الله يشفي بنتك ويشفي كل المرضى انا بنتي الحين عمرها سنه والاكزيما مشوهه وجهها صايره دواير حمرا كانها حرق في خدودها وهي من النوع التوبيك اللي قلتي عليه جربت لها ادويه مانفعت وصفوولي مرهم اسمه اليكوم << انصحك ماتجربينه .. مفعوله سحري من اول يوم يزيل الاكزيما بس يوم وديتها للطبيب وقلت له ناس مجربينه قال انتبهي تحطين هالمرهم نسبة الكورتيزون عاليه فيه ومانوصفه للأطفال الاهل دائما يستعملونه عشان نتايجه سريعه بس بعد فتره ترجع الاكزيما اشد من اول وتسبب ضمور في الجلد والاوعيه لان بشرة الاطفال حسااسه جدا
اعطاني بعده مرهم فيه كورتيزون بس نسبته ضعيفه اسمه لوكويد واستعملته وخفت كثير والله لين راحت وبدات اسحب الدوا مثل ماقال ورجعت ورجعت لنفس الكورس ورجعت تخف الحين وان شااء الله انها تختفي مره
وعلى فكره كانت الاكزيما في خدها تنزف دم واحيان تشوفينها كان عليها مويه يعني لها افرازات واعطاني مع المرهم هذا محلول برمنجنات البوتاسيوم وكريم فيسودين استعملهم مرتين البرمنجنات احطها على شاش واحطها على المنطقه ضغط بس مو مسح مرتين وكريم فيسودين مرتين واللوكويد في الليل بس لمده عشره ايام او الين تشوفين تحسب بنسبة 70 في الميه وابدي سحب الدوا تدريجي يعني بدل كل يوم خليه يوم ويوم والاسبوع اللي عقب يوم ويومين وهكذا لين يصير مره في الاسبوع وبعدين وقفيه لان الكورتيزون طول استعماله مو زين وسحبه فجأة مو زين
ادري طولت عليك لكن ان شاء الله في رد ثاني اكتب لك وصفه شعبيه قالت لي وحده انها توديها بس ماضبطت معي ماعرفت اسويها
الاكزيما ...........
متابعة النقاش، صفحة 2