شاركي في النقاش

سجلي الدخول لإضافة تعليق.

التعليقات

205
  1. @aaoatf_trky_2

    صاحبة الموضوع
    نـُهــــى 24
    هذا العالم جزاه الله خير ماعلمنا عنه الا خير ومن أحب العلماء لقلبي ولانعرف فتواه كانت إستنادا ع ايش حقيقة .... لكن حرمة الكريسماس والتهنئة عليها. محرمة باتفاق المذاهب اﻷربعة. ومانعرف قول مخالف في هذه المسألة إلا في الزمن المتأخر، فهذا ي…
    مساء الخير جميلتنا نهى
    مدري ليش احسك تكتبين الرد وحاطه بين عينك الرفض وعلى أساسه جالسه تعلقين
    الامور سهالات وكل محترم يفترض احترامه وانا ما خبرت عنك الا كل احترام ورقي بصفحات هذا المنتدى
    عموماً حتى لو ماراح ترجعين للرد انا راح ارد بخصوص كلامك عن الجدل
    ارجعي لردودي في كل المواضيع اللي فيها جدل على الاقل اخر سنتين وشوفي مين جادل الثاني فيها
    وبخصوص المعارضه شوفي كل تعليقاتي بكل مواضيع المنتدى المتنوعه مو بس في الدين وجيبي لي تعليق حرمت فيه شخص انه يتمسك برأيه او منعته يقول هذا رأيي وما احترمته او فرضت رأيي عليه بالغصب بالعكس كنت ولازلت اتقبل جميع الاراء واحترم اصحابها وشوفي رغد ولذة وام يزيد على سبيل المثال ما يتفقون معي في حاجات كثيره ونناقش مختلف المواضيع بكل أريحيه وما عمرهم هاجموني كشخص بسبب اختلاف رأي وهذا هو الفرق بينهم وبين باقي العضوات اللي يحطوني في خانة المعارضه ببساطه هم ماعندهم استعداد يتقبلون وجود شخص مختلف مايقدرون يجارونه الحجه بالحجه ويهاجموني كشخص وفي هذي الحاله لما كنت زماااان اهتم وارد عليهم وادافع عن ديني وانفي عن ذاتي الكفر والشرك والالحاد كانو يتجمعون علي القطيع بالشتم والتحقير والتأويل والتأليف وتحوير الكلام وصرت اتجاهلهم ويظهر للناس اني اعترض على الدين بينما الحقيقه هي خلافات شخصيه لا اكثر
    ومو مشكلتي انك تشوفيني اعترض على الدين والدليل الشرعي وغيره هذا شأنك وربك اللي يحاسبك عليه
    واذا ماقدرتي الى اليوم تتقبلين فكرة وجود اختلاف آراء حتى بين العلماء فهذا شأنك لكن مو من حقك تقصين غيرك طالما لم يضروك ولم يعتدو عليك

    كنت ولازلت احترمك كشخص وكفكر راقي لكن استنكر منك المشي مع رأي القطيع والاخذ بكلامهم
    اما بخصوص هذا الموضوع اصلاً ماني بحاجة اثبات شي لاحد وماني بحاجة اقناع اخر همي الناس انا كتبته بعد موضوعين اخذوني فيها بالهجوم وقلة الادب وكتبته حجة عليهم وخاطبتهم بالطريقه اللي هم يقدسونها وما كتبت رأيي في الموضوع اذا كنتي حادة الملاحظة ولم يكن رأيك تفريغ احتقان مثل غيرك وحتى ماكان لي نيه اكتب ولا رد هنا بس احترام للمحترمين ولحروفهم رديت .

    ختاماً احترم جميع الاراء اللي تناقش الفكرة فقط دون المساس بي كشخص
    شكراً على وقتك اللي خصصتيه للتعليق
  2. @aaoatf_trky_2

    صاحبة الموضوع
    رداً على بعض التعليقات اللي قرأتها هنا وهناك
    موضوعي انكتب بعد مواضيع التشهير اللي انكتبت عني بالاسم وارجعوا للتواريخ بكل موضوع ياللي تظنون ان هذاك الموضوع رد على موضوعي لان هذا غير صحيح موضوعي انكتب بعد مواضيعهم .
    وهذاك الموضوع انكتب بسبب تعليق لي في موضوع يحمل نفس المحتوى وتم الرد عليه مليون مره من العضوات وكاتبة الموضوع نفسها .
    وهذا الموضوع انا كتبته بدون اضافة رأيي الشخصي بل كتبت رأي الشيخ المطلق اللي قاله بلسانه في المقطع اللي اضفت رابطه في نهاية الموضوع .
    هذا الموضوع لم اكتبه بغرض فتح النقاش اللي بالنسبه لي منتهي ومتشبعين منه ومكتفين من سنوات طويله والقسم فيه مواضيع عنه مفتوحه للنقاش لمن تهوى الجدل فيه بل كتبته لأضع الحجة على من اعتدت علي وخاطبتهم بالطريقة المحببه لعقولهم ونفوسهم .
    هذا الموضوع انصدمت ان ثلاث ارباعكم فاهمينه بطرق عجيبه غريبه يغلب عليها التعليق بدوافع الاحتقان المسبق لا اكثر في الحقيقة هو ليس فيه حكم بوجوب التهنئه يعني محد فيكم مجبر وملزم يهني أحد فهل انتم مدركين وواعين لانفسكم وش تقولون وتخربطون وهل عقولكم اصلاً تستوعب ما تقرأ !
    ختاماً شكراً لجميع المحترمات اللي نورونا واضافوا تعليق وشكرا لجميع الاراء ربي يسعدكم ويوفقكم لكل خير والله يرشدنا جميعاً للصواب .

تابعي تجارب أخرى من هذا القسم.