الزوجات الأوليات حياكم نكمل سواليفنا

الي يشوف ردودكم عن الثانيه الصراحه تخووووووووووف وفعلا تصير مواقف اسمعها من قريباتي
وبعضها عشتها مع القريبين اخااااااااااااااااف اكثر وانها تاخذ الدلع وتحاول تبعده عن الاولى بشتى الطرق وفعلا وحده اعرفها وراره وراه لين طلق الا ولى حسبي الله عليها مش حرمه الا شيطانه

واذا شفت ردود الزوجه الثانيه اقول مسكينات مظلومات وتحسيننها تبي الخير للاولى

لكن الي متاكده منه انه الاولى تغار والثانيه تغار اكثر بكثييييييييييير والود ودها لو ان الاولى تطلق
وهذي سمعتها من قريبه لي كانت غيرتها فظيعه على الاولى وما تبيها وحاولت بكل الطرق لين طلق الاولى حسبي الله عليها وين ماراحت ما ادري وشلون تنام على المخده وهي مرتاحة البال انها جلست
تخطط وتحاول لين خلته يطلقها
الله يستر على كل وحده زوجها متزوج عليها
لكن اقول لاولى اسمعي ثم اسمعي ثم اسمعي كلام اختك في الله منتظره والامل بالله كلامها عين العقل
الله يرزقها بالذريه الصالحه الي يملون عليها حياتها

الأخت روما الله يفرج همك ويكشف غمك وينفس كربتك مشاء الله مداويه الجرحى

كفت ووفت

بطني يوجعن عسى بطنك طاب

والله في زوجات ثانيات يخافون الله وطيبات وما منهم خوف بس اصابعك مو سوا

اختي ام عبد الله
اصبري واحتسبي الاجر من الله
وش بتسوين غير الصبر
وهناك رب بيحاسب زوجك على كل ريال يصرفه على غيرك ويحرمك منه
خلي في بالك بكرة عيالك يكبرون ويعوضونك ويحققون لك كل الي نفسك فيه
وادعي دايما ( اللهم اني مغلوبة فانتصر)
اللهم ياحي ياقيوم انصر اختي ام عبد الله
اللهم رد لها زوجها ردا جميلا
اللهم اعنها على ماابتليتها به واجعلها من الصابرات المحتسبات
اللهم اربط على قلبها وثبتها على الحق
اللهم ألن قلب زوجها لها كما ألنت الحديد لسليمان
اللهم سخر لها زوجها كما سخرت البحر لموسى
اللهم اجعل مالاقته من مصائب الدنيا تكفير لسئاتها وزيادة لها في حسناتها
اللهم اقلب حالها من حال الهم والنكد الى حال السعادة والسرور في الدنيا والاخرة
اللهم بارك لها في ابنائها واجعلهم بها بارين مطيعين
ياارحم الراحمين
وصلى الله على سيدنا محمد وعلى اله وصحبه اجمعين