لا عدمناكم...السنعة مع أهل زوجها تشور علي ‌‌‌و أدعيلها

السلام عليكم أخواتي الكريمات النصوحات...حبيباتي السنعة مع أهل زوجها وعرفت تتعامل معهم ,وتستكفي شرهم ...تشور علي ...الله يخلف علي :23:...وعلشان أوضح الموضوع أكثر..أنا متزوجه من أكثر من 7سنوات ..و لا تستغريون أني للان لم أتأقلم معهم ..وصار مواقف كثيره من خواته خاصة وحده منهم يندى لها الجبين ومن زوجة أبو زوجي وعلى فكره هم رفيقات :30: أخته و زوجة أبوه ومتقاربات في العمر
وياما سببوا مشاكل من تحت لتحت بيني وبين زوجي :44:..ودي أصير رسميه معهم ولا أطيح الكلفة معهم.... بس أحس أني مااقدر فالطبع يغلب التطبع ثم أنه بناء على أوامر زوجي لازم أشوفهم مرتين بالأسبوع ..وشلون تجي الرسميه ودائما وجوهنا ببعض؟؟؟:55::02:...ومن ناحيه ثانية أفكر مرات علشان أكسبهم بس سبحان الله ألاقى ردات فعل و أساليب ما تشجع ..كأنهم حاطينك حاطينك في القائمة السوداء ؟؟؟ردوا علي لاتطنشوني ..:27:

39 تعليق 17,684 مشاهدة

شاركي في النقاش

سجلي الدخول لإضافة تعليق.

التعليقات

37
  1. @am_alshhdaaa_bathn_allh

    اختي هلوب اهل الزوج اما كنهم اهلك ولا كنهم اعدائك
    مافي وسط وبعدين ان كانومن النوع الثاني فمستحييييل انهم يحبونك مهما سويتي اهم شي السكووووت وعدم الرد واحترميهم حتى يحترموكي غصب عنهم لو مايستاهلون الاحترام وبعدين ام زوجك مهما كاااانت استحمليها واحترميها ولازم تهديها كل فتره حتى تكسبيها لانها اهم شي لوانها موريتك الويل لاكن يجي يوم تتغير
    اما بالنسبه لاخواته اللي تحترمك وتقدرك رديلها بالمثل لاكن اللي ماتحترمك وتهينك طنشيها ولاتردي عليها واحتسبي
    اما زياراتك لهم فحااااولي انك تخففيها مررره حتى تكوني رسميه وحاولي من زوجك ان تكون الزياره بالاسبوع وبعدين بالاسبوعين وهكذا حتى مايحس انك تجرين منهم ولو طلبتي من زوجك تجري على طول اكيد يبي يرفض ويمكن يلومك انك انتي ماتبين اهله بالتدريج احسن
    اقولك طريقتي مع اهل زوجي باختصار
    انا كنت لهم زي الاخت والله يشهد علي وكنت دايم اجي لمهم اقضي حوائجهم لدرجة ان اغراضهم انا اشتريها وعلى حساب زوجي وماعمري جيت لمهم الاوالاكل والحلا معي ولما اسافر اغرقهم بالهدايا وعمرهم ماسافرو الامعنا
    ولاتنسين العزايم اقف واكرف من ناحية التنظيف والطبخ لدرجة اني اغسل دورات المياه بفلاش وبناتنا يتلبسون من الظهر اللين يجون الناس لدرجة انهم خلو مواعين الغدا وجلست اغسلهم وانا كنت تعبانه فتره جلست فتره طويله
    ولاشكر ولاشي ومتحمله قلت لازم اكسبهم ولاحتى رحموني يشوفوني تعبانه والله لو اني خدامه ماسووفيني كذا
    ولما يسافرون حتى مايتنازولون يجيبون لي هديه او حتى ولدي ويجيبون ليال الخوانهم بالخفيه وزوجاتهم مع اني انا اللي اجلس في بيتهم لما يجون والله اني انظفها لهم واشتري لهم النواقص ولاكلمة شكرا سمعته منهم اللي قالوها هذا مفروض عليك تسوينه لنا وغيري لا
    لاكن استفدت من حريم اخوانه انهم رسميات ويجون كنهم ضيوف وياخذون حقهم وحق جيراهنم وتلقين كل الاحترام لهم وانا يمونون علي بالتجريح وغيره لدرجة اني ادخل عليهم على طوول قبل لاافسخ عباتي يالله قمومي للمطبخ ولما اخلص واروح اجلس معهم اتقهوى ينادوني حتى اكمل معهم الاكل وليت القى شكر ولا مايهونوني قدام حريم اخوانه والله كنت لما ارجع لبيتي اجلس ابكي حتى كنت غبيه لما يسئلني زوجي مااقوله اخاف افرق بينهم وحتى لما ينعزمون يقولون لاحريم اخوانه وانا يخفون علي ولااشره الاعلى خالتي اللي ماتقولي لما زوجي يقولهم ليش ماقلتوا لنا قالوا نسينا بالله هذا عذررر
    والان بعد ماانهنت وعرفت انهم مايبوني خلاص تركتهم بلاعوده حتى زوجي يوم قلت له عن سسب جري منهم قال احسن ذولا اهلي وانا اعرفهم واشوف معاملتك الطيبه معهم لاكن مايستاهلون لاكن امي قدريها عشاني مهما جاكي منها
    ويوم صرت رسميه يالله من فضلك انتهت مشاكلهم وانا ارتحت قلت لك قصة حياتي بس ابيك تستفيدين لان الاهل الطيبين مها قدمت لهم راح يحترمونك ويقدرونك والاهل النذلين مهما سويت لهم ماراح الايهوننك مجرررب من ومن غيري والله يهدي الجميع (الواحد يضع خشية ربه بين عينيه )
  2. @daoyh_1

