ضيافة غريبة مرت عليك !

صراحة مرات تتاخد مدح ومرات مسبة على حسب المجتمع متى يقولونها ...للذرب والا للمهبول
شكله مجتمعها يقولوها للمهبول

من جد

حلو الموضوع .. انا بنت خالي الله يصلحها و يهديها مره رحنا لها قبل ١٦ سنه ببيتهم وصلنا اخر يومين من رمضان و كنا نقوم العصريه وهي نايمه ما تحضر الفطور …و عشان ما اظلمها ماني متأكده اعتقد انها اول يوم بس سوت فطور و اليوم الثاني لا . لان السالفه زمااان وماني متذكره زين . زوجها اذكر جاب فطور جاهز فول و سمبوسه .. وامي من كثر الاحراج دخلت المطبخ قبل الاذان تحضر فطور الرجال و الحرمه ما طلعت من غرفتها . بعد سنين من هالسالفه كل ما اذكرها اقول حرام الله اعلم ايش علتها يمكن كانت مره مريضه او عندها عذر وماطلعت حضرت الفطور .. بس رجعت انعادت نفس الحركه مع خالتي لمن راحت لها البيت وكانت بنت خالي توها واصله من سفر مدته ساعتين فقط .. دخلت بنت خالي تنام و خالتي اللي هي اساسا ضيفه بالصاله .. تقول خالتي كنت صايمه واذن ولا جابو لي شي تقول طلبت بناتها ( بنات صاحبة البيت) تمر افطر عليه تقول صغار وحده عمرها ٢١ و الثانيه ١٧ . و البنات واضح مرتبكات ما يعرفون يضيفون بس سوو لها قهوه مع التمر ما قصرو .. و بناتها إلى الان ما تزوجو الكبيره عمرها الحين ٣١ .. اعتقد الناس تلاحظ طبع امهم .. رغم انهم جميلات حتى امهم جميله بس أبدا مو مضيافه الله يصلحها . الحرمه لازم تكون مضيافه و بشوشه للضيوف و كريمه و سخيه الناس تحبها و يبون قربها.. والله يوفق بناتها ياااارب كل يوم اادعي لهم بالازواج الصالحين والله بيسر لهم ياااارب و للجميع ..

والله انا استحيت يرحبون فينا وموقفينا
حتى الحريم الكبار بسن جاين من بعد العشاء وحطولهم كم كرسي قدام جهه العبي
والباقي واقف على رجولة
وحر وفساتيين

مرررة انقهرت كان نفسي ارجع البس عبايتي

ولكن زوجي قد بعد عن القاعة و باقي زميلاتي جو قالوا خلاص نوقف مع الباقين

واللي تضيف شيشه
وسجاير
الحمد لله والشكر يخترعون سوالف