ماابي عيال(فضفضه ويهمني رايكم)

كل اللي جالسين يحاولون يندمونك ويشحنونك خوف ورعب وتأنيب من المستقبل والوحده والعجز والمرض وفوات الفرصه عليك
مو مستوعبين ان الارزاق مقسومه من رب العالمين وماراح تاخذين الا رزقك ونصيبك مهما اختلفت الظروف والاسباب
كثرة الجدل والثرثره في مثل هذي الامور ارهاق وحموله نفسيه زايده على الفاضي
نصيحه اذا احترتي في امر استخيري الله واسأليه بصدق ويقين ان يرشدك للصواب وان يدبر لك امرك
اما البشر اغلبهم مبرمجين بفكرة وحده ويشوفون الحياة من منظور واحد وكأنك اذا ماصرتي نسخه مكرره عنهم بيكون فاتك رزق وخير ونعيم مع اننا اذا حكمنا عقولنا بنلاقي ان كل شي مكتوب ومقدر
الله يشرح صدرك وييسر امرك ويرشدك للصواب ويسخر لك ملائكة السماوات وجنود الارض ويسخر لك خيرة خلقه

صراحة ان الشايب فقدتي معه الحياة وعيشك في شيخوخة ونهاية الحياة للاسف تفتحي عيونك كل يوم على شايب اكيد راح تصيري تفكري بسوداوية لدرجة تتخلي على اجمل شي بالحياة. من الافضل اختي روحي لدكتور الين ماتخرجي من الي انتي فيه وراح تتغير نظرةك لكل شيئ
ابدا ماتتخلي على الامومة راح تندمي من بعد... .

يب هذا اللي اعرفه استغربت انها ذكرت هذي الامور مع انه مالها دخل بالانجاب

مو كل أنثى لازم يكون عندها رغبه بالأطفال او حب للامومه، الله خلقنا مختلفين..



لو صاحبة الموضوع عندها رغبه شديده للأطفال وحب لهم كان حفرت الصخر علشان الإنجاب، فمايحتاج الموضوع منكم كل هالتهويل والتأنيب..



اذا شايفه نفسك مالك رغبه كبيره، أو بيكونون عبء عليك بالتربيه لاتنجبين علشان كلام الناس، وبعدين تقصري في تربيتهم..



اهم شي انتِ وقدراتك ورغبتك..

الامومه تحتاج رغبه وحب واستعداد نفسي وعاطفي وقدره كبيره على العطاء،
اذا تشوفين نفسك ماتقدرين عليها فأنتِ ابخص الناس بنفسك..


الاطفال زينة الحياه الدنيا وشي جميل يكون عندك أطفال وشعور الامومه رائع مانختلف عليه..

بس شوفي نفسك واستخيري، وادعي الله يكتبلك الخيره في أمرك..

واستفتِ قلبك وهل هالشي بيسعدك انتِ فعلا ً او علشان الناس تقول انه مهم..



وفي الاخر كلها أرزاق مقسمه لو ربي كاتبلك بتشوفينه ولو ربي ماكتب لو افنيتي عمرك تبحثين عنه ماراح يجيك..



الله يكتبلك الخير ويرزقك من واسع فضله..

طيب و احتياجاتك العاطفية هذا هو الأهم ، الزواج ليس اكل وشرب وانجاب فقط
في غريزة لازم اشباعها بالشكل الصحيح الى جانب الصداقة والمودة مع الشريك واداء بعض النشاطات مع بعض والونس ، الاشباع الجنسي والشعور بالنشوة يساعد على افراز هرمون السعادة ويخفف من حدة الاكتئاب، مافكرتي في هذا الجانب
انت لسه صغيرة فكري في حل هذا الموضوع هو الأهم ممكن يعرضك للفتنة، حتى الزوجين اللي ما انجبوا ممكن يعيشوا في سعادة وسلام ان كان هذا اختيارهم، ان تخليتي عن فكرة الانجاب بمحض ارادتك عشان زوجك ، طيب وانوثتك، اذا كان كلا الامرين مايهمك، اقول خلاص توكلي على الله وابقي كذا
انت الادرى بنفسك ومايناسبك، احنا نلفت نظرك فقط لبعض الجوانب اللي ممكن تكوني غافلة عنها او ناسيتها