مجرد نقاش يامشرفات ارجوا عدم الحذف (المسيار)

ماعندي شك ان 85% من الرجال يحبون المسيار
لانه يخدم اهوائهم بدون ادنى حس بالمسؤوليه..
صحيح يمكن يناسب بعض الحالات المضطره زي اللي ذكرتي..
بس عزيزتي اللي تبي عيال هل بترضى بزواج شرطه يكون سري
او بدون يوم محدد لها..
الوحده المفروض مايكون تفكيرها بلحظتها وبس..
بعد خمس سنين ..بعد عشره..
وش بيكون مصيرها زوجة المسيار ..
نعم اليوم طاير فيها وطايره فيه..
بس مافكرتي لمتى؟؟
حرام وزر علي الى يوم القيامه ازين المسيار بعيون المراهقات
ارقع وجه المسيار القبيح بسبب حالات فرديه تدعي النجاح
والله اعلم بكرا وش يصير فيهم..
المصلحه الكبرى بالترويج للمسيار للرجال ولااقول رجال بل للذكور
في المجتمع..
يبغى متعته بدون مسئوليه ولاتعب..
والضحيه بكل تأكيد المرأه اللي نظرتها سطحيه..همها بس سواق
وفلوس..
وبكرا تجي فوق راسها لانه مل..ويبغى زوجة مسيار جديده..
وطبعاً بيسحب الصلاحيات من القديمه...
هذا اللي حاصل وهذا السبب اللي خلى اكثر المشايخ يهاجمونه
لانه كان في البدايه لاصحاب الظروف الصعبه..
لكن للاسف اهل النفوس الضعيفه..حرفوه من زواج على اسس
الى اشبه مايكون بزواج المتعه والزواج السري..
بهذا سقطت اهم اركان الزواج الطبيعي السوي..
واللي يسوق له سواء عبر المجتمع او المنتدى..
لايلوم الانفسه بوزر بنات الناس اللي ممكن يتأثرون بكلامه..
لكل شخص ذكرا او انثى يسوق للمسيار لشهوة نفسه..
اقوله لك بنات وخوات والدين سداده قداااااااااااااااااااام..

الرياييل يحبون زواج المسيار لبنات الناس..لكن ما يحبونه لاخواتهم و امهاتهم

عجب!!!

والله موضوعك طويل مامداني اقراه بس حبيت اقول رايي
اولا عندي كم سؤال ............
هل كان الزواج هذا في عهد الرسول( صلى الله عليه وسلم)؟
هل ورد في القران عن هذا الزواج انه حلا او حرام ؟
وبعدين فيه شروط ان الزوجه تتنازل عن المسكن والنفقه واليله . بينما الله عزوجل امر بالعدل في النفقه والنوم وكل شي .
سوالين الي فوق ابغا اجابه عليهم واعذروني على جهلي اذا ورد قول من الله او رسوله بتحليل الزواج هذا .
ومشكوره اختي على طرح الموضوع

أخواتي 000لايمنع كوننا نساء ان نكون قويات متزنات نعرف مالنا وما علينا 00لاتستسلمن للضعف ولا لاستغلال الرجل الذي بحث عن تلبية رغباته بكل الوسائل حتى لوكانت تحت ستار الدين والشرعية لاتاخذكن هذه الخدعة الظالمة المسماة زواج المسيار 00فاذا كان الزوج لن يوفر المسكن ولن يضمن النفقة ولن يشهر زواجه فبأي حق يدخل بيوت الناس ليلا ونهارا 00اعتمدي على الله يا اختي وانتظري الفرج من عند الله حتى تضمني حقوقك وحقوق اولادك الذين إن أتوا إلى الدنيا هل ستجرؤين أن تقولي لهم أن أمهم أم مسيار بينما أم اخوتهم الباقين ام طبيعية حاصلة على كامل حقوقها الشرعية ؟00أووه كلامي هذا راح يزعل رجال كثيرين ضمنوا الشرعية لزواجات تمت تحت جنح الظلام وخلف الكواليس 00ما اعرفه ان الدين يدرا المفاسد ولا يدعو إلى بخس الحقوق فأي شرعية يضمنها هذا الزواج ؟لاتتحججوا برضا المراة نفسها فكثيرات سامحهن الله ضعيفات عند رغباتهن وعاطفيات إلى درجة بعيدة عن التعقل فهل نترك الحبل على الغارب للرجال كي يجدوا لنزواتهم غطاء يتسترون به وأي رجل كامل الرجولة لايقدر ان يواجه العالم بالزوجه الثانية وباولاده منها أحسن له يقعد عند الماما000