شاركي في النقاش

سجلي الدخول لإضافة تعليق.

التعليقات

72
  1. مرة الدب المملوح
    السلام عليكم ورحمة الله وبركاته قبل تدخلون بحرج ورجل عرج وتغرق بعد ماتشرق بمرق الموضوع خاص لمعلمة اجيال اختي معلمة اجيال احييك وارسل لكي مطخة من خشيشتي الى خديدكي :09: احب اعرفس على رويحتي معس الله لايسفهك حرم زول دب مملوح ومابه جروح …
    دام انه خاص لابلتي

    بتليقف وارد<< اموون

    وانتي الحين ما لقيتي شغل قمتي تعلقين على صورها

    اقول روحي لبزارينتس ودبتس ازين لتس

    ما يصلح تطنزين على نعال شغالتهم

    ورينا نعال شغالتس خل نشوووف

    وبعدين غيري العنوان حطي خاص لابلتي وطالبتها سنووعه

    وبسألتس سؤال؟؟

    وش معنى النخابيق الي حاطتهن في العنوان

    ما فهمت شي؟؟؟
  2. @maalm_agyal

    صاحبة الموضوع
    مرة الدب المملوح
    السلام عليكم ورحمة الله وبركاته قبل تدخلون بحرج ورجل عرج وتغرق بعد ماتشرق بمرق الموضوع خاص لمعلمة اجيال اختي معلمة اجيال احييك وارسل لكي مطخة من خشيشتي الى خديدكي :09: احب اعرفس على رويحتي معس الله لايسفهك حرم زول دب مملوح ومابه جروح …
    قبل كل شي وراي من تالي صايرتن ياغافلين لكم الله
    ساجتن بهالمدرسة واثر العالم تلعب بذيله من وراي
    مير ماقول إلا الله لايفضحنا
    وش الله سلطتس علي !!!!!!!!!
    شكل دبك المملوح قاهرتس وجايتن تحطين حرتس بي مير صدق اللي قال (((لاغلبوه الرعيان عدا على حريمته)) بس انتي بالشقلوب {{{لاغلبه أبو الشباب عدت على أوخياته بالمنتدى)))
    مير مايخالف حنا لبعض وش عاد إذا ماحطيتي حرتس بنا من تحطينه بوه وتمونين يامرت الخرتيت
    نبدأ نرد

    وعليكم السلام ورحمة الله وبركاته


    توحن يابنات الموضوع لي لحالي اقلبن خشتكن وخلن عنكن الشرافه والبلاغه وبعدين الناس بتحل مشاكله مع بعض فما له داعي الفضايح


    الله لايحيي العدو
    ومطختس قابلته بس للاسف ماظن أحطه بخدي على قولتس لأن ماعندي خدود ناحفة وقاضيه من النحف حتى خدودي اختفت لا وقفت عند المراية اقعد ساعه أدورهن مير دوري لتس مكان ثاني <<<< الله العالم إن الخدود من زود السمنه مغطيات على العيون وعشان كذا صايرتن ماتشوفينهن


    حياتس الله الدب المملوح والا انتي خلتس بدارتس
    وعلى طاري الجروح وش اخبار المشق معكم !!!!!


    تشرفت بتس الله يطول بعمرتس على العمل الصالح

    من زمان وانا ودي اعرف الدب أبو مشق وش يشتغل والحمد لله جان الجواب قبل اسال
    أثره ثور بالحرس الوطني!!!!!!


    محرومه عاد المفروض تشجعين الصناعات المحلية يابقره


    تمونين قولي كل اللي عندتس والله يستر علينا


    أنتي متوسده إن عندس مخ بس!!!!


    ماشاء الله عليتس واضح عليتس تحبين الستر وماتدانين الفضايح الله لايفضحنا


    الله من زين ذا المخ اللي مالفت إنتباهه غير النعال


    هذا سلمتس الله في يوم من الايام انقطعت نعلة شغالتنا وكنا في موقف حرج وهو اننا كنا في مكة وبالتحديد احد دعاسيق مكه فبينما شغالتنا تمشي شعرت بأن قدمها عاريه وعندما نظرت غلى الأسفل وجدت مالم يكن في الحسبان حيث أن نعلتها قــُــطعت وبعد التحري اكتشفنا أنها بفعل فاعل لكن لم يتم القبض على الفاعل حتى الان
    وبينما نحن نعيش تلك المصيبة مرت بالقرب منا تكرونيه مسرعة وكانت تجمل على ظهرها بقشة تتطاير منها بعض الحذيان أوقفتها وطلبت منها ان تعرض علينا بضاعتها لكن كان يبدو على تلك التكرونيه أنها على غير طبيعتها فقد كانت تتلفت يمنة ويسره بشكل مريب وتلتقط انفاسها بصورة مريبه ايضا وشكلها كله مريب في مريب مما منعنا أن نتأمل بسطتها جيدا حاولت ان أهدئ من روعها لكن لم استطع فاختلاف اللغة حالت دون ذلك
    عندها قامت شغالتنا باختيار نعلة جميلة ((( حلوه نعلة جميلة)))
    وبينما شغالتنا تجرب مقاس تلك النعلة إذا بنا نرى كل شيئ يختفي امامنا ففجأة وبدون سابق انذار اختفت التكرونية واختفت البسطة ولم يبقى إلا النعلتين ولولا وجود تلك النعلتين لظننت بان مامر بنا كان حلما بل انه كابوسا ومن ذلك اليوم وأنا اسمي شغالتنا سندريلا لكن دون امير فالمير مفقود وإلى يومك يامرت الدب وتلك النعلتين تحتفظ بها شغالتنا وفاءا لتلك التكرونية الساحرة التي ظهرت واختفت بشكل سريع والله العالم إن شغالتنا تحتري الأمير يجي يلبسه نعلته
    عاد يامرت الدب استري علينا الله يستر عليك عطيتك القصة كامله ومابه بهارات ابد عاد لاتلومينا
    وتسلم عليك شغالتنا وتقول لك مقاسه 39 ومقاس اخته 37 وبنته 53 ورجله 43 وأمه ما تبي نعال تبي ام احديجان الله لايهينتس


