امي و النوم و المنصه والارهاق ....

انا ام ولله الحمد والمنه. بفضل الله اولا وقبل كل شي ثم بقراري اني اكون ام. اتخذت قرار بالانجاب وبرغبه لايعني الهدف منه البر مستقبلا
المعامله الطيبه من الابناء وتشوفوهم عقل ودين وعايشين حياتهم صح بدون مشاكل هذا هو البر بعيني واكون مرتاحه
مومستوعبه ابدا. البر انكد علي بنتي او ولدي. واصحيهم بعز نومهم وافرض اوامري عليهم او اسيطر عليهم باي طريقه


اسهرو علي مثل ماسهرت عليكم بالصغر 😳 الله لايبلانا


هذي وجهة نظري الخاصه فيني. ومقتنعه فيها

امين جزاكم الله خير

طيب ليه ماتنامين عندها !!
لا تقولين ماعرف راح تتعودين ع الوضع الجديد
لو انا وامي تقول كذا باخذ لي سرير او فرشه وانام عندها
وغرفتك خليها لنوم النهار او اذا امك ماهي موجوده
اللي فهمته انك مو متزوجه يعني مافيها شي لو نمني عندها
وفيه حل ثاني تنامين بعد ماتخلصين المنصه تخلص الظهر
يمديك تحطينها نومه للعصر وبكذا تقدىين تسهرين شوي
واذا المنصه عندك بالعصر نامي النهار لا تصحين بدري
رتبي وضعك ع وضعها صعبه كذا تطلبك وترفضين

مثل اختي سبحان الله لما اخذت غرفه بالدور العلوي كانت تقولي كيف تتركين امي
وتروحين فوق ماتخافين يصير لها شىء مع ان امي بعافيتها ماشاءالله
وهي تزوجت وطلعت عن البيت بكبره ومانشوفها الا بعد اسبوعين

الأم تسهر على ولدها فترة لكن مو سنة كاملة
الطفل الطبيعي ما يسهرك سنة يوميا
الا لو هو مريض او حالة خاصة لذلك يسهرها يوميا راح تتعب
وساعتها الأم بتبدأ عن البحث عن حلول ادوية منومة شخص يتناوب معاها عليه...لو انهارت صحتها من بيراعيه
هذا وضعك يا متفائلة مع امك بس العكس
هنا كل وحدة مثل ماقلتي تكتب لك رد من وسط بيتها وهي شبعانة نوم و يمكن عيونها متورمة من كثر النوم وتقول لك بر.. لو يسهروا شهر يوميا كان جت هنا تتشكى مو سنة!
ابحثي عن حلول عملية انزلي نامي عندها ولو انه مو حل لو بتصحيك كل شوي...انت امرأة عاملة مو عاطلة ولا كان تضبطي نومك مع وقت نومها..
خلي اخوانك واخواتك يتناوبون معاك عليها او يقطوا معاك حق الممرضة اللي بتساعدك فيها..ولو انتي راتبك عالي وفري لها ممرضة تساعدك واجرك على الله هذا هو البر
البر مو انك تنتحري ببطء من قلة النوم راح تفقدي تركيزك ومنه عملك ..لو انهارت صحتك او قواك العقلية بسبب السهر مين بيراعي امك وقتها!!
وين البر في التنكيد على الابناء واستهلاك صحتهم..الا اذا مع امك بداية خرف شيوخي فهي معذورة ولا تعي ما تفعل..