غرابة اطوار ام زوجي

السلام عليكم


الله يحفظنا واياكم من شر الوباء ويرفعه هذا البلاء انه على كل شيء قدير


ما احلل نقل الموضوع
انا حاز بخاطري شي وعجزت افهمه ام زوجي صغيره بالعمر مو عجوز وربي مرهي عليها مال لكنها شوي بخيلة كل ما ازورهم تتخسر تغديني او تعشيني ارجع على لحم بطني مو موضوعنا هذا اكثر شي مجنني مره متحفظه معاااي بقوة والله تتعامل معاي باغلب الاوقات كأني عدو لها من اول يوم شفتها رسمية بجفاوة قاسيه واوقات نادرة اشوفها معاي حليلة عجزت افهم تقلب التعامل بدون سبب معاي
دايما اذا كلمتها واتس اتطمن عليها او ابغاها بحاجة ماترد علي مع العلم انها تستخدم الواتس ترسلي اوقات منه وجامعية يعني ابدا مو جاهله فيه
مرت علي ظروف صعبة وقاهره ودخلت المستشفى وطلعت وهي ماكلفت نفسها تقولي الحمدلله على السلامة ولما ولدت جابت لي هديه متكلفة فيها وهالشي صدمني !!
ولدي يمرض يتعب تعب قوي ماتكلف نفسها تسال مع انها الله يكرمكم عطسة عيال بناتها تشيل همه وتزعجنا فيها !!
تتدخل بخصوصياتي لما نخطط نسافر تبدا تزعج زوجي مافي امان ارهاب برا واتفاجى انها مسافرة بنفس الشهر وفوقها طايحة بسالفة لا تحملين من ولدت ولدي وهي تتدخل لا تحملين احسن عمر بعد اربع سنين لين دخل بعقل زوجي الفكرة جننته بفكرتها وصار مايتقبل يناقشني بالموضوع هذا مع ان اعمارنا مو صغار وعمر زواجنا طويل وعانينا من تاخر حمل لمدة طويلة مو كان الاولى تنصح بناتها وهم كل سنة حوامل او مرضعات!! مايغلق ولدها السنه الا هي حاذفة المانع وحامل او كان نصحت نفسها وهي جايبه درزن!! وهم مررره عندهم خصوصية ببيتهم مايفاتحوني باي موضوع عندهم كل مواضيعهم رسمية وسطحية جدا واخبارهم اعرفها من الناس لكن تدخلاتهم الغير مباشرة فيني تقهرر
وبفترة كنت حامل وحملي صعب جدا وممنوعه من الحركة وهي مستلجة تبي تجي تشوف شفتي لاني نقلت لمكان جديد!! طيب هي ماتعرف بالظروف والاوضاع اللي انا فيها قعدت تحن وتزن لين دعيت ربي وجلست استغفر وتراجعت شيلتني هم جيتها وانا لحالي ماعندي احد يساعدني وبغربة
ولما ولدت عزمتها هي واهل بيتها ولما طلعو بيتي زبالةةة قليلة فيه مع ان عندي طفل وماعندي شغالة انصدمت من كمية الوصاخة وفوقها تتحلطم انهم كانو سنعات وحنا لا مع العلم ضيافة واللي حول الذبيحة وكل شي مني انا مسويته مع ولدي كان شقي وقتها مرره ولا نمت وواصلت عشانهم بس الذبيحة من برا ماكلفت على نفسها تشكرني!!
وبعدها بشهر بنتها سوت عزيمة كبيرررة ولا عزمتني عليها وهي حايسة بيتي مع عيالها وعيالها يذبحون ولدي وانا لاهيه بالمطبخ لين لحقت عليه الشغالة باخر لحظة
تتعامل معاي كأني عدوة من اول يوم دخلت بيتهم رسمية مززعجة مافيها اي لين رسمية بمفهومها الخاطئ مع العلم اني من عرفتها لليوم وانا هدايا واحترمها واقترح من نفسي على زوجي نطلعها تتمشى تتغدى لكن سبحان الله فكرة ان كل زوجة ولد سيئة راسخة ببالها مع انها بنفسها خطبتني بقناعتها مو مجبورة علي


