السلام عليكم و رحمة الله بركاتهيارب تكونو بألف خير يا أحلى بنات
أنا من الناس اللى بتعانى عشان تزيد كيلو واحد و مجرد شوية قلق و تفكير أخس بسرعة و حاولت كتير بس كنت بوقف محاولة أو أزهق
فى الأول لازم تتاكدى طبيا إن معندكيش لا قدر الله أمراض متسببة فى النحافة زى الغدة الدرقية مثلا
زيادة وزنك معتمدة على حاجة واحدة و هيه زيادة السعرات اللى بتدخليها جسمك
بس و إحنا بنزود السعرات دى لازم نوجه الجسم يخزنها صح. فهنحتاج نبنى عضلات عشان الجسم ميبقاش شكله مترهل و منطقة البطن تبقى زايدة
أنا استخدمت تطبيقين و مش هحط لينكات بس هكتفى بذكر الاسم و اتمنى الموضوع ميتمسحش لإنهم مفيدين
1. زيادة السعرات
هتحسبى جسمك محتاج قد ايه سعرات من اى موقع من خلال جوجل عشان نبدأ نزود تدريجى
أنا استخدمت تطبيق myfitnesspal
بدأت ب2500 سعر حرارى و كنت بموت ع ما يخلصو و وصلت ل5000 ماشاء الله لإن حرقى عالى
انتى بتدخلى فيه سعراتك و الوزن اللى عايزة توصلى ليه و كل ما تاكلى حاجه تزوديها عشان تعرفى فاضلك قد ايه . نبدأ بالخطوات بقى:
اول اسبوع تقريبا هتغصبى ع نفسك ف الأكل و اشربى مياه كتير عشان معدتك توسع و تشيل كمية اكبر بعد كده وعد منى هتتعودى
هنهتم بنوعية الأكل اللى بتدخل جسمنا و انها تكون سعراتها كبيرة زى المكسرات و الطحينية و منتجات الألبان و الشوكولاتة و العيش و الاندومى و الرز و المكرونة
اهم حاجة بقى نهتم بمواعيد انوم و ننام ساعات كافيه بس منزودش عن 8 ساعات عشان يبقى قدامنا اليوم طويل و نعرف ناخد وقت كافى بين الوجبات
انا كنت بخليهم 5 وجبات بين كل وجية و التانيه 3 ساعات تقريبا
لازم تاكلى مصدر بروتين فى اليوم على قد ما تقدرى تونة او فراخ او لحمة او فول صويا
بجد فى وقت قليل هتلاحظى زيادة فى نشاط جسمك و الهمدان هيقل بشكل كبير و شعرك و بشرتك و ضوافرك هيبقو أحسن لإنهم معتمدين على التغذيةلفتح الشهية ممكن تستخدمى دواء شرب . و الحلبة ممتازة جدا بشربها مرتين ف اليوم2. التمارين
استخدمت تطبيق 30dayschallenge
الموضوع مش متعب بالمرة و هيحتاج منك نص ساعه و 3 ايام ف الاسبوع بس كفاية جدا لإننا مش عايزين نحرق سعرات و نتعب الجسم
أنا مش بحب الأغانى بس ممكن اشغل حاجة تانيه أثناء التمرين تسلينى
*بالنسبة للتخسيس هتستخدمى نفس الخطوتين بس تقللى السعرات بالتدريج .. و التمارين تخليها اكتر من 4 مرات اسبوعيا و لو حابين اعمل موضوع منفصل هيفيدكم إن شاء الله لإنى دارسة تغذية بس لسه موصلتش للتخصص ف هتكلم بطريقة طبية
بس كده يا قمرات و هبقى أنزلكم أفكار للأكل و لو افتكرت حاجة تانية هشارك بيها و أتمنى الموضوع يعجبكم و متنسوش التقييم لو استفدتى
شاركي في النقاش
سجلي الدخول لإضافة تعليق.
التعليقات
2مواضيع مشابهة
تابعي تجارب أخرى من هذا القسم.