العامريه : مع احترامي لك كمشرفه بهذا القسم الا ان هذا مايعطيك الحق انك تفتين وتقررين على كيفك ومثل مايحلو لك فانتي تقولين:حرام ووزر علي يوم القيامه ازين المسيار بعيون المراهقات؟؟ من افتى لكي بحرمته؟؟ وماالدليل؟؟ وهل تدرين ان كلمة(حرام ووزر) كبيرة في معناها؟؟
ثم ليش تعترضين انتي وغيرك على هذا الزواج اذا كانت المرأة ارتضته لنفسها ومااعتبرته مثل ماقلتي انه فيه اهانة لها مع معرفتها التامه بمعنى( زواج مسيار) ؟؟
وتقولين بعد( واللي يسوق له سواء عبر مجتمع او منتدى لايلوم الا نفسه بوزر بنات الناس اللي ممكن يتأثرون بكلامه) يب وكلامك انتي مافيه وزر انكي اهنتي المرأة المتزوجة حلالا وعلى سنة الله ورسوله ؟؟ واتهمتي الرجل بالمتعة الجنسية فقط؟؟
وهل معنى كلامك ان المشايخ اللي افتوا بجوازه عليهم وزر؟؟
ثم ليش تقولين للي يؤيدونه عليهم وزر لأنهم يرون جوازه وانتي ليس عليك وزر لأنك ( ولستي بشيخ ولاعالم ولافقيه) لاترين تأييده؟؟
ينبغي عليك ان تقولي رأيك فقط .. ولاتحكمين بالوزر والحرام على احد وانتي لاتعلمين ..
ثم تقولين( يسوق للمسيار لشهوة نفسه) اتقي الله ولاتتكلمين عن الرجال والنساء بهذا الكلام وهذا الغمز واللمز واحمدي الله على نعمته وعلى انك لستي من ذوات الظروف التي اجبرتهن حياتهن على هذا الزواج
ولي ملاحظة اخيرة على هذا القسم : الموضوع الذي تقتنع فيه وتؤيده المشرفات لو كان حلال اكثروا من نشر المواضيع بخصوصه لنه يوافق قناعتهن واهوائهن اما ان كان مايعجبهن الموضوع ( ولو كان حلالا) يحذفنه ويتعذرن بالحجج الواهيه لكاتبته ( واللبيب بالاشارة يفهم)
للمعلومية تراني ماافضل زواج المسيار لكن مااحرمه اذا كانوا اهل العلم حللوه
مجرد نقاش يامشرفات ارجوا عدم الحذف (المسيار)
متابعة النقاش، صفحة 7
