عشقت دكتور اسناني ايش اسوي؟

يا عزيزتي خلينا نتكلم بالعقل والمنطق والواقع
ربما اللي تحسين فيه يكون مشاعر حقيقيه وفعلاً تكونين منجذبه له ولمس حاجه قويه داخلك ناقصتك وحسسك بالاهتمام والاشباع اللي تتمنينه لكن هذا لا يعني ان مجرد زيارتك له لدقائق او ساعات على فترات متباعده انه كذا صار بينكم قصة حب حقيقيه
لان الدكتور باليوم الواحد يشوف عشرات المرضى ومضطر يسولف وياخذ ويعطي الى ان يمضي الوقت ويخلص شغله ثم يرجع لبيته يادوب يجلس مع زوجته وعياله وياكل له لقمه ويقضي لهم حوائجهم وينام استعداداً للدوام اليوم اللي بعده
فإذا تفكرين انك تكلمينه على رقم جواله بأي حجه بتكونين حطيتي نفسك في موقف محرج جداً واعطيتيه اشاره قويه انك بايعه نفسك وانك حقت لعب وخرابيط
وابشرك ان الدكتور من كثر مايمر عليه مرضى انواع واشكال كل يوم يكون فاهم حركات الملحجه والبزرنه والتزين والتعصر والتكسر والدلع اللي يسوونها له المرضى وهو واعي وفاهم لكن مجبور يساير ويسلك ويعطي كلن على جوه
بدليل انه اذا كانت امك معك يلتزم الادب والاحترام واذا كنتي لوحدك يفلها وياخذ راحته لانه ببساطه شايف منك القبول والرضى واشارات توحي بأشياء مالها داعي

اما بخصوص انه يتكلم عن زوجته بكلام سيء هذا دليل انه انسان سيء ومايصون ستر بيته وزوجته اللي بينهم عيش وملح واستحلال للجسد وينامون بفراش واحد فتخيلي وش يقول عنك عند زملائه وانتي تجينه فاغره ومسويه نفسك اخر حبه ومتعطره ومتكشخه وتتعصرين وتتكسرين له بظنك وش نظرته وكلامه القبيح اللي ربما يكون قاله عنك وانتي الغريبه اللي مابينكم اي ارتباط ؟!

واحب اوضح لك انك لسه بعمر ثورة الهرمونات والمشاعر يعني لو شخص يقول لك السلام عليكم بتقولين يحبني وعلى طول بترسمين احلام وخيالات ان كل حركه وكل كلمه منه هي حب فلا تهدرين مشاعرك على اوهام وخيالات

في فرق شاسع بين الحب وبين تمضية الوقت وسعة الصدر
فلا تكونين انتي التقزيره التصبيره والاستراحه اللي يفرغون فيها الناس ويقضون حاجتهم ثم يمشون
عزي نفسك واحفظي مشاعرك وحطي حد لهذي الاوهام والاحلام الورديه
بكرا تكبرين وتنضجين وتعرفين ان كل اللي تسوينه لعب عيال ومو من قدرك

غيري الدكتور او خلي احد اهلك يروح معاك

معليش على قلة الذوق
انتي الان اللي يحركك الشهوه
الشهوة في سنك تتوقد خصوصا اذا كان عندك جفاف عاطفي من الأهل
انصحك ما تراجعين عنده مره ثانية وصومي
لو تركتيه لله الله بيعوضك احسن منه
وادعي الله
اما اللي تسوينه الحين يعتبر من مقدمات الزنا
لاحظي قول الله ( ولا تقربوا الزنا)
الله ماقال لا تزنون .... الله قال لا تقربوا الزنا
يعني كل شي يقدم الزنا الله نهانا عنه
والعين تزني وزناها النظر
وتبخين عطر عشان تفتنينه
انتبهي انتي مكلفه وتتحملين مسؤولية أفعالك
الله ينظر لك
لا تامنين مكر الله
الله يتوب عليك
والشئ الثاني لا تتوقعين انه لمن يسب حرمته رح يتركها ويتزوجك
مستحيل
انتي مجرد تسلية له

والله شي يفشل ويطيح من قدر البنت
ياليت صاحبة الموضوع تستوعب كلامك زين وتفهم ان حركاتها وتعصرها بالصوت كلها مكشوفه وان الدكاتره يلاحظون ويفهمون لكن مجبورين يسكتون ويسلكون للمريض

تدرين مرو علي اكثر من بنت كانو يطلبون مني اشور عليهم بحل وكلهم مشاكلهم عباره عن حب من هذا النوع مع طبيب او استشاري او اخصائي نفسي او اسري يبدأون بمحادثه او مكالمه ثم يتطور الوضع الى انجذاب وسحر وتعلق وكأن الوحده فيهم كانت ضميانه وارتوت فجأه وماودها تنحرم من هذا الشي
عشان كذا كنت اقول دايماً اي بنت عندها مشكله عاطفيه نفسيه اسريه لا تلجأ لمختص رجال لانها اصلاً عاطفياً مشوشه وبتتمسك في اول شخص يمد يده لها فالافضل تروح لأمرأه مثلها والله يستر علينا وعليهم

انت شوفي فرق العمر بين البنت وبين الطبيب
هي ١٨ وهو ٤٠
البنت لسا ما نضجت عاااطفيا.وممكن عندها مشاكل او ناقصه حنان وعطف.