الوظيفه ولا اهلي ؟

بالمناسبه اللي يقولون تقولين ابوك اناني
يابنات لو ابوي امه ولا ابوه احياء
كان قلت معه حق يبيهم وامه وابوه
ومافي احد اهم منهم
لكن كلهم اخوانه كبار وعندهم عيال متزوجين واحفاد
يعني كلن منشغل بحياته
ماعنده اخوان قواصر
ولا عنده ابوي خوات
الا من الاب ولا يعرفهم الا بالسنه مره
لكن هو كذا مايبب لو عنده اخوان صغار يهتهم
فيهم صح انا طيب هذا اخواني واحد بالرياض والثاني
بيلحقه ولا قلت لا لازم تجلس وهو اخوي ومو متزوج
ولا عنده عيال فما بالكم بشيبان عندهم احفاد!!
غير كذا انا لو بمكان ابوي وعندي عيال
واعرف اني جالسه اضيع مستقبل عيالي
شي طبيعي بسوي اللي فيه مصلحة لعيالي
هل الناس بينفعوني؟
او جابو لي واسطه وظيفه؟
هذا مقصدي

روحي لهم كل اسبوعين شوي شوي تتعودين
ويمكن ربي يرزقك الزوج الصالح من خلال وظيفتك

هالشعور انك بتبعدين وان بيتغير نمط حياتك الكل يحس فيه هذا يسمى رهبه انك تخافين من المستقبل .. انا كنت زيك وانا بنفس المنطقه اللي فيها اهلي جلست اوسوس كيف بروح وخوف .. بس صليت استخاره وارتحت والحمدلله توظفت ف البدايه يكون كل شي مختلف بعدين بتتعودين .. نصحيه مني محد يخلي وظيفته في ذا الزمن وانتي قلتيها سنين وانتي تحاولين ويوم جات الفرصه الشيطان وسوس لك ... صلي استخاره وربك يحلها من عنده .. وماتدرين يمكن مع الايام ابوك وامك يجون للرياض ويعجبهم جوها ويسكنون معك 👍🏻

ليش تقولين عن أبوك اناني؟؟
معليش انت بتصرفك هدا انانيه
ما تبين تتركين اهلك وتبينه يترك اهله عشان وظيفتك


اسمعي نصيحة إذا تحبين أبوك
لا يترك أهله وجماعته في هذا العمر
لأنه بيكبر فجأة وبتظهر عليه علامات الشيخوخة بسرعة
ويحس بالفقد وتتغير عليه الحياة
حياة المدينة مو حلوة لكبار السن
فجأة بيلقى نفسه جالس بين أربع جدران
لا شغل ولا مشغلة
لا روحة ولا جية
كأن دوره في الحياة تعطل
أنت مقبلة عن الحياة بس هو مدبر
خليه يستمتع بالباقي من حياته
وروحي جربي الوظيفة
اعجبتك كملي ما أعجبتك اتركيها وارجعي لأهلك

محد يحل محل احد .. ابوك يعيش حياته زي مايبي وانتي عيشي حياتك زي ماتبين .. ابوك مايبي يخلي ديرته ذا حقه ووحياته وهو حر هذي ماتسمى انانيه هذي تسمى حريه شخصيه ، وانتي بعد لك حريتك الشخصيه تسوي اللي فيه مصلحتك ، لاتقعدين ويوسوس لك الشيطان ان هو السبب وانه ماراح معك وان امك بتتركينها و خواتك واهلك بيتعودون زي ماتعودو على بعد اخوك وكلكم من بطن واحد ، ترا اللي مانعك هو خوفك موب هم "🤚🏻