ساعدوني ريلي يبي يطلقني..

الفجر اليوم بسته على جبينه وصليت ..
ان شاءالله فاتحة خير

شيكي عاالرسائل الخاصه ارسلت لك شي

حبيبتي ليه يا دنيا؟ من اللي قريته و سامحيني على كلامي يمكن يجرحج شوي انج قاطه نفسج على زوجج وااااااااايد! يعني انت اللي تركضين وراه ترى الريال ما يحب شذي..... انا لو منج اثقل شوي و اغير من شكلي سوي نيولوك قصي شعرج و صبغيه ضعفي خليج بالستينات بدل السبعينات..... غيري طريقة لبسج حبيبتي ترى الريال يشوف و يلاحظ كل شيء و بعدين لما يمل يبدأ يقارن.... الله يهدي سركم و يردكم لبعض ان شاءالله....

يا حبيبتي اكثري من الا ستغفار تقربي من الله اكثر فهو القادر علي جعل زوجك يحبك ولايتركي واذا كنتي زي ماقالت اختي دلوعةحمني كثيرة الالتصاق بزوجك فافضل انك تثقلي شوي با العربي الفصيح طنشيه بس بذكاء يعني انتي جددي نفسك زي ماقالوا الاخوات بس من غير ماتسالينه عن رايه وحتي لو علق عليكي لا تهتمي سوي نفسك واثقه من نفسكومن اختيارك لان بعض الرجال يحبون المراه الواثقه من نفسها اشغلي نفسك اذا كان موجود في البيت يعني اذا حطيت الاكل لاتجلسي معاه سوي اي شي في البيت يعني انشغلي صدق مش تمثيل لاني الرجال اذكياء وعشان تسوي رجيم وعندك قسم السمنه خذي رجيم سريع واذا كانت فصيلة دمك o+سوي رجيم الاخت رونه ينقص 5 كيلو في 5 ايام ولازم تسوين رياضه في وقت دوام زوجك يعني امشي ساعه ونطي الحبل او النط الحر وسوي تمارين المعده لاتسوين 10 لا 20 او اكثر حتي لو منفصل عن بعضه بس اهم شي اذا كان في الدوام عشان بعدين يلاحظ الفرق واذا مالقيت اي شي يشغلكي امسك القران اواي كتاب وسوي نفسك متمتعه بقراته واذا جاء وقت النوم تكوني لابس قبله بساعه او ساعتين متشيكه وحاولي انك ماتدخلي الغرفه الابعده بساعه علي اساس انك مشغوله .خليكي مرحه لا يدخل البيت الايسمع صوت ضحكتك انتي واولادك ولعبكم لاتوقفي اذا جاء لاكملي اوحطي الاكل وكملي لعب اولادك اكليهم قبل مايجي وفي الليل حاولي تنيميهم بدري عشان تفضي لنفسك حطي كريم مرطب بريحه حلوه علي جسمك كله طبعا حطيه وانتي في غرفة النوم البسي قميص نوم طويل واجلسي علي كرسي التسريحه وابدي ادهني اقدامك بكل نعومه وكملي بهدوء وصدقيني عيونه حتكون معاك حتي لو مابين بس لاتسوين هذي الحركه الا بعد فتره من التطنيش عشان تعطي مفعول .
انا طولة الكلام بس اتمني تكوني فهمتي المقصود لا نك اذا فهمتي حتجنينه لانك ذكيه ولا تقولي لا .
انتي ياختي صدقيني العيب مش فيك لا بس بعض الرجال يحب يعذب حرمته بس انتي اقلبيها عليه هو مهتم فيكي انتي كما ماتهتمي ليه حقوق كامله مكمله من غير زيادة وانتي تاخذي حقوقك ادلعي دلعي نفسك لاتستني انه يدلعكي اتكلمي بنعومي وبصوت منخفض حتي مع اولادك البسي اشياء فيه دببه لاتهتمي بتعليقه اهمي شي سوي الي يعجبكي وعالم حواء فيه الكثير من الاشياء الي بتفيدك عشان تقلبي نفسك من الي صدقيني هو الخسران مش انتي لانه بين عليكي طيبه والزمن هذا الطيبين ماكوله حقوقهم .
الله يعينك ويحبب زوجك فيكي ويصلح لكي اولادك ,لآتنسي الاستغفار فله مفعول السحر وعليكي بقيام الليل والدعاء .
طمنينا عليكي.

كرري الدعاء هذا وتحري اوقات الاستجابه:
(اللهم صب حبي في قلب زوجي صبا)

الله يعينك ويزيل همك.

تسلمون يارب والله ماقصرتوا وهذا كان عشمي فيكم أنا بأذن الله اليوم بسوي كل اللي قلتوا لي عليه وبإذن الله خير..
وأسمحولي إذا طولت عليكم بس بالنسبه لي ماعندي من صدق أشتكيله أمي الله يعطيها العافيه فيها اللي مكفيها ولاودي أزيد همها.. وفعلا أنا أعتبركم خواتي وأنتوا طلعتوا أكثر بعد..
ماقصرتوا وأدعولي تكفون لإني صدق أحس بضيق ربي يعلم بها..