تكلمين اخوك في هالحاله ؟؟ ولا تسكتين عشان اولاده !!

انا ماروح بيتها من سنين
وماناديها بس امي تنادي الكل
اذا شفتها عادي سلمت واذا سولفت رديت
ايه الكل عارف اني مو كذا وكلهم وقفوا معاي
وهي عرفت انها فهمت غلط وتفشلت بس ماعتذرت

قاطعوها ولا تعزمونها وخلوها تعرف ان فيه جمعات وعزايم، وهي بتلف وتدور وترجع لكم، دام انت وضعك ما تضررتي فلا تقولين شي لا تخربين بيتها مصيرها تخربه بيدها. فخليها تخربه ولا يقولون انت خربتيه

ايه احنا ماخذين منها موقف من اول اصلا
وحتى اخوي ملاحظ وعارف بس ساكت متفشل منها

البنات اللي يقولون وش دخل اخوك ؟؟ انا ماقد قلت لاخواني شي ابد بالعكس ماحب اخرب بينهم حتى لو غلطانين بس هي ماجت واجهتني راحت قالت لامي ماحبيت ارسلها هي واكلمها مع انه شخصيتي قويه بالحق وهي تعرف هالشي بس قلت دام ارسلت لغيري برسل لغيرها
وعشان اخوي ماياخذ مني موقف اذا عرف بعدين ويزعل انه ليه ماعلمتيني ؟؟ لانه الموقف اللي راح زعل وقال ليه اعرف من الناس انها غلطت عليك ؟؟ مع اني رديت عليها واخذت حقي بس خلاها تجي تعتذر مني وجابوا لي عقد ذهب وربي
انا ماحب ادخل الرجال بهذي الامور بس السالفه اخواني وزوجاتهم وعيالهم فيها يعني مو سالفة كلام حريم مثل ماتقولون لا سالفة اهل وعائلة وكذا

لا لا السالفه مو مناقر ابد
هي قالت كلام في عائلتنا وقالت انه امجاد هي اللي مقويه اخوانها علينا وانه اولادنا يحبونها وقوتهم علينا وتتحكم فيهم وفي ازواجنا ومن هالكلام البايخ والغبي وامي ردت عليها وسكتتها وانا عرفت هالموضوع من اختي الصغيره
مع اني ماتدخل ابد بينهم وبين ازواجهم واخواني مو ساكنين عندنا بس مايقصرون معانا اذا طلبنا شي