وش رايكم. ( الموظفات فقط)

وعليكم السلام ورحمة الله وبركاته ...
اسأل الله العظيم أن يشفي ام زوجج ويعافيها طهور بإذن الله .
بالنسبه للسؤال :
اخلي اعيالي عند الخدامه ... الحمدلله دوام مو رايحيين طول العمر .
وصعبه جدا اخذ اعيالي معاي ووديهم مثلا حق اهلي
واهل زوجي معاي بنفس البيت وكل واحد بقسم بس مالهم شغل
بالجهال الا اذا مثلا ينزلون الظهر .
ويبين اذا الخدامه زينه او لااااا ..
اللي مو زينه ماقعدها عندي بالبيت .
ولاتبينيين للخدامه انج خايفه على اعيالج منها . ترا فيهم الزين والشين حالهم حالنا ..
والله يحفظ ذريتنا وذرياتكم 🌺

استودعيهم رب العالمين اذا عندك ام او أخت وتقبل بوجودهم وقت غيابك خليهم عندها واذا ماعندك خليهم ببيت وحطي كاميرا والله المستعان

ويعني وحدة درست وتعبت واكيد استنت سنين عشان جاتها الوظيفة الحكومية
تجو تقولولها انركيها واقعدي قابلي عيالك
لو كل وحدة تركت الوظيفة وقابلت عيالها
مين بيدرس عيالكم ويعالجكم
مع اني مو موظفة
لكن الواحد يتكلم بالعقل والمنطق
ماحد قال بالطقاق عيالك
بس ماظنه حل اني استقيل من وظيفتي عشان عيالي
وحريم كثير مطلقات وارامل وهم اللي قايمين بحالهم وبعيالهم
فلاتتكلمو من برج عاجي
وانتو كل وحدة لو جاتها الوظيفة مارفستها برجلها وقالت اولادي اولى

رفع

يارب يالغيره. .. كل هذا عشان تكوني مثلهم مايشتغللون. انتبهي تتركي الوظيفه. . فيه أكثر من حل