الصمت العقابي لاشهر ..احتاج مشورتكن

بسم الله
احتاج مشورتكن للتتضح الروية قدامي يمكن في شي انا غافله عنه وتشوفونه ..
متزوجه من سبع سنين وعندي اطفال والحمدلله
زوجي الله يصلحه يتصرف معي بطرق ما قدرت افهمها
يترك غرفة النوم من بدايه زواجنا بدون سبب
فجأه يقلب وجهه ويطلع ينام بالمجلس بالشهور
بالبدايه استغربت حركته وحاولت اناقشه لكنه يرفض النقاش ويطلع من البيت اول ماابدا اتكلم قبل يسمع شي مني
حاولت احل المشكله من بدايتها عشان مايتعود وهذي حلولي..النقاش ورفضه
رحت انام عنده بنفس مكانه ..ومانفع
حاولت اجذبه للغرفه بكذا طريقه بدون نتيجه
رحت بيت اهلي بالشهور ولارجعت تحسن كم يوم ورجع اردى..
يهجرني بالشهور بدون سبب وهذا الي مستغربته
بالبدايه كنت استحي اواجهه واكتفي بالتلميح
لكن مع الوقت اخذ راحته وزادت الشهور
وصرحت له باخر مره كلمته فيها
ان هالشي مضايقني وابغى اعرف السبب
صدني اكثر من مره يلتفت بجواله ومايكلمني لين اطلع
لكني كررت المحاولات لين رد علي وقال السبب اهمالك لبيتك ماتنظفين وووو
عجبك ولا روحي بيت اهلك
لاحظته يبغاني اطلع من بيتي باي شكل
ويبغى التهي عن حقوقي بالنظافه والبيت مع اني مهتمه ببيتي وانظفه
ولاهو منطق يتعذر بالهشي وانا باذله مجهود وهو يشوف بعينه
تتوقعوا وش ممكن يكون السبب الي يخليه يهجرني بالشهور ممكن توصل لخمس شهور بدون سبب وهو شاب بالثلاثينات وماعنده امراض
ولا يدخن او يشرب الخ ..
وش ممكن يكون السبب ؟؟
وهالشي مضايقني ولاني قادره اخذ قرار
صار مو بس هجر فراش
من يطلع من الصبح لدوامه لين اخر الليل مااشوفه
مهمل عياله وبيته بكل التفاصيل
ومشاويري كمان..
وهالشي اتلف اعصابي وتعبني نفسيا
مو قادره اتعايش مع هالوضع ..
منظر عيالي وهم يرحون المجلس عنده اذا جا متاخر
شوي عندي بالصاله وشوي يروحون له اوجعني