جهاز لشد المؤخره والافخاذ

اختي اماني فيصل مشكورة ع الرد حبيبتي بس انا مشكلتي ماعرف امارس الرياضه بطريقه صحيحه ولا اقدر اروح نادي كم مرا امارس الرياضه بالبيت ويصير نتايج سلبيه لاني ماعرف اطبق صح لذلك انا سالت عن جهاز المشكله انك الحين ماتمدحي الاوبتراك ومن قبل وحده مدحته احترت انا احتاج جهاز اشد فيه افخاذي وموخرتيً فقط ف انتي بعد اقترحي لي شي حلو يكون شامل

في اليوتيوب مقاطع كثيرة تعلمك تكنيك التمرين فما تحتاجين للنادي..بمجرد ما تطبقينه كذا مره بتتقنينه
حتى الأجهزة الرياضية للمقاومة لها تكنيك معين وفي حال الاستخدام الخاطئ اما ما تستفيدين منه أو تتعرضين للإصابة
وللأسف أجهزة المقاومة غالبًا تستهدف لك عضلة رئيسية وباقي العضلات استهدافها ثانوي
وبعض العضلات تحتاج أكثر من نوع تمرين أو لها زوايا مختلفة فمن غير المعقول تشترين لكل عضلة أو زواية عضلة جهاز..
بها الحال مع الاجهزة إنتِ ما تعطين كل عضلة حقها من التمرين ..فما راح توصلين للنتيجة اللي تتمنيها..
لكذا وضحت لك أكثر من تمرين يستهدف كل عضلات الارجل (الخلفية والامامية والجانبية والداخلية).

اما جهاز الاوربتراك سبق وذكرت لك انه جهاز هوائي يشتغل على رفع مستوى اللياقة البدنية وحرق الدهون
في حال زدنا من ثقل الدواسات يصير جهاز مقاومة لكن ما يستهدف لك العضلات بشكل مباشر
بمعنى ما يستهدف عضلة معينه استهداف تام ولا يوصلك لنتيجة واضحة وسريعة
مثل تمارين المقاومة تستهدف لك العضلة تتلف انسجتها فالعضلة مع التغذية الصحية تعيد بناء انسجتها
بشكل أفضل فتقوى وتشد العضلة وتدريجيًا ينشد الجلد المترهل ويختفي السيلوليت.

والحلو في الدامبلز والكيتل بيل وحبال المقاومة تقدرين تستخدمينهم بكل تمارين عضلات الجسم وأسعارهم مناسبة وما تاخذ من مساحة البيت .

الله يعطيك العافيه حبيبتي مشكوره ❤️