صارلي فتره اتصل فيه مايرد ولما رجع كلمته اول شي بهدوء انا اتصل فيك ليش ماترد مع انك بالواتس متصل وارسل لك ماترد وانت متصل
قام يحط اصبعه على راسه يعني ( بكيفي ) قلت ايش كيفك عيب انا اكلمك باحترام رد باحترام
قام عطاني ظهره وانسدح قلت لاتعطيني ظهرك رد علي انا مو بزر يقول انتي مو محترمه مابي ارد قلت بأيش مو محترمه شسويت قلي
قال انتي ايش تبين قلت ابي اجابه انا ايش بهالبيت قام قالي بكيفك انتي بايش تبين
يسوي حركات يستفزني فيها قلت لاتستفز انا لحد الحين جالسه اتكلم بهدوء معاك ياليت تتكلم بهدوء
قام يرفع صوته ترن ترن ترن ترن ترن ترن ( يقصد اني اتصل فيه )
ورساله زن زن زن زن زن زن
قلت انا عارفه انك جالس على خرابيطك وماتبي ازعجك ولاتدري عنا متنا عشنا اهم شي ماتبي احد يعكر جوك
عصب وقام قال ابي اطلع مابيك ولا ابي كلامك قمت وقفت قلت لا اسمع منت طالع ووقفت عند الباب قام سحبني من الباب بكتفي ودفني بقوه للارض ويقول والله تشوفين ايش بسوي انتي منتي كفو
ماني كفو عشانه تكرم ورجع البيت بكيفه ومن مزاجه ماني كفو عشاني تكلمت
لحقته وسحبته من ثوبه قلت ماتهيني كذا وقدام عيالي دفني مره ثانيه وطلع
وهو طالع يهددني بعلمك ايش اسوي ويشتم
لاتقولون علمي اهلك اهلي يبغوني اتطلق واجي بدون عيالي طفشو
وهو ما يهمه اذا كلمته بعدين او لا مايهمه وجودي
شاركي في النقاش
سجلي الدخول لإضافة تعليق.
التعليقات
118- يختي وش تبين فيه
تتصلين وترسلين
ريحي راسك اذا طلع انسيه
ترى مايجون بهالاسلوب والتهديد
و واضح إن بينكم خلافات سابقه وسوء فهم
الله يصلح حالكم ويؤلف بينكم - ايش اسوي مقهوره من القهر ماني قادره اجلس بس امشي بالبيت ايش اسوي
- وش تبين بالرجال؟
يالله وش هالنكد ؟ ليه الاتصالات !
هو ملزوم بالمصاريف والاكل والشرب بس مو ملزوم يتحمل نكدك ياادمية ؟
مو ملزوم يجلس يقابلك عشان ترضين ؟
اذكر كل مواضيعك مافي فايدة منك ابد
ولا الردود تغير منك ساكن
لانك تعشقين الهم والنكد
تحملي مايجيك منه - شوفي هو غلطان ميه بالميه
لكن انتي لاتناشبينه ولاتدورينه ابد جا اهلا وسهلا ماجا براحته
ترى بعضهم مايبي اللي تتصل وترسل وتنشب له يمكن هو كذا
انا كنت ادق اسأل وينه بس مب دايم اذا قال مشوار ساعه مثلا وارجع وتأخر مرررره ادق اتطمن بس ويرد علي وش تبين وليش داقه بنفخه واقول ولاشي بس ابتطمن ومع السلامه تكرر هالشي كم مرره يضيق صدري مره
وخلاص صرت معد ادق حتى لو سافر بكيفه صار هو يدق علي ويكلمني ويكلم عياله ويرسل لي وصوري عيالي وكلام زين بنفس زينه حتى بالبيت سوالف واذا بدا ينافخ ولايستفزني على طول اقوم من عنده لحالي وانشغل عنه اخليه مع نفسه كم ساعه الا وهو جاي يسولف زي الناس ومبتسم ونفس زينه فااخذ واعطي معه اما معصب واناقره لا وش لي بعوار الراس
وريحت مخي وبس
فاانتي ريحي مخك ولعد تدورينه وعيشي حياتك ودلعي عمرك وعيالك وبس اذا شافك كذا جاك يركض يدورك اسفهيييييه يموووت قهررر
جربي يمكن تنفع حمآمــة ...🕊 وش تبين بالرجال؟ يالله وش هالنكد ؟ ليه الاتصالات ! هو ملزوم بالمصاريف والاكل والشرب بس مو ملزوم يتحمل نكدك ياادمية ؟ مو ملزوم يجلس يقابلك عشان ترضين ؟ اذكر كل مواضيعك مافي فايدة منك ابد ولا الردود تغير منك ساكن لانك تعشقين الهم والنكد ت…
ان كان الرجال له خرابيط وانتي تصبرين وتشوفين كلامك بعمره ماقاله لك ويقولها
هو ما اخذني مسيار عشان بس اكل واشرب وابشرك مقصر بالاكل والشرب بعد
انا انسانه ليه يسوي كذا معي وش ناقصني انا ليه كل مره اشوفه يخربط واسامحه
مواضيع مشابهة
تابعي تجارب أخرى من هذا القسم.