تعبت تعبت منهم انصحوني وفيدوني

السلام عليكم
البارح زوجي تهاوش مع ولدي باول جامعه تهاوشو مرره وصراخ عليه وظربه وطرده من البيت
ومن البارح الولد طالع وعي يرجع يقول جتني عقده منه جتني نفسيه منه يصارخ ع اي شي ماني راجع ابدور وظيفه وابكد ع نفسي وماراح اطلبه بشي ابد
وابوه يقول هذا بس طايح ونايم وصلاه مايصلي ولا يقعد معنا ولا هو يم درسه
وانا بينهم عجزت اوفق بينهم كل واحد اعند من الثاني وكل واحد يشوف نفسه ع صح وقلبي مايتحمل صرت احس اني بااطيح باي وقت

28 تعليق 2,517 مشاهدة

شاركي في النقاش

سجلي الدخول لإضافة تعليق.

التعليقات

26
  1. @hd_42_1

    عااادي صدقني كل البيوت كذا دايم الاب والابن انا كذا ولدي وابوه نفس الوضع. بس الدعاء ثم الدعاء ثم الدعاء. وقراءة سورة الرحمن. والقران بشكل عام. دعاء الام مستجاب
  2. @sn_bayts

    ادعي له بالصلاح والهدايه
    وانصحي ولدك زبط صلاتك اسمع كلام ابوك ما تلقى بالدنيا احرص منه
    عليك قولي له هذا يصير ببيوت كثيره الضرب والطرد وما يضر
    انتي قولي له كذا هجديه
    قولي له اعتذر من ابوك وحب راسه
    وبنفس الوقت اذا روق زوجك قولي لاتشد مره عليه نخاف عليه من
    رفقاء السوء يسحبونه
    الله يعيينك والله نعاني من هالتصادمات
    بس رقم واحد افصلوا النت عنه بالليل لايسهر على جواله
    تغافلي وافصلي المودم دايم سويها
    بعضهم فيه نوم ويقاوم بس عشان هالجوال بيده ولو يطفى نام
    وانتي عاد لايضيق صدرك مايضره ان شاء الله شدة ابوه الله يخليه
    لكم بس زي ماقلت لك قولي له ترى المراهق يبي احترام
  3. @nkaaaa_alord

    المفروض ابنك يطيع ابوه ويحافظ على صلاته وينتبه لدراسته ابنك غلطان
    وزوجك يمكن اسلوبه مع الولد مو تمام الله يصلح احوالهم

تابعي تجارب أخرى من هذا القسم.