امي و النوم و المنصه والارهاق ....

ياجماعه انا اخدمها طول اليوم
لكن جسمي خلاص انهار
لازم تجيني سكته يعني
ماكتبت الموضوع الا بعد مافزيت من نومي ودقات قلبي تنبض بشكل مو طبيغي
سنه كامله على هالحال تعبت

الله يطول بعمرها ويعافيها
لكن الكلام سهل
الي بتعب طول اليوم بالشغل من حقه ينام ويرتاح
وانا جاهدت سنه كامله وحاولت
مره اقعد معها ليمن تنام ومره اجي على نفسي
حاولت اقنعها تنام ١٢ رفضت
نضبط لها غرفه فوق رفضت
واول كنت اقنعها نبني واصير معها بجناح رفضت
طيب وش اسوي
لازم ماانام بدون سبب عشان اصير باره
الحمدلله يارب ماهي مريضه ولا تعبانه ولا بمستشفى

اجمعين يالغاليه

من كلامك ابوك عايش
ماينام معاها بالغرفة خلاص ابوك معاها
ليه الخوف
واذا كان متوفي فمعليش لازم احد يكلمها
يعني انتي عليك حق
وبنتك كمان عليها حق
تموتي البنت اجهاد وتعب
عشانك خايفة
واقولك شي ترا الام تستقوى على الولد اللي مايعارضها
وكمان اللي يكون عندها بالبيت
قد شفت نفس هالحالة
اذا عندك اخوات كلميهم يجو يباتو عند امك كم يوم
والا لو امك قالت بتروح عند عيالها
قوليلها روحي واصري انها تروح
خلها تشوف ان مافي احد من عيالها بيتم جالس عندها طول الليل
ونصيحة اشغلي امك
لو في حلقات تحفيظ عن بعد
دخليها
خليها تصحى من بدري
ويصير تنام الليل
ترتاح وتريحك
ولو عندها صاحبات او اخوات
حاولي تنسقي اطلعة معاهم
خلي امك تغير جو وتشم هوا
بيغير نفسيتها
ويخفف الخوف من داخلها

حبيبتي شكرا على الرد
فعلا هي من كورونا ماطلعت الا طلعات معدوده
اقنعها تطلع واحاول بس ماتبغى هي من قبل ماتجب الطلعه ومع المرض اعتزلت الطلعه الله يعطيها العافيه هي شخصيتها نوعا ما سلبيه
تخاف تجرب تخاف تطلع طول اليوم بس تشتكي من الشغاله وشكاوي
والسوالف الزينه والضحك لعيالها
اكثر واحد تحبه واحد من اخواني وهو مسافر
محد وقف حياته عشان احد
ويوميا تستنى تكلمه اخر الليل وكلمته من قبل لا تتصل متاخر احيانا احس امي تسهر تنتظر مكالمته
بالنهايه كلمن بيحط راسه وينام هو وعياله
امي على عيني وراسي لكن لو اتعب محد بينفعني
ولو اقصر بشغلي محد بينفعني