كل من فقدت جنينها أو أجهضت ياليت تدخل

الله يعوضك ويجبر كسرك ويغنيك من فضله

تجربتك مؤلمة ، ولكن أرجو انك ما تلومي نفسك أو تحاسبيها لان ماكان بيدك شيء وهو مقدر ومكتوب قضي القضاء و جفت الأقلام وطويت الصحف والحمد لله كما يحب ربنا ويرضى.

( وَأَصْبَحَ فُؤَادُ أُمِّ مُوسَى فَارِغًا )

هذا شعوري اللي أحسه ، ما أعرف كيف أشرحه لكن متيقنة انك بتتفهمين هالمشاعر تحسين فجأة ان صدرك صار خالي وفارغ من كل شي إلا من هم الفقد ...

اللهم اربط على قلوبنا ...

اللهم آمين و لك بالمثل وأضعاف مضاعفة ولكل أخت فجعت بفقد جنينها ...

ي حبيبتي الله يعوضك ويجبر قلبك ويرزقك بالحمل السليم والطفل المعافى يارب قريباً
مريت بنفس شعورك وكان اول حمل ما توحمت وكنت مبسووووطه بحملي وزوجي طاير من الفرحه واهلي فرحانين ومتحمسين وصلت الخامس سويت سونار طلعت بنوته
بكيت من الفرحه لان تمنيت بكري تكون بنت وربي حققها !
جلست كم يوم حسيت بحركتها وكنت احس ببطني فراشات شعور جميييل جداً
الموعد اللي بعده كان بعد اسبوعين كان عندي اشعه تفصيليه توضح اذا الجنين في تشوه او لا الصدمه هنا
الدكتور يقلب بالشاشه ويلف الجهاز واقول دكتور فيه شيء!
قال اي ما فيه نبض القلب متوقف من اسبوعين تخيلي يعني بعد ما تحركت وحسيت فيها واخترت اسمها ،، راحت وخلتني!
ذاك اليوم احس اني ابكي والدموع تجرح خدي حسيت فعلاً اني ام وكبرت ماعادني الصغيره اللي كلمه تزعلني لا هنا راحت قطعه مني كبرت ببطني ٥ شهور ونص جهزت لبسها واخترت اسمها
الدنيا ما عاد شالتني انهرت حرفياً اسوأ يوم عشته بحياتي
بعدها عطول حولوني لمستشفى حكومي لازم طلق صناعي لان الجنين ميت من اسبوعين وما كنت احس باعراض اجهاض
واعطوني تحاميل اسبوع كامل مو راضي يفتح الرحم تعبت نفسياً وجسديا من الم الكشف والتحاميل لين ما ولدتها
بكيت وجاني نزيف وانشغلو فيني وما شفت ضناي 💔💔
افتكر انهم حاولو يوقفون النزيف واخذو بنتي تمنيت اني شفتها
بعد الولاده رحت بيت اهلي عشان امي تتطمن عليّ
كنت احس بفرررررااااغ بقلبي وحفرررره فاضيه بقلبي
احس اني كنت مليانه بشيء وفجاه راح مني شعور غريب وربي احساس بشع اه ايام عدت صعبه
محد يحس باللي اجهضت الا اللي مجربه لان الكل يفكرون تبالغين
بس هذا قطعه من قلبك اذا ما بكيتي على ضناك وحزنتي عليه
قلبك حجر!
الحممممدلله على عوض ربي شهرين وحملت والحين بنتي نايمع عساني ما انحرم منها
بس للحين والله العظيم غصه فقدان بنتي البكر بقلبي
ولا نسيت تفاصيل الاجهاض ولا نسيت شيء بس عند ربي ما يضيع شيء باذن الله يشفعون لنا يوم القيامه
القاك في الجنة ي ملاكي الصغير ♥️
اسمها كان ( ملك )👼🏻

الامر لله من قبل ومن بعد اللهم اجرنا في مصيبتنا واخلف لنا خيراً منها
اجهضت خمسه مرات اخرهم الاسبوع الماضي اسأل الله ان يعوضني ويعوضكم بكل خير ويجبر خواطرنا جبراً يليق بجبره وجلاله وعظمته يارب