تجربتي مع بالون المعده خطوه بخطوه

بالتوفيق حبيبتي

السلام عليكم ياحلوين ♥️
بعد غياب شهر واسبوع تقريباً عدتُ والعودُ احمدُ 🏃🏼‍♀️
طبعاً تردد اكتب الفتره الماضيه لاني كنت بين الرضى وبين الانزعاج من بالون المعده 💔
الشهر الاول حييييل تعبت لدرجة اكتأب
ع طول استفراغ وتعب فضيع الطاقه صفر بسبب قلة الاكل
يالله امشي شويات احس مجهده مره
بالنسبه لنزول الشهر الاول كان جداً مرضي نزلت مايقارب ٨ كيلو الا بدون اي مجهود رياضي
ولكن بالشكل اكثر ماشاءالله تبارك الله
فجئه صار وزني يثبت او يزيد قرامات
طبعاً عرفت السبب وهو الامساك اكرمكم الله أثر على النزول جداً
احترت ايش اسوي حتى الملينات اكرمكم الله مانفعت معي🥺💔
فقررت اغير نوعية اكلي واتجه للخضار وكان قرار جداً ممتاز 😍
الحمدلله استفد مرررره وانحلت سالفة الامساك نهائي ورجع وزني ينزل بشكل جميل ماشاءالله تبارك الله
الخضار مهروسه وهي (حبتين باذنجان ٤كوسه حبه صغيييييره بطاطس (ركزو صغيره )
بقدر الضغط اقطع حبة بصل مع كم فص ثوم مع ملعقة زيت زيتون صغيره
اشوح البصل اضيف الخضار له واحط بهاراتي اللي احب مع نصف مكعب ماجي او مكعب حسب حبكم للملح
اقطع بالنهايه حبه بندوه واضيفها اقلب واغطي قدر الضغط (اكتمه تمام)
بدون ماء نهاائي اتركه ع نار هاديه مرره لمدة ٢٥ دقيقه افتح واهرس الخضار مع بعضهم بملعقة الهرس
اخذ وجبتي وبعد ساعه او ساعه ونصف كوب شاي اخضر مع عود قرفه ورشة زنجبيل
ملاحظه
(الشاي الاخضر بعد اول وجبه فقط
للبعض ممكن يسبب ثبات وزن لو عندهم مشاكل غده ،ابحثوا عنه )
( وبكذا انحلت مشكلتي مع الامساك اللي اعتبره عدو نزول الوزن)
طبعاً كمية الخضار هذي ممكن تكفيك يومين ثلاث حسب
وبالنهايه اقدر اقول توكلوا على الله البالون مساعد قوي رغم تعبي بالشهر الاول الا اني احسه بطل
ابتعد لفتره كنت احتاج اخذ وقت قبل أيد اي شخص على عملية البالون
امانةً النتيجه حلوه ولسى انا ببدايتي فكيف لو التزم الشهور المقبله ماشاءالله
(ماشيه تمام لا تخبيص ولا حاجه)
(راح تخبصين لا تفكرين بتركيب البالون ابداً خسارة وتعب ع الفاضي )
واتمنى أني افدكم بطرح تجربتي لحد الان ♥️
دعواتكم لي وان شاءالله كل مرحلة انتهي منها اطل عليكم بجديدي ♥️
دعواتكم لي ان الله يرزقني الصحه واللي اتمنى🥺♥️ ولكم بالمثل ♥️
واعذروني ع الاطاله 🦦💔

نقطه ماوضحتها 🏃🏼‍♀️
الخضار تقطع شرايح مرررره رفيعه

هلا وغلا حبيبتي الحمدلله على سلامتك نورتي من زمان افكر فيكي ربي يتتم الشفاء وتفرحي بنزول وزنك بصحه وعافية ويقويكي ويساعدك ويارب يجعل كل حرف في ميزان حسناتك موفقه يالغلا وطمنينا عنك دوم... كم وزنك الحين وكم محتاجه تنقصي وزن

حلوه تجربتك الله يتمم عليك بالعافيه لكن مشكلة اللالون مجرد تنتهي فترته اذااااا مانتبهتي وسويتي كنترولع. اكلك ترجعين بسهوله وكانك يابو زيد ماغزيت
انا اختصرت ع نفسي وسويت تكميم من ثلاث سنوات والحمد الله حمدا كبيرا احسن خطوة بحياتي سويتها يحق نفسي لكن وزني كان كبير ١١٧ كيلو