اتقوى الله في ردكم يابعض البنات .. تعقيب على موضوع هل انا غلطانة

طيب ليه زعلتي من اللي قالتلك ان شاءالله تكوني خادمة عند عيالك
انتي لو متأكدة انك مو غلطانة
فليه خفتي من دعوتها
ربك ماهو ظلام
ثاني شي مرة اخوك مو غلطانة رضيتي ولا انرضيتي
عادي اهل زوجها يرسلولها اكل
وش دراها انه الاكل جاها برضاكم والا اخوكم اللي غصبكم
بدل مو شادة حيلك عليها
امسكي اخوك وقوليله الغدا مسوينه لنا
ومانبغى نعطي مرتك لانه احنا تعبنا وطبخنا
وهي تاكل باردة مبردة
هي مرة قوليلها وترتاحو من هالموال
على فكرة لو كانو جيرانكم اللي جنبكم وكل مرة تطبخو اكل
وترسلولهم
بتقوليلهم تعالو غسلو الصحون
اكيد لا
هي اعتبريها جارتكم
وزي ماقلتلك ماتبغو تعطوها
قولي لأخوك وانتهينا

مرة اخوهم ماتحس على دمها!
كيف ترضى يجيها غداها لعندها. ليش؟مكسره ؟
هي ترضى ان اخت زوجها تتمدد وهي تطبخ وياخذون للأخت من طبخها؟
بعدين ليش مطنشين سالفة ان العم صار يطبخ والولد يوديلها!
وربي انها ماتستحي.
كان يوم سافرت عمتها بادرت وقالت بسوي غداكم ياعمي .
لكن الي اختشوا ماتواااا

طيب جيبو شغاله وارتاحو وعادي اذا ارسلتو لها وش فيها 🥺 ممكن تبي ترتاح مالها بالكرف وتوها صغيره لو سنعه مابترضى تاكل وهي منسدحه


وتعرف وضعكم كان بتنزل او بتقول لزوجها لا تجيب لي اكل


الله يعينكم ذي وهي وحده صار فيكم كذا

وليه العم ولده ومرته ماسكين عليه عصايا
الا وتطبخلنا
ترا الاب يطبخ من كيفه
وهو اللي يقرر اذا يبغى يرسل لمرة ولده ولا لا
ومرة الاخ اي مدام يجيها الغدا لعندها اكيد بتاكله
وش دراها انه الاكل جاييها بلا نفس
سبحان الله الحين مو من حق مرة الولد ينرسلها اكل
والمواضيع الكثيرة اللي تنكتب ويشتكو فيها البنات من ازواجهم اللي يجبروهم انهم يطبخو لأهاليهم
وكلكم مافيها شي كلها طبخة زودي شوية الاكل
طيب مو هنا نفس الشي
قلت البنات مايبغو ومو راضييين
يقولو لأخوهم ونقطة عالسطر
لكن انكم تبغو مرة الولد تنزل تنظفلهم
والله مو مكلوفة
نفس لو هي اللي طبخت وارسلت لأهل زوجها
ماحتقولهم اطلعو نظفو المطبخ

والله يااختي الموضوع مو مستاهل كل هالزعل منك ولامستاهل تجي تكتبي موضوع



انا توقعت زوجة اخوك يوميا تنزل تاكل عندكم وتطلع تترككم لكن انت ذكرتي انها كانت تنزل مع زوجها كل جمعه وتساعدكم وبعدها ماعاد نزلت والعلم عند الله عن السبب مو يمكن من اخوك؟؟؟ مو يمكن مانعها تنزل ووقال اجيب لك غداك لين حدك وهي سكتت ورضيت؟؟؟


وذكرتي ان اختك اللي جالسه بالبيت عصبت لانها نظفت وتعبت غريب امركم والله ايش تبغى يعني الادميه تترك بيتها وتجي تنظف لكم؟!!!!!


الحل الوحيد لحالتكم تجيبوا خدامه تساعدكم مافيه غير هالحل زوجة اخوك مسؤوله عن زوجها وبيتها وولدها


لما تتزوجي راح تفهمي كلامنا لاتقولي بتنزلي تنظفي مطبخ اهل زوجك وتطبخي لهم عشان بس رسلو لك طبخه اخر الاسبوع في صحن وتفزعي تطبخي لابو زوجك لان زوجته مسافره وهو عنده اربع او خمس بنات في البيت!!!

ابوك طبخ لان امك مسافره هو حاب هالشي و الشرهه ماتلحق زوجة اخوك ابدا تلحقك انت واخواتك والله وخاصة اللي عاطله وقاعده في البيت تتعب من التنظيف وعينها على زوجة اخوها ليه ماتنزل تساعدنا!!!

جيبوا خدامه وارتاحو او كلمي اخوك قولي لاتاخذ من اكلنا وصلى الله وبارك