كيف اتصرف مع امي

طفي جوالك
لاتنامين وهو شغال طالما ماتبين تردين على إتصالات أحد
زوجك معه حق إذا كان الجوال يدق عنده بالغرفه ويصحيه فمعناته رح ينزعج سواء أمك أو غيرها.

لكن لو كانت تتصل وإنت مهو في غرفتك ولا يزعجه الإتصال فماله حق.
واحرصي تكلمين أمك لو دقيقتين في اليوم طالما طبعها انها تقلق عليك.


لي صديقه أمها معها الزهايمر وماتتخيلين وش كثر متأثره صديقتي من وضع أمها
تقولي أقسى شي ودي أنساه يوم أمي كانت تتصل علي وما أرد أحيانًا عليها لأن مالي مزاج أو مشغوله بشي تافه والآن أتمنى لو أمي ترن علي رنه وحده بس.


التمسي لأمومتها ولحبها لك العذر.

كلميهم بوقت دوام زوجك وقولي لها يا امي اذا ماعاد ارسلت او مارديت معناه انشغلت مع زوجي وانام بدري معه وبتفهمك

انا اقصد في الوقت متاخر وش اسوي معها اذا مارديت تدق على زوجي هي متعلقة بي احس ومدري وش اسوي فجر وتدق وإذا مارديت تصير مشكلة اكبر
وانا عاد توي اكون أمس زايرتهم ومكلمتهم واحيانا لادقيت ماتسولف معاي تعطي الجوال اقرب بزر جنبها وانا مهملة شغل البيت عشان ادق ويتراكم علي المسؤوليات
والله مدري وش اسوي زوجي يعطيني محاضرة عن هالشيء كل مرة زود ع مشاكلي معاه 😩
احيانا اكون تعبانه وتوي جاية من مستشفى والقى امي تعاتب واتعب زيادة مدري وش اسوي انا يعني لو قاطعة قلت معليه

ماترد هالوقت اللي ادق فيه تقول مشغولة كنت
و انا ماكتبت الموضوع الا وانا سويت هالشيء بس مافي تفهم😢🖐️
شكراا

زوجك شكله جالسلك ع الحبه ويدور المشاكل.
لكن الله يعينك من جد.
مالك إلا تطفين جوالك وقت النوم.
وبالنسبه لإتصالها على جوال زوجك الفجر الحقيقه ماله داعي.
حطي رقمها في الحظر في جوال زوجك عشان إتصالها في الأوقات المتأخره.

وفي نظري مافيه مشكله
خوذي الأمر ببساااااطه
كبريها تكبر
صغريها تصغر
جوالك وجوال زوجك طفوها وقت النوووم.. أنا مدري ليش الناس تخلي الجوالات شغاله عند روسهم وهم نايمين!

والوالده حاولي تكلمينها كل ماقدرتي وجاريها في الكلام
يعني سددي وقاربي والله يعينك