اللي حصل لأختي قبل عام واليوم ربي نصرها

مساءكم سعيد حبيبات القلب والروح
قبل سنه وشهرين كتبت لكم عن اختي وأنه في واحد نصب عليها وأنها تبغى محامي شاطر
والبعض تعاون معي وأعطاني ارقام محامين
ولكني تذكرت ابو طالبه من طالباتي انه محامي وأعطيت اختي رقمه بعد مااخذته من بنته وتواصلت معه وهي تبكي وأعطاها رقم محامي شاطر ما أخذ منها ريال واحد ولكن وقع معها عقد انه يأخذ منها بعد انتهاء القضية
قصتها
انه زوجها طلب منها يحط رقم حواله في نظام ابشر حقها عشان يمشي بتعديلات تخص بطاقه الأحوال المدنية حقتها وكونه في مدينه وهي في مدينه قال ماابغى أزعجك كل شوي وأقول اعطيني رقم السر حق ابشر وأعطته ابشر حقها ودخل على حسابها وسوى وكالة لنفسه ببيع وشراء العفار وباع لها ارض بالعاصمة قيمتها ٨٠٠ الف وعمل وكاله لنفسه بإيداع المال وسحبه وتم له كل شي وحتى ريال ماخلى بحساب اختي
ممكن تقولون كيف ماتجيها رسالة السحب من البنك هو استغل اختي وطلب منها تحط رقم جوالة في حسابها في بنك الإنماء وقال انه يطلب من واحد فلوس وقال له بيحول له على حساب الإنماء وان ماعنده حساب ببنك الإنماء وطلب اختي صرافهاا وأعطته صراف البنك لانها ماعندها رصيد بذاك البنك وقليل تعاملها معه ولا تحتاجه فقط تتعامل مع بنك الراجحي
فلما أودع الشيك وسحب الفلوس مادرت ان فيه عمليات ماليه و سحب وإيداع . من حسابها
لان الرسايل تجي على جوال زوجها
بتقولون كيف كشفت الوضع
شافت زوجها يلعب بالفلوس وكثرت زياراته لديرتها واشترى جيب لكزس ٢٠٢٠
بعدها طار عقلها وشافت ابشر حقها. وحصلته عامل وكالة وتذكرت البنك وراجعته وحصلت الإيداع والسحب
وانهارت وكلمت المحامي فتبنى قضيتها رغم قله الأدلة بسبب ان الوكالة نظاميه صادره من ابشر حقها وممكن القاضي مايصدق
لكن لانه الله العادل الجابر الجبار اللي مايرضى الظلم وحرمه على نفسه نصرها ووفقها
اليوم وبعد سنه وشهرين من حربها في قضيتها العادلة انتصرت على زوجها وكسبت القضية وحكم لها القاضي برد المال اليها بشكل قطعي لا رجعه فيه وقام المحامي بطلب تنفيذ الحكم
وصدر التنفيذ
والآن هي في معركة مع زوجها من اجل تنفيذ الحكم
وباذن الله راح يرد الفلوس
لكن الوضع المتعب انه صار يهددها بالطلاق وباطفالها

وهي تبغى الطلاق لكن خايفه انه يأخذ بناتها
للعلم قصتها بملفي