذا العنصريه اقسم بالله العظيم اني طلعت وانا معصبه وزعلانه عاد انا عندي السكري واذا عصبت او انجرحت يرتفع عندي يوصل 400 ليش هذي العنصريه ليش 💔 وش دخلني فيها اللي انحاشت برا درب يسد مايرد كلهم قامو ينبحون على 🤕

20 تعليق 3,908 مشاهدة

شاركي في النقاش

سجلي الدخول لإضافة تعليق.

التعليقات

17
  1. @myymmoooo

    لو انا مكانك ماراح ارد عليها... أمرهم غريب لي يحاسبوون كل القبيله بعمل فردي.. ههههههه الناس ماتخاف غير من الفضيحه وش يقولوا الناس عنها مايخافوا من ربهم وش يكون مصيرهم يوََم الحساب.
  2. @mha_mskt

    اكبر اهانه لهذا النوع من الناس هو التجاهل تماما يعني ثاني مره لو قابلتي مثل هالناس وفتحت موضوع مثل كذا امسكي تلفونك والعبي فيه لان عقليتهم وتفكيرهم خطاء في خطاء ولو بنحاسب كل قبيله على خطاء شخص واحد كان ما بقى احد زين في الدنيا كلن يمثل نفسه فقط الزين لنفسه والشين لنفسه

تابعي تجارب أخرى من هذا القسم.