اخر شي حز بخاطري بالعشر الاواخر ارسلت لي معايدة مرره بدري ما احد يرسل معايدة بيوم ٢٥!! وعطيتها على جوها عايدتها وسألتها عن حالها وعمك أعمى كانها ماتشوف ويوم العيد رفعت السماعه مكالمتين اتصلت عليها وماترد !!
حركتها جرحتني ليه اهل الزوج اغلبهم كذااا ليه يقدمون الشر قبل الخير وحاسدين الوحدة على لقمتها!! والكلمة الطيبة يا الله تطلع منها واغلب وقتهم مكشرين قدامك وصامتين ليه هالمعاملة مو بس انا اعاني كثير مثلي لو انا صدق نقالة حكي او راعية سوالف بطالة او وقحة معاهم او نفسيه معاهم يحق لهم ردة فعل لكني ملتزمة حدووودي كثير


انا ودي اعرف ايش تصينفها عشان اتعامل معاها ماعرفت هي عمة طيبة شريرة 😞 عجزت اصنفها






ما احلل نقل الموضوع

9 تعليق 1,685 مشاهدة

شاركي في النقاش

سجلي الدخول لإضافة تعليق.

التعليقات

9
  1. الله يهديها ويألف بين قلوبكم ..
    كثير كذا ياخذو زوجة ولدهم عدوه لهم او حسد وغيره انها اخذت ولدهم ماكأنهم هم خطبوها لهم ..
    الدعاء الدعاء والمعامله الحسنه كفيله ب ان الايام تصلح الامور بإذن الله ..
    اهل الزوج مانقدر نغيرهم بس ربي وحده قادر يغير الامور ..
  2. @shab4_1

    شوفي بغض النظر عن كل المواقف نصيحتي خليك دايما صح وتعاملي معهم بالطيب ولاتنتظرين منهم ردة فعل كويسة توقعي ان ممكن اي موقف منك مايعجبهم ولايشكرونك عليه يعني سوي لله ومايرضي الله وانت صح كذا والباقي كلها تصرفاتهم وردة فعلهم لاتأثر فيك. .. والله يهديهم ويسخر لك قلوب عباده.
  3. نصيحتي لك تعاملي معها بالطريقة اللي تريحك انتي
    لاتضغطين على نفسك عشان أحد مهما كان لان هذه حياتك المفروض تعيشينها مثل ماتحبين و ترتاحين
    و بالنسبة لام الزوج لو مهما سويتي و قدمتي لها تبقين غريبه مستحيل تعاملك مثل بنتها .. خلك رسمية ولا يأثر فيك اي تصرف منها او من بناتها
    اهم شي زوجك و طفلك .. الله يصلح الحال يارب


    عندي استفسار بخصوص سمير عباس لان زوجي يراجع عنده و حابه أتواصل معك عن طريق الخاص اذا ممكن :)
  4. @matrkto_asm

    اتعاملي معها برسمية ومالو داعلي تهديها بدون سبب هيه عم تحاول تقلل من قيمتك ومنشان الحمل حاولي تحملي اذا عمرك مو صغير واقنعيه انو بيصير لابنك اخ وسند
  5. @shnt_mkyag

    عندي وعندك خير يووووه انا سوت تخيلي فيه أكثر أكثر من اللي ام زوجك سوته فيك انا كل شي سوته فيه واللي اقوله الله ياخذلي حقي منها عاجلا غير اجل
    الشي اللي يتعبك نفسيآ تجاهليه وصدقيني مدام طبعها كذا مراح تتعدل فلا تتعب نفسك فيها

تابعي تجارب أخرى من هذا القسم.