أبغى رااايكم بالموضوع

الله يسعد صباحكم 🌹
ترى زماااان مادخلت المنتدى بس والله من الضيقه اللي فيني مدري لمين افضفض قلت مالي الا عالم حواء. الموضوع ومافيه ان اهل زوجي جوني قبل فتره وجلسو عندي اربع ايام. وهم دايم يجون عندي بالبيت يعني تقريبا كل شهر ونص او شهرين المهم اخواته من ابوه اذا جو مايحركون ساكن ولا حتى يقلون بنساعدك او بنحط قهوه. شاي طول الوقت نايمين واذا قامو مسكو الجوال ويستنون الاكل والشرب الحمدلله بس ان ام زوجي معاها خدامه ولا كان طق فيني عرق المهم. اتكلم كلام كذا عادي مع زوجي ً بعد ماراحو. اقول اخواتك طول الوقت نايمين واذا قامو تنحو ع الجوال لاتقدير لا احترام هو يهب فيني مثل الجني. اخواتي مافي مثلهم. وهذا بيتي. وانتي بس تبين تحرضيني عليهم قسم بالله يابنات كأني قلت فيهم. شي اجرامي هو مجر د نقاش واتكلم بكل هدوء واقول الله يهديهم يبيلهم احد يوجههم الزبده. انه تزاعلت انا وهو وصارت بيننا مشكله حسبي الله ونعم الوكيل

30 تعليق 4,670 مشاهدة

شاركي في النقاش

سجلي الدخول لإضافة تعليق.

التعليقات

30
  1. @bdor_alaanzy_1

    غلط قلتي له لان هو رجال مايلاحظ مفروض سكتي واذ جاوك اهل زوجك لاتتعبين كثير حطي قهوه وشاي وتمر سوي كبسه طفشيهم بالكبسه انتي واضح تقدمين لهم كل شي عشان كذا يرزون وجيهم عارفين انهم راح يدللون عَل حسابك انتي مثل خواتي مشكلتك مثل ماقلتلك اذ سويتي نفس الي قالتلك عنهم مارح يجونك الاا قليل
  2. @bdor_alaanzy_1

    ولاتخلينهم يعرفون عنك شي طلعلتك روحاتك مشترياتك هم يجون يستغلونك عشان تكرفين لهم لو واحده غيرك ماتكرمهم كان ماجو عندها
  3. @alhb_hyaaah

    صاحبة الموضوع
    عواطف تركي .
    صباح النور والسرور عداه العيب رجال كفو ماهو رخمه
    اش دخل الكفو والرخمه بالموضوع. انا ماسبيت ولاشتمت مجرد كلام وابي رأيه فيه يعني انتي لو اخوات زوجك كذا معاك عادي الموضوع بنظرك انا لارحت عند احد وجلست يوم بس استحي اجلس لازم اقوم اساعد بشي. فما بالك بيت اخوي وعند زوجة اخوي
  4. @alhb_hyaaah

    صاحبة الموضوع
    بدور العنزي 1
    غلط قلتي له لان هو رجال مايلاحظ مفروض سكتي واذ جاوك اهل زوجك لاتتعبين كثير حطي قهوه وشاي وتمر سوي كبسه طفشيهم بالكبسه انتي واضح تقدمين لهم كل شي عشان كذا يرزون وجيهم عارفين انهم راح يدللون عَل حسابك انتي مثل خواتي مشكلتك مثل ماقلتلك اذ سوي…
    والله اني اقدرهم واحترمهم ودايم اذا جوني ع قولتك احط واسوي بس خلاااااص. صرت ما اطبخ من برا ياحبيبي يالله خصوصا ان عندي اطفال وماعندي ذاك الوقت اللي اتفنن زي قبل والله مهما تسوين ان مايبان في عيون الرجل شي يقول اش سويتي كل شي انا اجيبه. بس الاجر على الله مايضيع

تابعي تجارب أخرى من هذا القسم.