علمت امي اني قلت لكم وقالت قولي لهم هذا الكلام تعالو تكفون املي فيكم

اختي فص ثوم كل يوم كثير ممتاز لجرثومة المعدة
ومفيد لاشياء كثير للجسم اذا ما معها جرثومة معدة جربي كل يوم
والله يشفيها

سمعت الثوم يضر الي معه جرثومه المعده وكيف طريقه اكله

سجلت دخول عشانك
محدثتك مخضرمة في عالم امراض المعده والمريء،ترى نفس حالة أمك مريت فيها وعانيت ووصلت للموت وجاني اكتئاب وليومك هذا اعاني من رهاب اجتماعي وانعزال
بس الحمد لله ما اقول لك تشافيت من المعده بس اني غيرت نظام حياتي وماشيه على دايت ونظام معين في الاكل ورأيت الحياه من جديد
اقسم لك بالله العظيم اني منذ ٢٠ سنه اعاااااااني
١٣ سنة قضيتها في عالم الوهم والمشايخ
نعم اقولك عالم الوهمممم كل واحد يقول لك شي ويحسسك بمرض وبعضهم وصل بهم الامر الى التخاطب مع القرين اول مره اسمع فيها اروح البيت بعد عالم الجن والصراخ والخوف والرهبه والزيت والتفكير بمن سحرني وهاتك يا اوهام وساسهر ويا خوف، لدرجة الحمام ما اقدر اتروش ولا استخدم شامبو ، وخوف واحلام وشي الله لايوريك
مره عين مره مس مره حسد ، وكل المشايخ اللي رحت لهم معهم تصريح والزحمة عليهم من اخر الدنيا
فلذلك نصيحتي للجميع ان يفكر بعقل الشيخ ماعنده ماعند جدتي ، انت ادرى بنفسك اقري على نفسك واستخدمي الرقيه.
نجي للمهم
رحت كذا مستشفى ويقولون عندي قولون عصبي
رحت استشاريين ومافي فايده
في النهايه مع اول بالونه نفخ قالوا لي جرثومه معده التحليل كان اجتهاد شخصي مني في البرج الطبي
وبدأت رحلة البحث عن طبيب
واخذت كورسات والوضع زي ماهو
ورحت عند افضل طبيب باطنيه في الحبيب وشرحت له وضعي وقال لي ماعليك الا التأقلم، اذا مافي سرطان معده في العايله مانحب نتدخل بالعلاج والمضادات ووو
سافرت تعالجت خارج المملكة في بريطانيا!! ٦ عمليات منظار المعده والمريء وجميع اجزاء البطن
وطلع عندي ارتجاع وارتخاء في صمام المعده، طبعا ركبوا لي كبسولة اسفل المري مع جهاز تسجيل صغير في يدي واسجل مرات الالم عند الاكل لمدة ٤٨ ساعه
واعطوني صبغة يود لجميع الجهاز الهضمي في العياده وتم عمل تصوير تلفزيوني كامل للبطن
اشعة مقطعيه
المهم اني عرفت العله
طبعا كانت ٦ كورسات علاجات ومزرعة الجرثومه يتأكدون من الشفاء
لم اشفى ولم اتخلص منها
تدرين ليش، لإني كذا مرة في السعوديه ابدأ بعلاج الجرثومه وما انتظم وما اتحمل كورس العلاج لانه قوي واقطع
وطلع ان الجرثومه كونت لها جهاز مناعي او حمايه المهم انه معد يأثر فيها المضاد
اعطوني خطة امشي عليها واسلم امري لله واقتنع انه مرض مزمن
وفعلاً مشيت على نظام غذائي خاص فيني ويارب لك الحمد تخلصت من ٩٩ بالميه من سلبيات حياتي الماضيه
نظمت اكلي تركت عادات سيئه في الشرب والاكل، تركت الدجل والوهم والمشايخ
دعمت نفسي بنفسي
تابعت كل شي ايجابي
اللي عليكم انه تدعموها نفسياً ، ولازم تركزين الان على افضل استشاري خاص للمعده والجهاز الهضمي
لاتروحين عند دكتور ولا اخصائي، روحي استشاري جهاز هضمي
نسيت اقول لك عندي ارتجاع مريء، يسبب الشعور بالموت ، الالم حقه يشبه ألام الذبحة الصدريه، تحسه بالقلب النبض برودة الاطراف، عدم تحمل المكيف بسبب نقص فيتامين دً
اذا اجتمع د مع جرثومة المعده ياسللللللاااااام كنت اجلس امام القبله استعدادا للمغادرة
فيتامين د عندي وصل ٣ فقط
البس جاكيت بعز الحر😂
صرت مسخرة امام الكل بسبب الوهم والخوف والهلع اللي ينتابني
صرت ما احضر اعراس ولا زيارات ولاحتى اسواق ولا شي
ماغير طريحة الفراش
طولت عليك
بس والله اني دخلت عشانك
وحبيت افيدك لاني مريت بنفس الي امك فيه وأشد
والله يشفيها وتجين تفرجينا هنا

ابغ ارسلك خاص لوسمحتي