(*·.¸(`·.¸ بنات سورية الحبيبة¸.·´)¸.·*)

اهلا وسهلا فيك نور الايمان بيناتنا
بس ياريت نتعرف عليك اكتر وين مغتربه ومتزوجه ولا لا عم تدرسي ولا متلنا بهالبيت واذا متزوجه كم ولد عندك >>>>>>>>>>>>>>>>>>>> ترى مو بس انا الحشريه في غيري كتييييييييييييييير
بانتظار مشاركاتك معانا

السلام عليكم جميعا

مرحبا أخواتيا لغالياتي

كان عنا عطلة طويلة ومشان هيك انشغلنا وما صحلنا نفوت

والله طاش حجرنا بهالعطلة

وهلا رجعت حليمة لعادتها القديمة

سامحوني عم اكتب على السريع بس حبيت اطمأن عليكم وطمنكم عني

الحمد لله ايدي أحسن بس الكتابة على الكيبودر بتزعجني وشغل البيت كمان

الله يعينا يا رب

ايمتى الأم بدها تاخد إجازة

آآآآآآه خبروني

كل الناس عندهم اجازة إلا الأم والزوجة

ربي يكون بعونا يا رب

السلام عليكم كيفكن يا تقبروني
الله يديم جمعتنا ومحبتنا بجاه الحبيب محمد
ساجده كلك ذوق والله عم تخجلوني بذوقكن وسلامة قلبك ياروحي وانشالله ربي يتملك عكل خير وتقومي بالسلامة مجبورة القلب والخاطر ويسلمووو عدعواتك الحلوين وأمانه ضلك ادعيلي بهالدعوات الحلوات
نور الإيمان وانونا لك مية اهلين وسهلين فيكن وانشالله بتنبسطوا معنا
والله متل ما قلتي يا نور الإيمان بتحسي حالك انك بين أهلك وحبابك بس تحكي مع البنات هون
اسم الله عليهن كلياتن أوادم وكتير مذوقين رب العالمين يديم هالمحبه ويجمعنا كلياتنا بالفردوس
بطوط طمنينا عنك انشالله رحتي عالدكتورة واطمنتي.. ربي يديمك سالمه معافيه
هلين طمنيني كيف سعلتك انشالله رقتي والله عمدعيلك لأنو كتير اتحسنت مع الزهورات
نور الدرب كيفك ياروحي تسلمي عالسؤال ولا تنسيني من دعواتك الحلوين
لوليا كيفك وينك صرلي زمان ما سمعت أخبارك ونايس سمايل وكتير بنات حلوات وينكن وين هالغطه إنشالله كلكن بخير
مزون كيفك تسلمي عسؤالك عني وبحب خبرك إني سوريه (شاميه) من الميدان بالتحديد
هلأ عايشه مع أهلى بمصر صرلنا شي 8 سنين.. دارسه أدب عربي ودراسات اسلاميه وعم درس لغة عربية لغير الناطقين صرلي شي سنتين .. كنت كاتبه كتابي بس الله نجاني الحمدلله وهلأ عزوبيه :) :)
دعواتكم بالزوج الصالح :) :)
شام حبيبتي ديري بالك على حالك وانشالله رب العالمين يتم شفاك عكل خير
والحوامل كيفكن حبيباتي ربي يطمنا عنكن وتقوموا بالسلامة مجبورين الخاطر
ورب العالمين يطعم كل مشتهيه بحق لا إله إلا الله
مارح ذكرن تدعولي لأني بعرف انكن عم تدعولي من غير شي
وتسلمولي يا حق

مرحبا ياأحلى بنات
يسلموا ايديكي هنودة عالسؤال الحمد الله السعلة أحسن من اول بس وقت بدي نام بتبدأمعي بيقولوا السعلة بتتخبا تحت المخدة وأنا هيك صاير معي بكل الاحوال صرت أحسن ان شاء الله بيجبر بخاطرك ربي وبينولك يلي ببالك
ساجدة شلونك ياقمر لاتغيبي علينا ان شاء الله خلصتي شغل بيتك وراح حاول نزلك الرابط مرة تانية مع انو بينزل عندي بسرعة
بترفلاي ولالا وين مو مبينين
نور الايمان وتارا وانونا نورتوا ويامية أهلا وسهلا فيكن
بقية الصبايا شو أخباركن اشقنالكن وسلام خاص لكل وحدة فيكن فردا فردا