احس عادي ليش كل ذا التكتيم
السلام عليكم اليوم جت مرت اخوي تفطر عندنابعد الفطور حطينا عشانا وبنت اخوي قلق بالسفره تسحبها وتخرب وتشيل وتحط تعرفون البيبي بعمر السنه وحركته شغالتنا خلصت متعشيه قبلنا وباقيلها صحون الفطور تغسلها المهمراحت مرت اخوي سالت العاملة خلاص اكل قالت ايوه مدام قالت عادي يمسك بيبي ١٠ دقايق اكل سريع سريع واجي اخذها انبسطت عاملتنا عاد تموت على البزران واخذتها ممداها مرت اخوي بتتواسى بتجلس عشان تتعشى الا واميمتي ههههههه جايه ومعها البنوته اخذتها من العامله تقول ابيها تغسل الصحون وتعطيها امها تمسكها تخيلو مرت اخوي تغير وجهها مره وكتمت وماتعشت كل هذا ليش تجيب امي البنت انا دقيت على اختي اسولف معاها وقلت لها السالفه قالت لي اختي ياويلكم من الله انتي وامي مالكم حق وش بيضركم ساعدتوها على البنيه ولا خليتو الشغاله تمسكها ١٠ دقايق بتطير الصحون ولا بتتكسر اذا ماغسلتوها مالكم حق ابد واقول الامي وقالت لا مابيها تتعود تعطي البنت للشغاله يحوم كبدي البزر اللي تمسكه شغاله يعني اميمتي شغلة عناد فقط ههههههههه الله يصلحها اميمتي عليها قلبات