    والله العظيم وكأن الأخت الينبوع الصافي تروي قصتي مع أهل زوجي لكن في شوية تغير ولكن لما صرت رسمية
    وتغير حالي تغير حالهم الجميع محاربه من الجميع أم زوجي كانت تقول جواهر بني التاسعة ولكن دوام الحال من المحال وأنا عارفه السبب هو أني تغيرت مع بناتها .يعني أصبحت رسميه فقط بصراحه هذا أحسن الطيب ما ينفع الى مع الطيب .
  3. @am_fhody

    نصيحه الرسيه مع اهل الزوج لان اذا طيحتى الميانه انتى الخسرانه والينبوع الصافى وفت ولا قصرت
    وحده مقهورررررررره حسبى الله ونعم الوكيل
  4. عزيزتي...
    انا كمان اعاني بعض المشاكل مع اهل زوجي.
    لكن المشكلة ان زوجي يفرظ علي اشوفهم يوميا...واجب يعني ...ولما اتذمر من كثر الزيارات ..يوبخني...
    واهله من النوع من تحت لي تحت...يعني يحشون فيني ويحاولون يحرظونه علي من وراي...
    أكيد بتسأليني شو سويت...اتبعي بعض نصائحي:
    1- ما اذكرهم الا بالخير امام زوجي..لانه لن يقبل ان انطق عنهم اي كلمة من ورائهم..وعشان ما اطلع الشينة بعيونه..يعني دايما سوي نفسك تحبينهم مووووووت قدامه وحاولي التمثيل يكون جد..ودوم سألي عنهم قدامه يعني لا تغلطين ابد عليهم عشان ياخذ فكرة انك تحبينهم.
    2- حاولي تبتعدي عنهم قدر الامكان ..حتى اذا كانو طيبيبن....ابتعدي افظل...وهذه النصيحة اكررها لكل وحدة متزوجة جديد....لاتأتمنيهم على اسرارك أو تطيح الكلفة بينكم..يعني رسمي...
    3- حاولي تقللي الزيارات...طلعي لك مشاوير مفاجأة ...عزومة..مريضة تبين المستشفى..الاولاد وحاجياتهم...يعني بأي طريقة كانت ..واذا مانفعت الطريقة واضطريتي تشوفي وجوهم.....خلي كلامك رسمي ..وابتسمي بوجوههم.
    4- خلي زوجك يلاحظ المشاكل اللي يسووها لك ...بس بطريقة ذكية...يعني لاتقولين له في وجهه اهلك سوو فيني وفيني..لأ...كوني ذكية في اختيار اللحظات والطرق المناسبة..


    اتمنى اسمع عنك كل خير

تابعي تجارب أخرى من هذا القسم.