اتقوى الله في ردكم يابعض البنات .. تعقيب على موضوع هل انا غلطانة

جت على موضوعك
صرت اشك بعقليات اللي هنا
بعضهم وليس الكل
الله لايبلانا

انا اهل زوجي يرسلون اكلي مو بس يوم الجمعة يرسلون اغلب الايام و يتحلون علي و يسئلوني شرايك بأكلنا عجبك ولا ماعجبك و زوجي يروح لهم يوم الجمعة وخالتي ترسل اكلي اذا رجع واذا رحت لهم البيت يحلفون ما اسوي شي معهم ولا اغسل مواعين معنهم بنتين مو خمس .. وعلى فكرة استحي منهم واقولهم لاترسلون بس دايم يقولون احنا طابخين فيك ولا بلياك والحمدالله النعمة كثيرة .. الحمدالله عينهم وسيعة مو ضيقة على لقمة اكل لشخص او شخصين انتو طابخين طابخين يعني اعتبروها مو موجوده مثل اول وش صار وش فرق مافرق شي .. وانتي ماتربين الناس هي طبعها كذا لاتدققين كثير .. واكيد تغسل صحونها اذا ارسلتو اكلكم وش تبين اكثر .. والحمدالله قبل ما اتزوج بيت اهلي مفتوح لحريم اخواني ولا مره قلنا لهم قمو غسلو مواعين معني كنت وحيده و حتى خواتي متزوجات ما اقول لهم قومو غسلو مواعين معي .. لاتحقدين وتتدقين ترى هذا كله درب من الشيطان يفتح ابواب المفروض ماتنفتح

الصدق لو انتوا وامكم ارسلتوا لها يوم في الاسبوع عادي ما يضركم طابخين بها ومن غيرها
لكن من قلة السنع و الذوق عمها يطبخ وهي قاعدة ويرسل لها كمان من متى عادي !
الدعوة كلها رز ولحم او دجاج ولا تسنعت اضافت خضراوات، سواء قليل او كثير هو نفسه مايأخذ نصف ساعة بالكثير ساعة مع الطبخ والتقطيع وغسل المواعين صراحة مبالغة بنات اليومين هذول دلععع ما يستحون
الشرهة على اخوك ما كلم حرمته تساعد ابوه
بالنسبة للي يقولوا ليه بناته ما يطبخوا اتوقع يطبخوا لكن يرجعوا متأخر والشايب مسكين يجوع ما يقدر ينتظر

اتكلم عن باقي الايام لما يداوموا والأم غايبة والشايب يجوع ينتظرهم
اما يوم الجمعة قلت لها يوم ماضركم

وفين حق بناته عليه ؟ ترا واحدة متبطحة بالبيت وراها هي ماتطبخ والباقي ينظف ؟؟ عجيب امركم عنده اكثر من بنت بالبيت وتبون الغريبة هي تقوم فيه ؟

عجيب والله عشان البنات يتبطحون ويبون الغدا جاهز تبون زوجة الابن الي مسؤولة عن بيتها وزوجها وابنها تطبخ لناس وش كبرهم كل عذرهم انهم كسلانين ؟
ترا دوامهم مو عذر يجهزون الطبخة بالليل ويبقى بس التسخين او الطبخ النهائي ! في مليون حل وحل

قسم بالله عيب عيب عيب اخلي مرة اخوي تطبخ لابوي وانا واخواتي موجودات ، قسم بالله انا ما ارضاها على نفسي شلون انتم تفكرون !! لهالدرجة العقوق حضراتهم مايبون يطبخون لابوهم وزعلانين ليه مرة اخوهم ماتطبخ ؟

ترا لو زعلانين على ابوهم كان لقو حل ، هم بس يبون يرجعون يلقون اكل جاهز ومواعين مغسولة ، ويبون يحطونها بزوجة اخوهم ، اعوذ بالله تفكير وبجاحة رهيبة