وعليكم السلام ورحمة الله وبركاته
النية هي اساس الاعمال هذا الشي محد يقدر ينكره ولا يعترض عليه
لما تتكلمين عن شخص من الناس وتقولين هو فيه ويخطيه وعمل وقال وارتكب الاشياء الفلانيه ورغم ذلك عايش متهني وسعيد هنا ارجعي لنيتك ومشاعرك وشوفي قصدك يوم قلتيها وبتعرفين اذا نيتك خير او شر له
وعلى الاغلب اللي يقولون مثل هذا الكلام نواياهم غير جيدة ويتمنون ان الشخص المقصود ما يلاقي خير بحياته بل على العكس يتمنون يشوفونه في اسوء الاحوال عشان يشفون غليل حقدهم عليهم
الظالم او المعتدي عليك غلطته وحده فقط انه ظلمك او غلط عليك
لكن هذا لا يعني انه لا يفعل الخير والصالحات بحياته وربما هي اللي تدفع عنه البلاء وتجلب له الخير
واكيد هذا الشي لا يلغي ان برقبته وصحيفته حق للعباد وهذا الشي علمه وامره وحكمه عند الله يمكن يمهله للتوبه والتحلل وارجاع الحقوق او ربما يردها له ويذوق من نفس الاذى اللي اذى به غيره او تترك ليوم الحساب حسنات تؤخذ منه وتعطى للطرف الآخر
الظلم قاسي وصعب لكنه بنفس الوقت اختبار للمؤمن يثبت قوة ايمانه
جربي تفوضين امرك لله وتتركين هذي البنت في حالها لا تراقبين حياتها ولا تحسبين كم عندها ولا تقارنين بينك وبينها وانسي الامر بأكمله وكلي ثقه انك بتشوفين حقك يرجع لك فجأه وانتي ناسيته
وفعلاً نوايا ومشاعر الشر سواء انتقام حقد كراهيه حسد مكائد ... الخ كلها يكون لصاحبها منها نصيب
الشي اللي ترسلينه لغيرك يرجع لك سواء خير او شر
ولو كان الطرف الثاني ايمانه قوي وقلبه معلق بالله كل نوايا الشر اللي ترسلينها له ماتجيه ترتد وترجع لك
ويكفينا بس نتذكر اننا لو ندعي على أي شخص في ملائكه تقول ولك مثل مادعيتي يعني نفس الفكره اللي ترسلينه بنواياك يرجع لك منه نصيب
واعتقد هذا قصدهم يوم يقولون لك نظفي نيتك لانهم يسمعون تذمرك ودقك بالكلام ومراقبتك للنعمه اللي عندها وتمنيك زوالها
وش هذا المنطق الغريب الحمدلله
متابعة النقاش، صفحة 3