تطورات في موضوعي عن اختفاء زوجي

سالفتكم كنها فيلم هندي ..

الرجال مطنش انتي وراه ماراح تستفيدي شي حتا اهله عارفينه روحي اهتمي بنفسك وعيالك واهتمي بجسمك وصحتك هو مره بيته كل ماتجري وراه حيبعد اكثر

زوجي للحين مارد علينا رحت السوق وجبت لاطفالي ملابس العيد وبالونات وان شاء الله يفرحون فيها رجعت البيت اقايسهم واوريهم الاغراض مع انهم هم اللي اختاروها بس احاول اسعدهم وانسيهم تخيلو بنتي عمرها ٣ سنوات ونص مره متعلقه في ابوها لبستها جلست تنطط وفرحانه وراحت تركض للغرفه عشان ابوها يشوفها تخيلو طلعت وجت عندي وقفت قدامي وصاحت بكت رحت اوريها لبسها الثاني والتاج ومارضيت تلبسه خلاص ماتبغى تلبس الجديد قطعت قلبي وابوهم لاحس ولا خبر
دعواتكم يرجع في القريب العاجل من غير شر يارب

شوفي انا بقولك تصرفي اذا كنت في وضعك
اول شي زوجك رجل ما يحب المطارده ومسافر عشان الخرابيط لا تزعلين من الرجال ما ينسى حرمته وعيال الا وراه حرمه ثانيه مريض نفسي ما ياخذ جواز سفر ويحجز ويسافر خارج الدوله او حتى داخل الدوله
مشكلتك انه عندك إنكار انه هو تاركم بكيفه مو غصب عنه
اذا خلص العيد وبدأت دوامات القطاعات الحكوميه سوى بلاغ عن زوجك انه مفقود من التاريخ كذا ولا يرد على جواله ولا أحد يعرف مكانه
طبعا قبل لا تبلغين الشرطة اعطي خبر لي اهله و ارسلي له رساله انه راح أبلغ انك مفقود لانه مانعرف عنك شي حي ميت اذا ما جاك اتصال منه أو من اهله خلال ٣ ايام سوى بلاغ عنه في الشرطة انه مختفي من الفترة شهر شهرين بدون مبالغ لانه بيكون بلاغ اذا فيه معلومه خطاء لو قد راس دبوس يعتبر بلاغ كاذب وفيه عقوبه عليك
او انه تطنشين فترة ٦ شهور ما جاء ارفعي دعوة فسخ نكاك لهجر الزوج لك مده طويله و راح يفسخ نكاح و يعطيك صك بفسخ النكاح وتعدين العده اهم شي الصدق في كل خطوة تخطينها
لو رد برساله عليك وقال لكم عن حاله ما تقدرين تسوين بلاغ عند الشرطه لكن فسخ النكاح للهجر عادي تقدرين