أبغى حل يابنات مليت من حياتي

السلام عليكم بدخل بالموضوع ع طول انا مليت من حياتي والله اللي كلها تعب من طفولتي اللي تعرضت فيها للتحرش من ناس قريبه مني للأسف وحد وقف وياي وأختي اللي وقفت وياي احياناً كانت تعتبرني بالموضوع مع انه تدري اني كنت طفله ومالي ذنب بشي وامي الله يسامحها دايم تتهاوش مع أبوي الله يرحمه وتتركنا عشت طفوله قاسيه بمعنى الكلمه ماحسيت بالأمان ابد ولما كبرت جاني مرض زاد معاناتي وتزوجت واتطلقت مرتين والحين امي مريضه من فتره طويله وكل يوم تصيح مره تعبت نفسيتي منها لما اتذكر كيف كانت تعاملني لما كنت مريضه يقسى قلبي عليها وارجع استغفر امي ابد ماراعتني لما كنت بحاجتها والحين مو مدح لنفسي بس تركت كل شي عشانها ماسعيت لزواج الا يكون عندها بنفس المنطقة ولا وظيفه ارفضها اذا برا منطقتنا عشانها بس صدق تعبت نفسيتي لحد متى وانا ع هالحال لو الانتحار حلال والله ماجلس دقيقه بالدنيا هاذي

7 تعليق 1,176 مشاهدة

شاركي في النقاش

سجلي الدخول لإضافة تعليق.

التعليقات

8
  1. @ddd_5

    وعليكم السلام اختي تقربي من الله اكثري من الاستغفار سبحان الله في التقرب من الله لذه جميله وبتهون عليج مصائبج احتسبي الاجر من الله والله يفرج لك امورك ويسرها ويرزقك من حيث لا تحتسبين
  2. @om1mashare

    الله سبحانه خلقنا بهالدنيا عشان ننشغل بعبادته ونحذف ورى ظهورنا مشاغل الدنيا انتي وكلي امرك لله وصلي فروضك بوقتها ولا تنسين السنن الرواتب وصومي وتصدقي اشغلي وقتك بشي يرضي الله الوحده منا ما تدري متى يومها فاستغلي وقتك احسن استغلال ولا تفكرين بالدنيا الزايله وان شاء الله بيفرجها ربي وتزين اخوالك يالحبيبه❤️
  3. وعليكم السلام يا قلبي تقربي من الله وكثري من الأذكار والإستغفار صدقيني راح تتغير حياتج للأحسن وركزي على الجانب الإيجابي من شخصيتج ولا تستهينين وتقللين من شأنج واللي صار بالماضي وانتي طفلة خلاص انسيه مالج ذنب فيه وخلج مع الوالدة واهتمي فيها وانتي راضية حتى لو هيه ما اهتمت فيج يبقى بر الوالدين واجب وحق من حقوقهم علينا ربي بيرزقج الخير دامج بارة فيها واحتسبي الأجر من الله وربي يوفقج يالغلا
  4. @smahr_alshhry

    مهما تركتك امك ما تدرين وش كان ضروفها مع ابوك لكن والله والله ما تجازين سهرها وتعبها عليكم وانتو مواليد متاكده انها كانت تتمنى النوم ولا تقدر لأنك تعبانه او صاحيه بعد كرف وتعب البيت وتسلط الرجال وشوفي قيسيها على اخوانك كلهم ترا الام ما ترتاح ولو جا وقت وهجت صبرها نفذ حتى هي انسانه ولها مشاعر ولها قوة تحمل شوفي و اقري بس وقت الولاده وتفاصيلها ومخاطرها وتعرفين حق وقدر امك

تابعي تجارب أخرى من هذا القسم.