التجمع ال١٧ لمواليد شهر مايو ويونيو 2021💙💗👼

اول موضوع / بما اننا قربنا من الثلث الاخير شنو الاعراض اللي جاتكم في حملاتكم السابقه وكانت خطيره ، مثلاً انا كنت احس ببلل من السابع وتجاهلته وبالاخير هالبلل كان من الماي و ولدت بدري و بعد كنت احس بالام بظهري ومغص في نهاية الخامس و تجاهلت هالشي و طلع عندي انفصال جزئي في المشيمه و تسبب بنقص في وزن البيبي ... اللي سبق لها الحمل تفيدنا 🌚

الموضوع الثاني / شنو عنايتكم وروتينكم ب وقت النفاس من ناحية التغذيه و الاهتمام ووقتك مع البيبي وزوجك و هل انتي من الناس اللي تكشخ بالنفاس ولا لا ، وبعد عاداتكم وقت النفاس 🌚

بالنسبه لي / من اول ما اولد احاول اركز على اكلي اقطع الخبز والرز تماماً ، و اكثّف هالفتره ترطيب عن اول و صراحه انا من الناس اللي تحب البجايم تكون سروال اكثر منها ارواب و واحاول ارطب شعري بعد الشاور بزيت فازلين و اربطه ب توربان مرتب ما احب الحجاب ، من وانا بالمستشفى اسوي اظافري مناكير و ارتبها والميك اب عندي اساسي مو ضروري يكون ثقيل حلو يكون خفيف ارسمي حواجبك و تنت من بنفت عندي اساسي و الماسكارا اخذها ترطيب بدون لون و ايلاينر بني بسيط و قلوس ، بالنسبه لوقتي امي اكثر الوقت تمسكهم وامسكهم معاها بالتناوب الين اقدر ازامن وقتي معاهم و بالعاده وقت نفاسي ما اطول عند اهلي اسبوعين عندهم والباقي في بيتي عشان اتحرك اكثر و ما اتعود على الدلع 😝😂 وبس والله قلت اكتب الموضوع احمسكم شوي و عشان نستفيد 🌚

احس مو ضروري ، خذي فيتامينات شامله وخلاص 🌚

حبيبتي الله يبارك فيك يا جميله ❤️