ايش رايكم بكلام ابو طليقي

السلام عليكم
انا بعد ماسجنت طليقي ،بناتي ماشافو اهل ابوهم نهائي
لا هما طلبوهم ولا انا رسلتهم، وعلاقتي انقطعت فيهم نهائي لا اتصال ولا سؤال عني او عنهم.
قبل يومين ام طليقي اتصلت وتسلم وطريقة كلامها كانها مغصوبه وقالتلي نبغى بنات ولدي يسافرو معانا كم يوم يغيرو جو معانا،، انا اعتذرت لها قلتلها صعبة بناتيصغار يسافرو معاكم قالتلي مو على كيفك تمنعينا من بناتنا، قلتلها مامنعتكم بيتي مفتوح لكم تعالو زوروهم باي وقت بس بناتي مايخرجو من غيري..
قالت طيب مع السلامه.
وامس اتصل عليا ابو طليقي قلي لو ماراحو معانا بطيب ناخذهم عن طريق الشرطه قلتله روح اشتكي وقفل في وجهي..


انا ماابغاهم يسافرو معاهم لاني اخاف عليهم لو سار شي لاقدر الله، بيكون انا السبب اني اهملتهم وانا عارفه ومتاكده اهل طليقي بيهتمو فيهم لانهم حنونين ع الاطفال بس مع السفر اخاف الكبار ينشغلو وماينتبهولهم، وبنفس الوقت الشيطان يقولي احتمال بينتقمو منك زي ماسجنتي ولدهم..
سالت صحبتي قالت احتمال كبير ايوه واحتمال لا، اهلي مستحييل اسالهم او ادخلهم في الموضوع لانه من البداية مادخلو.


سؤالي هل فعلاً يقدر ياخدوهم عن طريق الشرطة او لا.