احتاجكم ربي يفرج همكم 😭

السلام عليكم كيفكم جميعاً الله يوفقكم ويسعدكم ويفرج همكم ويسر امركم ابي منكم خدمه وخدموني لوجه الله ابغى نضام الكيتو بتفصيل بمشي عليه انا تعبانه من سمنتي وعندي دهون على الكبد فا تكفون ابي النضام بتفصيل الله يفرج همكم ولكم دعوه في ظاهر الغيب 😭😭😭

8 تعليق 1,005 مشاهدة

شاركي في النقاش

سجلي الدخول لإضافة تعليق.

التعليقات

8
  1. @bbark

    خلي دكتورتك تحولك لدكتوره تغذيه افضل لك + امشي كل يوم ساعه و حاولي تلعبين رياضه ، اعرف وحده نحفت على نظام تاكل اكلها العادي بس تحط لها بصحن وسط بالبدايه العادي اذا اكلته ما تكثر واذا جاعت تاكل فواكه و خضراء و تاكل الوجبات كامله بس ماتكثر و نحفت صدق فرق
  2. @frashshh

    صاحبة الموضوع
    ببارق
    خلي دكتورتك تحولك لدكتوره تغذيه افضل لك + امشي كل يوم ساعه و حاولي تلعبين رياضه ، اعرف وحده نحفت على نظام تاكل اكلها العادي بس تحط لها بصحن وسط بالبدايه العادي اذا اكلته ما تكثر واذا جاعت تاكل فواكه و خضراء و تاكل الوجبات كامله بس ماتكثر و…
    جزاك الله خير 💜🌸
  3. @aaoatf_trky_2

    الكيتو نظام غذائي يعتمد على
    20% بروتين + 75% دهون صحيه + 5% كربوهيدرات
    البروتين : اللحوم بكافة انواعها والدجاج والاسماك والتونه والجمبري والبيض
    الكربوهيدرات : الخضار الغير نشويه + ورقيات خضراء
    دهون صحيه : زيت زيتون ، زيت جوز الهند ، الزبده ، الاجبان كاملة الدسم ، بعض انواع المكسرات والبذور
    يعني ببساطه ممنوع النشويات والسكريات بكافة انواعها واشكالها حتى الفواكه ممنوعه بإستثناء حبتين ثلاثه توت وفراوله بالاسبوع مره ويفضل انها تؤجل الى الشهر الثاني من الرجيم
    وانا اشوف كرأي شخصي اذا ماعندك مشاكل صحيه محتاجه العلاج بهذا الرجيم فالافضل انك تسوين رجيم يشبه الكيتو لكن مش كيتو
    يعني ببساطه اعتمدي في وجباتك على البروتين الحيواني + خضار + طبق سلطه خضراء
    وممكن مع الغداء تاكلين 4 ملاعق رز او مكرونه او نص خبز اسمر
    عشان ما تحسين بالحرمان وتقدرين تستمرين
    لان الكيتو مشكلته يحتاج حسابات دقيقه للسعرات الحراريه وانك تعرفين توازنين كمية البروتين والدهون والكربوهيدرات واذا زودتي شي عن شي ممكن يخرجك من الكيتوسس ويثبت وزنك او ربما يزيد لانه يعتمد على اضافة الدهون بالوجبات
    عشان كذا اقول سوي نظام يشبه الكيتو لكن دهون اقل وعادي كلي نشويات كميات قليله جداً مره وحده باليوم مثل ماوضحت والحلو انك حتى لو انعزمتي واضطريتي تاكلين عادي مو مثل الكيتو يبي لك ترجعين من اول وجديد وتنتظرين جسمك ينظف الكربوهيدرات العاليه اللي دخلته
    وحطي في بالك انك مجرد تقطعين النشويات والسكريات والمقالي جسمك راح ينحف لان السعرات الحراريه بتكون انخفضت كثيييير
    واكيد لا تنسين الرياضه مهمه ابدأي بالتدريج ومو شرط كل يوم يكفي ثلاث الى اربع مرات بالاسبوع

تابعي تجارب أخرى من هذا القسم.