    بلاكنما شفتن اللي شفته ولا أوجستن اللي اوجسه يوم إنه قدامي والعالم صايمه وهو ومرته ماخلوا شين ماكلوه وإذا على الأكل يهون مير ذا الحركات اللي دبات سبدي وبعز النهار وفي رمضان الله لايفضحنا


    مهيب الدعوة تضحيه من حركاته واضح إنه يتقصد يمقر سبدي


    على طاري الشغاله والله ياصار لي موقف بالمدرسه بس منيب قايلته الوعد موضوعي الجديد((دعايه))


    ماقول إلا الله يخلف علينا والا لو المره بيده تاخذ اكثر من واحد كان ورتهم الشغل مير الله راحمهم وعرفن لنا إنا مانولج احد

    الله يخس بليسك أجل هذا العلم والا بلاش
    من وين لك هالمعلومة


    الله يجيرتس هذا عقب التطور صاروا يلفزونهن بذا واصبري لتس كم سنه وشوفي وين ييحطونهن بتلقينه الوحدة معه شنطه خاصة للحذيان تحطه جنبه زي كيس العبايات اللي طايحنن بهن



    وش يدريتس يمكني من الحكومة وجرجركن بالكلام عشان اترزق الله بكن


    انا الحكومة كله بكبره قايلينن لي عطينا رايتس بمنتجاتنا ومصنوعاتنا تعرفين يبون أحد منهم وفيهم ينقدهم قبل لايجي أجنبي ينقدهم ويتفشلون<<<<والله مادروا عن أحد


    هذي وظيفتي الأساسية بالحياة
    وحاليا فيه شاغر بالجنوب يبون وحدة قصمنجيه تجي تراقب عندهم بذكرتس لهم غديهم يضفونس عنا


    عاد تصدقين فيه واحد من حقين الموضه مدري وش يقاله الظاهر جورج او إنه إيلي صعب زاهمن علي يقولي ابستسمحتس بناخذ حركتكم وبنخليه الموضه الجديدة مير غني اوافق بس قلت له بشرط إنكم ترزون اسمي على بعض منتجاتكم


    لا ياوخيتي مابه نووي به غاز كيماوي والله ياعليهن ريحة تقطع الضنا على قولتهم وهذا اللي يدعين ماضنيت إلى هالحين


    وأخيرا يامرت الدب شكلتس مضيعة الخاص وماتدلينه مير هالمرة مسامحة لكن المرة الجاية بكون فيه كلام ثاني

    الله يوسع صدرتس بالعافيه ولو إنك فضحتينا مير ماهنا أجناب كلهن أوخياتي ويمونن علي

    برايفت (( المسلمة الحرة + سعادة الدارين))احلفن إنك ماقريتن الهرج اللي به!!!!!

    ربيع عرعر + نواعم +ســmsـــــاره + منيرة العنزي
    ياشين الشرافه مير حريم ماعليكن شرهه

    برايفت ~*~ السنعة ~*~يابعد سبدي والله انتي مير عهد علي بترك الوظيفة ووظفتس مكاني
    وصدق إنتس سنعه يالسنعه وتسلمين على الدفاع
  3. @maalm_agyal

    صاحبة الموضوع
    شيطان طر بالعلدو وش جاب ردي بموضوعي
    وش السالفة
    اقول يامرت الدب شكلتس الله العالم أنتي الساحرة
    فاتحتن موضوعتس ورد عليتس وشولن صار ردي بموضوعي!!!!!!!!

    هوالااااااااااااااااااااااااااات

    الدنيا عجايب
  4. @noaaam_7

    معلمة الاجيال / شكلتس من البدايع يوم قلتي هالكلمة ( شيطان طر )
    خخخخخخخخ دقيقة ماشاء الله علي !! صح من البدايع ولا لا !!

    الشي الثاني : الله يعافيتس المشرفات سوو دمج لموضوع مرت الهرش :)
    يعني لزخوه هنيا عندتس , بيتس صارت كله قشاويش خخخخخخخ

    تسلمين :)
  5. @maalm_agyal

    صاحبة الموضوع
    نواعــم
    معلمة الاجيال / شكلتس من البدايع يوم قلتي هالكلمة ( شيطان طر ) خخخخخخخخ دقيقة ماشاء الله علي !! صح من البدايع ولا لا !! الشي الثاني : الله يعافيتس المشرفات سوو دمج لموضوع مرت الهرش :) يعني لزخوه هنيا عندتس , بيتس صارت كله قشاويش خخخخخخخ …
    نواعــم



    ماحزرتي ياوخيتي بس قربتي امي من البدايع بس انا لا
    أنا اسم ديرتي اسم مركب من اسمين عاد مايبي لها شي قربت لك


    والله يانا طارت بوهتي خابرتي فاتحة موضع مرت الدب يوم اضفت ردي الاو موضوعي
    تسلمين على التوضيح ماقصرتي

تابعي تجارب أخرى من هذا القسم.