صحيت من سباتي العميق، كيف اتصرف؟؟

-
فكرتي في زوجكِ واهلك لو عرفوا حقيقة مشاعرك؟

حبيت ردك.. هههه ان شاءالله

يعني لو احد عرض خدمة وقلت له مشكور لازم ابرر سبب رفضي ...
ثم خليه ينشغل بحياته احسن له

اعتقد كل شي لازم ينقال لك سبق وانذكر في موضوعك السابق
وش المطلوب اكثر من اللي انقال لك ؟
والموضوع ماله علاقة بالوازع الديني بقدر ماله علاقة بالوازع الاخلاقي وشرف الانسان وضميره الحي
ولما قلت "شرف الانسان" اقصد المعنى الحقيقي للشرف من افعال واقوال وافكار العقل والروح والنفس ومايندرج تحتها من الكرامه والنبل والصدق و ... الخ ولا اقصد الشرف المختزل بالجنــس
الزوج اللي يتبع ويهتم بأمرأة متزوجه ويفتنها ويستدرجها هذا يسمى " خائن " وليس " محب " !
والزوجه اللي تطلب الطلاق لشعورها بالعذاب والتعب من زوجها فهذا لانها ذاقت منه اشد انواع المر بخيانته لوثاق الحياة الزوجيه والجري خلف النساء الآخريات
لا تكذبين على نفسك وتقولين طلقها لانه ما يحبها بل حصل الطلاق لسوء الاخلاق والعشرة بالخيانه
ولا تكذبين على نفسك تقولين يحبني ويهتم بي وتوي صحيت لانك جالسه تناقضين نفسك بمواضيعك مره تقولين مايعرف ومره تقولين بيني وبين نفسي افكر فيه والحين تقولين وصلتي لرسائله مع زوجته !!
احترمي عقولنا شوي الله يرضى عليك واذا بتحورين القصه وتصورين نفسك بريئه عشان تلقين تعاطف وعدم تأنيب فما راح تستفيدين شي لان اساس المشكله وجذورها انك امرأه متزوجه تركضين خلف رجل متزوج وهذي النقطه بحد ذاتها غلط فما بالك بإن الرجل يكون فعلياً بينه وبينك علاقه عاطفيه صريحه او بالتلميح !
يكفي ان هذي العلاقه المحرمه تسببت في دمار بيت وطلاق زوجه عن زوجها
والمشكله ان اللي مثل هذا النوع ماتشوف انها ارتكبت اي غلط لازالت تصور نفسها البريئه المسكينه المظلومه المضيومه اللي زوجها لانه حارمها تبيح لنفسها التفكير عاطفياً برجال آخرين
اصحي من سباتك لكن مو بطريقتك اللي تحبينها بل اصحي على طريقة الناس العاقله اللي تعرف حدود الاخلاق وتوقف عندها ماتتجاوزها بلا حب بلا بطيخ بلا مسلسلات وافلام كذبيه

السلام عليكم ورحمة الله وبركاته ..
غاليتي .. وإن كان بينك وبين زوجك خلاف ، فحاولي حله من أجل الأبناء فهم من يعاني عند أي خلاف ، و تذكري بأن دخول أي شخص قد يسبب فجوة كبيرة ويصعّب حل أي مشكلة ، تعوذي من الشيطان ولاتفكري به فما ذكرتيه بأنك أحببته هو مجرد حديث نفس من تصرفات لا مسئولة من شخص سمح لنفسه بالتدخل فيما لا يعنيه ، وإن كان تصرفه فعلا من حب لك فحبه غير أخلاقي ومحرم لأنه تعدى على محارم الله ، أنتِ أم فالأولى أن تركزي على تربية جيل صحي نفسياً وجسدياً ، فدعي عنك التركيز على تصرفاته واقفلي أي باب لمعرفته ومعرفة أخباره ، وإن كان هناك خلاف يستحيل حله فلا تفكري برجل لأمرأة أخرى كان سبباً في تعاستها وجودك بحياته .. ابتعدي واحرصي على نفسك وقوي إيمانك وانتبهي " من لا خبر فيه مع أهله وزوجته لن يكون خيرا فيه معك "
" وان الله تعالى لا يحب الخائنين وهو خائن لحرمات الله "